நெல்லை, மே 26 –
நெல்லை மாவட்டம், இராதாபுரம் சட்டமன்றத் தொகுதியில் மதச்சார் பற்ற முற்போக்குக் கூட்டணி யின் கழக வேட்பாளராக போட்டியிட்ட முன்னாள் சட்டப்பேரவை தலைவர் மு.அப்பாவு இராதாபுரம் தொகுதிக்கு உட்பட்ட பணகுடி, வள்ளியூர் ஆகிய பகுதிகளில் தனக்கு உதயசூரியன் சின்னத்தில் வாக்களித்த வாக்காளர்களுக்கு தெருத் தெருவாக சந்தித்து நன்றி தெரிவித்தார்.
இதனைத் தொடர்ந்து முன்னாள் பேரவை தலைவர் மு.அப்பாவு பணகுடியில் செய்தியாளர்களிடம் தெரிவித்ததாவது:–
தற்போதைய அரசுக்கு ஆதரவாக சுமார் 300 கோடி ரூபாய் செலவில் ஒரு பெரும் ‘ரீல்ஸ்’ உருவாக்கும் கூட்டம் செயல்பட்டு வருகிறது. 1,200 தொழில்நுட்ப வல்லுநர்கள், 200 துணைநடிகர்கள் இதற்காகப் பயன்படுத்தப்படுகிறார்கள்.
தினசரி உண்மைக்குப் புறம்பான தகவல்களை இன்ஸ்டாகிராம் ரீல்ஸ்கள் மூலம் உருவாக்குகிறார்கள். சுமார் 30,000 வாட்ஸ்அப் குழுக்கள் மற்றும் 2 லட்சம் போலி ஐடிகள் மூலம் இந்தச் செய்திகள் பரப்பப்படுகின்றன. குழந்தைகளை ஈர்க்கும் கார்ட்டூன் வீடியோக்கள் வரை இவை ஊடுருவியுள்ளன.
தற்போதைய முதல்வர், பெண் ஒருவரின் மரணத்திற்கு ‘சி.எம். சார், அந்தஉயிரைத் திரும்பக் கொடுக்கமுடியுமா?’ என்று கேள்வி எழுப்பி கடுமையாக விமர்சித்தார். அதேபோன்ற ஒரு சூழல் தற்போது கோயம்புத்தூரில் நடந்துள்ளது.
அங்கு 10 வயதுக் குழந்தைஒன்று கடத்தப்பட்டு, பாலியல் வன்கொடுமைக்கு உள்ளாக்கப்பட்டு படுகொலைசெய்யப்பட்டுள்ளது. இந்தச்சம்பவத்தில் மூன்று நான்கு நாட்களாகப் பெற்றோர்களை அலைக்கழித்த பிறகே காவல்துறை வழக்குப்பதிவு செய்து, தற்போது உடற்கூறாய்வுக்குப் பின் உடலைப் பெற்றோரிடம் ஒப்படைத்துள்ளது.
குழந்தையை இழந்து கதறும் பெற்றோர்களிடம், இனி இப்படி ஒரு சம்பவம் நடக்காது என்ற ஒரு மாயையான வாக்குறுதியை அளித்துதான் இவர்கள்வாக்குகளை பெற்றுள்ளனர். ஆனால் வெற்றி பெற்ற பிறகு ஒரு தொலைபேசி வாயிலாகக் கூட அந்தப் பெற்றோருக்கு முதல்வர் ஆறுதல் தெரிவிக்கவில்லை. தேர்தலின் போது எவ்வாறு ரீல்ஸ்கள் மூலம் பொய்ப்பிரசாரம் செய்யப்பட்டதோ,அதேபோல தற்போதும் வலைதளங்களில் ஆறுதல் கூறுவது போன்ற பதிவுகளை மட்டுமே அவர்கள் வெளியிட்டுள்ளனர்.
