சென்னை, மே. 26–

தி.மு.க.– ம.ம.க. இடை­யி­லான உறவு வெறும் தேர்­தல் உறவு மட்­டும் அல்ல, அது கொள்கை உறவு என மனி­த­நேய மக்­கள் கட்­சித் தலை­வர் எம்.ஹெச். ஜவா­ஹி­ருல்லா தெரி­வித்­தார்.

இது­கு­றித்து அவர் ஞாயிற்­றுக்­கி­ழமை வெளி­யிட்ட அறிக்கை: கடந்த சில நாள்­க­ளாக, தி.மு.­க.–­ம.­ம.க. இடையே பிரிவை உண்­டாக்­கும் நோக்­கில் உண்மை யற்ற தக­வல்­கள் சமூக ஊட­கங்­க­ளில் உலா வரு­கின்­றன. தி.மு.க.– ம.ம.க. இடை­யி­லான உறவு, வெறும் தேர்­தல் உறவு மட்­டு­மல்ல; அதைத் தாண்­டிய கொள்கை உற­வா­கும்.

2021, 2026 தேர்­தல்­க­ளில் தி.மு.க. சின்­னத்­தில் ம.ம.க. போட்­டி­யிட்­டது.

இந்­நி­லை­யில், தொடர்ந்து சொந்த சின்­னத்­தில் போட்­டியி டாத கட்­சி­க­ளின் பதிவை தேர்­தல் ஆணை­யம் ரத்து செய்த சூழ­லில், மம­க­வின் பதி­வும் ரத்­தா­னது. இது­தொ­டர்­பான வழக்கு சென்னை உயர்­நீ­தி­மன்­றத்­தில் நிலு­வை­யில் உள்­ளது. இச்­சூ­ழ­லில் கட்­சி­யின் பதிவை மீட்க தனிச்­சின்­னத்­தில் போட்­டி­யிட வேண்­டி­யது அவ­சி­ய­மா­கி­விட்­டது. இதுவே, மமக உயர்­நிலை குழு­வில் தீர்­மா­ன­மாக நிறை­வேற்­றப் பட்­டது.

அதா­வது புதி­தாக அமைந்­துள்ள தவெக அர­சில், தனிச்­சின்­னத்­தில் நின்­றி­ருந்­தால் அமைச்­சர் பதவி பெற்­றி­ருக்­க­லாம் என்ற ஆதங்­கத்­தோடு அந்­தத் தீர்­மா­னம் நிறை­வேற்­றப் பட்­ட­தாக திரித்­துப் பரப்­பப்­பட்­டுள்­ளது. இது முற்­றி­லும் தவறு. குடி­யு­ரி­மைத் திருத்­தச் சட்ட எதிர்ப்பு போராட்­டங்­கள், வக்ஃப் திருத்­தச் சட்ட எதிர்ப்புபோராட்­டங்­கள் தொடங்கிதிருப்­ப­ரங்குன்­றம் விவ­கா­ரம் வரை தி.மு.க. உணர்­வு­பூர்­வ­மாக களத்­தில் நின்­றது.

இதே­போல், மாநில உரிமை கள் பாது­காப்பு, தமிழ் மொழி மீதான ஒடுக்­கு­முறை எதிர்ப்பு உள்­ளிட்ட பல தரு­ணங்­க­ளில் ஒரு­மித்த உணர்­வோடு தி.மு­.க.வுடன் இணைந்து ம.ம.க. களம் கண் டுள்­ளது. தமி­ழ­கத்­தின் நல­னைக் காக்க தொடர்ந்து இணைந்து கள­மாடு வோம் என்று தெரி­வித்­துள்­ளார் எம்.ஹெச்.ஜவா­ஹி­ருல்லா.