சென்னை, மே 27 –
தி.மு.க. ஆதிதிராவிடர் நலக்குழு மாநில நிர்வாகி கள் கூட்டம் நேற்று முன்தினம் (25.-05.-2026) காலை 10.30 மணி அளவில் சென்னை, அண்ணா அறிவாலயத்திலுள்ள கழக அலுவலகத்தில் தி.மு.க. ஆதிதிராவிடர் நலக்குழுத் தலைவர் மருதூர் ஏ.இராமலிங்கம் தலைமையில், இணைச் செயலாளர்கள் புஷ்பராஜ், முன்னாள் எம்.எல்.ஏ., வி.பி. இராஜன், திப்பம்பட்டி ஆறுச்சாமி, துணைச் செயலாளர்கள் பா.துரைசாமி, மு.பொன்தோஸ், மு.பரமானந்தம், சி.தசரதன், மாரியப்பன் கென்னடி, முன்னாள் எம்.எல்.ஏ., கொ. ரமேஷ் ஆகியோர் முன்னிலையில் நடைபெற்ற இக்கூட்டத்தில் தி.மு.க. ஆதிதிராவிடர் நலக்குழுச் செய லாளர் ஆ.கிருஷ்ணசாமி முத்தமிழறிஞர் கலைஞர் அவர்களின் பிறந்த நாளினை மாநிலம் முழுவதும் நலத்திட்ட உதவிகள் வழங்கி சிறப்பாக கொண்டாடுவது குறித்து உரையாற்றினார்.
இக்கூட்டத்தில் நிறைவேற்றப்பட்ட தீர்மானங் கள் பின்வருமாறு:-
தீர்மானங்கள்
1. ஜூன்-3, முத்தமிழறி ஞர் கலைஞர் அவர்களின் பிறந்தநாள் விழாவினை யொட்டி, ஆதிதிராவிடர் நலக்குழுசார்பில் மாவட்ட, மாநகர, ஒன்றிய, நகர, பேரூர், பகுதி மற்றும் வார்டுகளில் கழக இருவண்ண கொடியேற்றி, இனிப்புகள் வழங்குவதோடு நலத்திட்ட உதவிகள் வழங்க வேண்டு மென இக்குழு தீர்மானி க்கிறது.
2. நடைபெற்று முடிந்த சட்டப்பேரவைப் பொதுத்தேர்தலில், தி.மு.கழகம் மீதும், கழகத் தலைவர் அவர்கள் மீதும் நம்பிக்கை வைத்து தி.மு.க. தலைமையிலான மதச்சார்பற்ற முற்போக்குக் கூட்டணிக்கு வாக்களித்த 1 கோடியே 54 லட்சத்து 82 ஆயிரத்து 782 வாக்காளர்களுக்கு இந்தக் கூட்டம் தனது மனமார்ந்த நன்றியைத் தெரிவித்துக்கொள்கிறது.
3. 2026 சட்டமன்றத் தேர்தலில், கொள்கை உறுதியோடு மதச்சார்பின்மை சக்திகளை ஒன்றிணைத்து ‘மதச்சார்பற்ற முற்போக் குக் கூட்டணியை’ உருவாக்கி, தேர்தல் களத்தில் நம்மையெல்லாம் வழிநடத்தி, முதன்மை தொண்டராய் ஓய்வில்லாமல் உழைத்து, 73 சட்டமன்றத் தொகுதிகளில் நம் கழகக் கூட்டணி வேட்பாளர்கள் வெற்றிபெற முதன்மை காரணமாக விளங்கிய நம் கழகத் தலைவர் அவர்களுக்கும் - தமிழ்நாடு முழுவதும் சூறாவளி தேர்தல் பிரச்சாரம் சுற்றுப்பயணம் செய்து 73 தொகுதிகளில் வெற்றிக்கு வழிவகுத்த – கழக இளைஞர் அணிச் செயலாளர் மாண்புமிகு எதிர்க்கட்சித் தலைவர் திரு.உதயநிதி ஸ்டாலின் அவர்களுக்கும் இந்தக் கூட்டம் தனது மனமார்ந்த நன்றிகளைத் தெரிவித்துக்கொள்கிறது.
4. தற்போது “ஆதிதிராவிர் நலக்குழு”வினை பெயர் மாற்றம் செய்து “சமகநீதிக் குழு” என்று பெயர் மாற்றம் செய்து அறிவித்திட வேண்டுமென கழகத் தலைவர் அவர்களிடம் இக்கூட்டம் கோரிக்கை வைக்கிறது.
5. எதிர்வரும் காலத்தில் ஆதிதிராவிடர் நலக்குழுவின் செயல்பாட்டினை மேலும் வலுவாக்கிட மாவட்ட, ஒன்றிய, நகர, பேரூர் என அனைத்து நிர்வாகிகளையும் நியமனம் செய்யும் அதிகாரம் மாநில ஆதிதிராவிடர் நலக்குழுவுக்கு வழங்கிட வேண்டுமென கழகத் தலைவர் அவர்களை இக்கூட்டம் கேட்டுக் கொள்கிறது.
6. நடந்து முடிந்த சட்டமன்றத் தேர்தலிலும் தி.மு.க.வினரின் உழைப்பினால் ஐநது சட்டமன்ற உறுப்பினர்களை பெற்ற காங்கிரஸ் ஒரு நன்றி உணர்வு கிஞ்சித்தும் இல்லாமல் ஒரே இரவில் அணி மாறிச் சென்ற - சொந்த உழைப்பில் ஒருநாளும் வெற்றி பெற முடியாமல், நம்பியவர்களுக்கெல்லாம் துரோகமிழைக்கும் அறமில்லாத காங்கிரஸ் கட்சிக்கு இந்தக் கூட்டம் தனது கண்டனத்தைப் பதிவு செய்கிறது.
இவ்வாறு தீர்மானங்கள் நிறைவேற்றப்பட்டன.