#Title

சென்னை தென்மேற்கு மாவட்ட கலை -– இலக்கிய – பகுத்தறிவுப் பேரவைக் கூட்டம்! மாவட்ட அமைப்பாளர் ச.சண்முகநாதன் அறிக்கை!

சென்னை, மே 27–

சென்னை தென்மேற்கு மாவட்ட தி.மு.க. கலைஇலக்கிய பகுத்தறிவுப் பேரவைமாவட்ட அமைப்பாளர் ச.சண்முகநாதன் விடுத்துள்ள அறிக்கை வருமாறு:–

கலை இலக்கிய பகுத்தறிவுப் பேரவையின் தலைவர் வாகை சந்திரசேகர் தலைமையில் நடைபெற்ற கூட்டத்தில் நிறைவேற்றப்பட்ட தீர்மானங்களின் அடிப்படையிலும், சென்னை தென்மேற்கு மாவட்ட தி.மு.க. கலைஇலக்கிய பகுத்தறிவுப் பேரவையின் நிர்வாகிகள் ஆலோசனைக் கூட்டம்நாளை (28.05.2026 – வியாழன்) இரவு 7.00 மணியளவில் தியாகராய நகர், பாண்டிபஜார் பாலாஜி பவன் ஓட்டலில் மாவட்ட அவைத்தலைவர் மயிலை இரா.கா.இளங்கோவன் தலைமையில் நடைபெறவுள்ளது.

இக்கூட்டத்தில் மாவட்ட துணைத் தலைவர், மாவட்ட துணை அமைப்பாளர்கள், பகுதி அமைப்பாளர்கள், பகுதி துணை அமைப்பாளர்கள் அனைவரும் தவறாது கலந்து கொள்ளுமாறு கேட்டுக்கொள்கிறேன்.

பொருள்:

1) தமிழ்நாடு முன்னாள் முதலமைச்சர் முத்தமிழறிஞர் கலைஞர் அவர்களின் 103–ஆம் ஆண்டு பிறந்தநாள் விழா குறித்தும்,

2) கலை இலக்கியப் பகுத்தறிவுப் பேரவையின் மாநில நிர்வாகிகள் கலந்தாலோசனைக் கூட்டத்தில் நிறைவேற்றப்பட்ட தீர்மானங்களின் அடிப்படையில் செயல்முறைகள் குறித்தும்.

3) மற்றும் கழக ஆக்கப்பணிகள் குறித்தும்.

இவ்வாறு ச.சண்முக நாதன் தமது அறிக்கையில்கேட்டுக்கொண்டுள்ளார்.