தஞ்சை, மே 28 –
“த.வெ.க. அரசின் பயிர்கடன் தள்ளுபடி அறிவிப்பு விவசாயிகளை ஏமாற்றும் அறிவிப்பாக உள்ளது” என்று காவிரி டெல்டா பாசன விவசாய சங்கங்கள் கண்டனம் தெரிவித்துள்ளது.
காவிரி டெல்டா பாசன விவ சாய சங்கங்களின் கூட்டமைப்பு தலைவர் கே.வீ.இளங்கீரன் கூறியிருப்பதாவது:
தேர்தல் அறிக்கையில் 5 ஏக்க ருக்குள் நிலம் வைத்திருப்ப வருக்கு 100 சதவீதமும், 5 ஏக்கருக்கு மேல் வைத்திருக்கும் கடனில் 50 சதவீதமும் கடன் தள்ளுபடி என்று தேர்தல் வாக்குறுதி கூறிவிட்டு, தற்போது விவசாயிகளை ஏமாற்றும் விதமாக இந்த அறிவிப்பு செய் யப்பட்டுள்ளது. சிறு, குறு விவசாயிகள் இரண்டரை ஏக்கர் கடன் பெற்றிருந்தாலே ரூ.91,250 வருகிறது.
இதை முழுவதுமாக தள்ளுபடி செய்தால் மட்டுமே தான் விவசாயிக ளுக்கு ஓரளவு கடனில் இருந்து மீள முடியும். எனவே, முதல்வர் விஜய், தேர்தல் வாக்குறுதியை நிறைவேற்ற வேண்டும்.
தமிழ்நாடு விவசாயிகள் சங்கத்தின் பொதுச்செயலாளர் சாமி.நடராஜன் கூறியிருப்ப தாவது:
தமிழக அரசின் அறிவிப்பு தேர்தல் காலத்தில் கொடுத்த வாக்குறுதிக்கு முரணாக உள்ளது.
வேளாண் உற்பத்தி செலவு கள்கடுமையாக உயர்ந்துள்ளது. மத்திய அரசு கட்டுப்படியான ஆதார விலையை அறிவிக்காத நிலையில் பெரும் பகுதி விவசாயிகள் கடனாளிகளாக மாறியுள்ளனர். எனவே, 5 ஏக்கருக்குட்பட்ட விவசாயிகள் பெற் றுள்ள கூட்டுறவு பயிர்க்கடன் முழுவதையும் தள்ளுபடி செய்ய வேண்டும். 5 ஏக்கருக்கு மேல் உள்ள விவசாயிகள் பெற்ற கூட்டுறவு பயிர் கடனில் 50 சதவீதத்தை தள்ளுபடி செய்ய வேண்டும்.
தமிழ்நாடு காவிரி விவசாயி கள் சங்கத்தின் பொதுச்செயலாளர் பி.ஆர்.பாண்டியன் கூறியிருப்பதாவது
:
இந்த அறிவிப்புகள் கடன் சுமையில் இருக்கும் விவசாயி களை காப்பாற்ற உதவாது. மாநில அரசுகள் தனது நிதியில் இருந்து செயல்படுத்தும் கடன் தள்ளுபடி உள்ளிட்ட நலத்திட்டங் களுக்கு ரிசர்வ் வங்கியின் வழி காட்டுதல்கள் பொருந்தாது என் பதை முதல்வர் உணரவேண்டும்.
கடந்த காலங்களை பின்பற்றி கடன் வசூல் நடவடிக்கையை நிறுத்த வேண்டும். நடப்பாண்டுக் கான புதிய கடன் வழங்குவதற் கான நடவடிக்கையை தமிழக அரசுதீவிரப்படுத்தி, நிதி ஆதாரங் களைபெருக்கிக் கொண்டு கடன் தள்ளுபடி நடவடிக்கையை தொடர வேண்டும். தற்போதைய அறிவிப்பை மறுபரிசீலனை செய்ய வேண்டும்.
இவ்வாறு அவர்கள் தெரிவித்தனர்.