ஆனால் பொதுமக்களின் கொந்தளிப்பைத் தாங்க முடியாமல், முன்னாள் முதல்வர் மு.க.ஸ்டாலின் அவர்கள், தனது ஆட்சிக்காலத்தில் இதுபோன்ற சம்பவங்கள் நடந்த உடனே பாதிக்கப்பட்ட பெற்றோரைத் தொலைபேசியில் அழைத்து ஆறுதல் கூறி, தகுந்த பாதுகாப்பு மற்றும் நிதியுதவிகளைச் செய்து, குற்றவாளிகளுக்குக் கடுமையான தண்டனை பெற்றுத் தந்தார்.
ஆனால் தற்போதைய முதல்வர், ஐந்து நாட்களுக்குப் பிறகே முன்னாள் முதல்வரின் வழியைப் பின்பற்றி தொலைபேசியில் அழைத்து ஆறுதல் கூறியுள்ளார். இதன் மூலம் அவர்களின் ஏமாற்று வேலை மக்களுக்கு வெட்ட வெளிச்சமாகத் தெரிந்துவிட்டது.
அ.தி.மு.க-., தி.மு.க. கூட்டணி ஆட்சி அமையுமா?” என்ற கேள்விக்கு பதிலளித்த அவர்,
ஜெயலலிதா மறைவுக்குப் பிறகு அ.தி.மு.க.வில் குழப்பம் நிலவியபோது ஆளுநர் நமது தலைவர் மு.க.ஸ்டாலின் அவர்களை அழைத்து ஆட்சி அமைக்கக் கோரினார். தி.மு.க. வசம் அப்போது 107 எம்.எல்.ஏ-.க் கள் இருந்தனர். பெரும்பான்மைக்கு 118 பேர் தேவைஆனால் “குறுக்கு வழியில் நான் ஆட்சிக்கு வர விரும்ப வில்லை. 118 பேரின் ஆதரவுடன் மக்களால் தேர்ந்தெடுக்கப்பட்டால் மட்டுமேமுதல்வராக அமர்வேன். அதுவரை பிரதான எதிர்க்கட்சியாகவே செயல்படுவேன்” என்று மு.க.ஸ்டாலின்அவர்கள் கூறினார்.
தி.மு.க. தலைவர் தெளிவாகவே தனது நிலைப் பாட்டை அறிவித்துள்ளார். மக்கள் எங்களை எதிர்க்கட்சியாக அமர்த்தியுள்ளனர். அதனால் பிரதான எதிர்க்கட்சியாகவே செயல்படுவோம். குறுக்கு வழியில் ஆட்சிக்கு வர விருப்ப மில்லை என்று தெரிவித்துள்ளார்.
மின்சார வாரியத்தின் கடன் நிலை குறித்து பேசிய மு.அப்பாவு, “2011ஆம் ஆண்டு தி.மு.க. ஆட்சியி லிருந்து விலகியபோது மின்வாரியத்தின் மொத்தக் கடன் ரூ.43 ஆயிரம் கோடி மட்டுமே இருந்தது. ஆனால் அ.தி.மு.க. ஆட்சிக் காலத்தில் தரமற்ற நிலக்கரி இறக்குமதி, அதிக விலைக்கு கொள்முதல், சோலார் ஒப்பந்தங்களில் முறைகேடு போன்ற பல்வேறு காரணங்களால் ஆயிரக்கணக்கான கோடி ரூபாய் இழப்பு ஏற்பட்டுள்ளது. இதை சி.ஏ.ஜி. அறிக்கையும் சுட்டிக்காட்டி யுள்ளது. அதுவே தற்போது மின்வாரியம் பெரும் கடனில் சிக்க காரணம்.
