புது­டெல்லி, மே 28 –

நாடு முழு­வ­தும் மே 29 வரை வெப்ப அலை நீடிக்­கும் என்று இந்­திய வானிலை ஆய்வுமையம் எச்­ச­ரித்து உள்­ளது. கோடை வெளி­யில் கார­ண­மாக நாடு முழு­வ­துமே குறிப்­பாக வட­மா­நி­லங்­க­ளில் வெப்ப அலை மிக­வும் கடு­மை­யாக இருப்­ப­தால் பொது­மக்­க­ளின் இயல்பு வாழ்க்கை பாதிக்­கப்­பட்டு உள்­ளது.

இது­வரை இல்­லாத வகை­யில் வட­மா­நி­லங்­க­ளில் வெப்ப அலை மிக­வும் மோச­மாக இருப்­ப­தாக தக­வல்­கள் தெரி­விக்­கின்­றன.

வெப்ப அலை கார­ண­மாக தெலுங்­கா­னா­வில் கடந்த 2 நாட்­க­ளில் மட்­டும் சுமார் 51 பேர் வரை உயி­ரி­ழந்­துள்­ள­தாக தக­வல் வெளி­யாகி இருக்­கி­றது. இத­னி­டையே கோடை வெப்­பத்­தின் தொடர்ச்­சி­யாக மேலும் சில நாட்­க­ளுக்கு வெப்­பத்­தின் தாக்­கம் நீடிக்­கும் என்று இந்­திய வானிலை ஆய்வு மையம் எச்­ச­ரித்து உள்­ளது.

இது தொடர்­பான அறி­விப்­பில் வட­மேற்கு, மத்­திய மற்­றும் கிழக்கு இந்­திய பகு­தி­க­ளில் கடும் வெப்ப அலை தொட­ரும் என்று இந்­திய வானிலை ஆய்வு மையம் கூறி இருக்­கி­றது.

பஞ்­சாப், அரி­யானா, டெல்லி, ராஜஸ்­தான் மற்­றும் உத்­த­ர­ப்பி­ர­தே­சம் ஆகிய 5 வட மாநி­லங்­க­ளில் மிககடு­மை­யான வெப்ப அலை வரும் மே 29 வரை நீடிக்­கும் என்­றும் வானிலை ஆய்வு மையம் எச்­ச­ரித்து இருக்­கி­றது.

தமி­ழ­கத்தை பொறுத்த வரை கட­லோர மாவட்­டங்­கள் உட்­பட பல பகு­தி­க­ளில் இயல்பை விட வெப்­ப­நிலை அதி­க­மாக இருக்­கும் என கூறப்­பட்டு உள்­ளது.