சென்னை, மே 26 –
‘‘கடந்த 15 நாட்களில் 25 கொலைகள், 4 இரட்டைக் கொலைகள், 19 பாலியல்
குற்றங்கள் என தொடர் சம்பவங்கள் நடைபெற்று வரும்போது தேர்தலுக்கு முன் வீரவசனம் பேசிய முதல்வர் இப்போது வாய்திறக்க மறுப்பது ஏன்?’’ என்று சட்டமன்ற எதிர்க்கட்சித் தலைவரும் கழக இளைஞர் அணிச் செயலாளருமான உதயநிதி ஸ்டாலின் அவர்கள் கேள்வி எழுப்பி கடும் கண்டனம் தெரிவித்துள்ளார்.
தமிழ்நாட்டில் த.வெ.க. தலைமை யிலான கூட்டணி ஆட்சி அமைந்த பிறகு, நாளொரு மேனியும் பொழுதொரு வண்ணமாக கொலை, கொள்ளை, கற்பழிப்பு, கஞ்சா கடத்தல் உள்ளிட்ட சம்பவங்கள் தொடர்ந்து நடைபெற்று சட்டம் – ஒழுங்கு சீர்கெட்டு வருகிறது.
ஏன் தான் இவர்களை தேர்ந்தெடுத்தோமோ என்று மக்கள் வருத்தப்படக்கூடிய வகையில் நேற்று கூட மதுரையில் 17 வயது சிறுவன் ஒருவன் வெட்டிக் கொலை செய்யப்பட்டுள்ளான்.
கோவை சூலூர் 10 வயது சிறுமி கொல்லப்பட்டு, இறந்த உடலை பெற்ற தாய்க்கும் தெரிவிக்காமல் எரித்த கொடுமையும் நடந்துள்ளது.
வந்தவாசியில் 14 வயது சிறுமி கடத்தப்பட்டு கூட்டுப் பாலியல் வன்கொடுமை நடைபெற்ற அநியாயம்,
இதுமட்டுமின்றி எங்கு பார்த்தாலும் கொள்ளைச் சம்பவங்கள் அரங்கேறி, அமைதியாக இருந்தத் தமிழ்நாட்டில்
இப்படியொரு நிலையாஎன்று கேட்கிற அளவில் தற்போதைய சூழல் நிலவுகிறது.
இது தொடர்பாக எதிர்க்கட்சித்
தலைவர் உதயநிதி ஸ்டாலின் அவர்கள் இதுதான் த.வெ.க. சொன்ன மாற்றமா என்று கேட்டுள்ளார்.
இந்நிலையில் சட்டமன்றஎதிர்க்கட்சித் தலைவர் உதயநிதி ஸ்டாலின் அவர்கள் தமது சமூக வலைதளத்தில் பதிவிட்
டிருப்பதாவது :–
தமிழ்நாட்டில் கடந்த 15 நாட்களில் 25 கொலைகள், 4 இரட்டைக் கொலைகள், 19 பாலியல் குற்றங்கள் என செய்திகளில் வந்த சம்பவங்கள் மட்டுமே இவை.
மாற்றம், மாற்றம் என்று சொன்னவர்களின் ஆட்சியில், தமிழ்நாட்டின் சட்டம் ஒழுங்கு மாறி இருப்பதற்கு இந்த சம்பவங்களே சாட்சி.
கோவை சூலூர் சிறுமிக்கு நடந்த கொடுமையின் அதிர்ச்சியில் இருந்து மீள்வதற்குள் விழுப்புரம் மாவட்டத்தில் மற்றொரு சிறுமிக்கு பாலியல் வன்கொடுமை நடந்திருக்கிறது.
சூலூர் சிறுமியின் தாய்க்குச் சொல்லாமல் அவசரகதியில் உடல் எரிக்கப்
பட்டிருக்கிறது.
மதுரை மீனாட்சி அம்மன் கோயில் அருகே 17 வயது சிறுவன் படுகொலை செய்யப்பட்டிருக்கிறான்.
மேலும், கோவையில் ஒரு இளம்பெண்ணின் வீட்டின் மீது பெட்ரோல் குண்டு வீசப்பட்டு இருக்கிறது.
முதலமைச்சரின் சொந்த தொகுதியான பெரம்பூரில் போதைக் கும்பல் ஒன்று 13 வாகனங்களின் கண்ணாடிகளை உடைத்து அட்டூழியம் செய்துள்ளது.
மாண்புமிகு முதல்வர் அவர்களே,
இது தமிழ்நாடா, உத்தரப்பிரதேசமா?
எங்கே போனது உங்க சிங்கப்பெண் அதிரடிப் படை?
தேர்தலுக்கு முன்பு வீர வசனங்களை பேசிய முதலமைச்சர் இப்போது ஏன் வாய் திறக்க மறுக்கிறார்?
அதிகரிக்கும் குற்றச் சம்பவங்களால் பொதுமக்கள் அச்சத்தில்
தவிக்கும் போது, இன்று காலை கண்துடைப்புக்காக காவல்துறை அதிகாரிகள் கூட்டத்தை நடத்தி பொத்தாம் பொதுவாக அறிக்கை விடுவதை ஏற்க முடியாது.
நிலைமையின் தீவிரத்தை முதலில் அரசு உணர வேண்டும்.
பெண்கள், குழந்தைகளுக்கு
எதிரான குற்றச்செயல்களை தடுக்க,
முதலமைச்சர் ஆக்கப்பூர்வமாக என்ன செய்யப் போகிறார் என்ற தமிழ்நாட்டின் கேள்விக்கு அவர் நேரடியாக பதில் சொல்லி ஆக வேண்டும்.
இவ்வாறு சட்டமன்ற எதிர்க்கட்சித் தலைவர் உதயநிதி ஸ்டாலின் அவர்கள் தமது சமூக வலைதளத்தில் பதிவிட்டுள்ளார்.