கொறடா உத்தரவை மீறியதாக கூறப்படும் 25 அ.தி.மு.க. சட்டமன்ற உறுப்பினர்களின் தகுதி நீக்க விவகாரம் குறித்து விளக்கம் அளித்த அவர், “கட்சித் தாவல் தடைச் சட்டத்தின்படி, கட்சியின் சின்னத்தில் வெற்றி பெற்று பின்னர் கட்சி உத்தரவுக்கு எதிராகச் செயல்பட்டால் சபாநாயகர் நடவடிக்கை எடுக்க முழு அதிகாரம் உள்ளது. டி.டி.வி. தினகரன் ஆதரவு எம்.எல்.ஏ.க்கள் வழக்கில் எடுத்த நடவடிக்கையும், அதனை நீதிமன்றம் உறுதி செய்த தீர்ப்புகளும் இதற்குமுன்னுதாரணமாக உள்ளன.
இன்று காக்ரோச் ஜனதா பார்ட்டி என்று ஒரு அமைப்பை உருவாக்கி உள்ளார்கள். வேலையில்லாத இளைஞர்களை கொச்சைப்படுத்தி பேசியதின் விளைவாக ஜென்-சி” (Gen-Z) என்று அழைக்கப்படும் இன்றைய இளம் தலைமுறையினர் லட்சக்கணக்கில் ஒன்றிணைந்து இந்த “காக்ரோச் ஜனதா பார்ட்டி” என்ற அமைப்பை உருவாக்கியுள்ளனர். இந்த இளைஞர் சக்தி(காக்ரோச்) மிக விரைவில் அரசியலில் மிகப்பெரிய தாக்கத்தை ஏற்படுத்தும். அ.தி.மு.க.வின் சின்னமான இலையையும், பா.ஜ.க.வின் சின்னமான ‘தாமரையையும் இந்த “காக்ரோச்” சாப்பிட்டு முடித்துவிடும் என்று தோன்றுகிறது. மேலும் காக்ரோச் போடும் இரைச்சலில், விசில் சத்தம் காணாமலேயே போய்விடும். யார் எவ்வளவு பொய்ப் பிரச் சாரம் செய்தாலும் மக்கள் அதை நம்பமாட்டார்கள். தி.மு.க. என்பது கொள்கைப் பிடிப்புள்ள இயக்கம், ஆட்சி அதிகாரத்திற்காகஎதையும் செய்பவர்கள் அல்ல.வரவிருக்கும் நாடாளுமன்றம் மற்றும் உள்ளாட்சித் தேர்தல்களிலும் தி.மு.க. கூட்டணி மிகப்பெரியவெற்றியைப் பெறும்” என்றுநம்பிக்கை தெரிவித்தார்.
இவ்வாறு அவர் தெரிவித்தார்.
இந்நிகழ்வில் ஒன்றியக் கழகச் செயலாளர்கள் ஜோசப் பெல்சி, அலெக்ஸ்அப்பாவு, மாவட்ட பொறுப்புக் குழு உறுப்பினர் நம்பி உள்பட கழக நிர்வாகிகள் பலர் கலந்து கொண்டனர்.
ரிஷிவந்தியம் சட்டமன்றத் தொகுதியில் 3வது முறையாக வெற்றி பெற்ற கள்ளக்குறிச்சி தெற்கு மாவட்டக் கழகச் செயலாளரும், ரிஷிவந்தியம் தொகுதி சட்டமன்ற உறுப்பினருமான வசந்தம் க.கார்த்திகேயன் தனது சட்டமன்றத் தொகுதிக்குட்பட்ட மணலூர்பேட்டை பேரூர் மற்றும் முருக்கம்பாடி, கொங்கணாமூர், அத்தியந்தல், தேவரடியார்குப்பம், செல்லங்குப்பம், ஜம்பை, கே.சி.தாங்கல், பள்ளிச்சந்தல், மேட்டுச்சேரி, காங்கியனூர், மேலந்தல் ஆகிய ஊராட்சிகளில் பொதுமக்களை நேரில் சந்தித்து தனக்கு உதயசூரியன் சின்னத்தில் வாக்களித்து வெற்றி பெற செய்தமைக்கு நன்றி தெரிவித்தார்.