தேனி, மே 28 –
தேனி மாவட்டம் ஆண்டிபட்டி நகரில், தேனி – மதுரை நெடுஞ்சாலையில் சக்கம்பட்டி கைத்தறிநெசவாளர் சங்கத்திற்குச் சொந்தமான சுமார் 80 சென்ட் நிலம் உள்ளது. , இந்த நிலம் திடீரென இயந்திரங்கள் மூலம் சுத்தம் செய்யப்பட்டது. இதைப் பார்த்த நெசவாளர் சங்க உறுப்பினர்கள் பெரும் அதிர்ச்சியடைந்தனர். இதுகுறித்து அவர்கள் விசாரித்தபோது, இந்த நிலத்தைத் தனி நபர் ஒருவருக்கு குறைந்த வாடகைக்கு விடுவதால் அரசுக்கு பல லட்சம் இழப்பு ஏற்படும் வகையில் கைத்தறித்துறை அதிகாரிகள் ரகசியமாக நடவடிக்கை எடுத்துள்ளது தெரியவந்தது.
நெசவாளர்கள் சரமாரி புகார்:
இதுகுறித்து நெசவாளர் சங்க உறுப்பினர்கள் தரப்பில் கூறப்படு வதாவது:
நெசவாளர் சங்கத்திற்குச் சொந்தமான இவ்வளவு மதிப்புமிக்க இடத்தை, சங்கத்தில்உள்ள உறுப்பினர்களின் பயன் பாட்டிற்கு வாடகைக்கு விடாமல், ஒரே ஒரு தனி நபருக்குக் குறைந்த வாடகைக்குத் தாராளம் காட்ட அதிகாரிகள் முயன்றுள்ளனர். இதனால் அரசுக்கு மிகப்பெரிய வருவாய் இழப்பு ஏற்படுவதோடு, நெசவாளர் சங்க உறுப்பினர்களின் வாழ்வாதாரமும் கடுமையாகப் பாதிக்கப்படும்.
கடந்த கால திமுக ஆட்சியில் இந்த நிலத்தை வாடகைக்கு விடாமல் பாதுகாத்து வந்தனர். ஆனால், தற்போது ஆட்சி மாற்றம் ஏற்பட்டவுடன் இந்த நிலத்தை முறைகேடாகத் தனிநபருக்குத் தாரைவார்க்க அதிகாரிகள் துடிக்கிறார்கள். இதுகுறித்து அரசு உடனடியாகத் தலையிட்டு உரிய நடவடிக்கை எடுக்க வேண்டும் எனப் புகார் தெரிவித்துள்ளனர்.
இதுகுறித்துமதுரை கைத்தறி துறை உதவி இயக்குநர் சேரன்அவர்களிடம் கேட்டபோது அவர் கூறியதாவது:
நெசவாளர் சங்கத்திற்குச் சொந்தமான பல்வேறு நிலங்கள் ஆக்கிரமிப்பாளர்களின் பிடியில் சிக்கி யுள்ளன. அவற்றை மீட்பதற்கு துறை ரீதியாகப் பல்வேறு தீவிர நடவடிக்கைகள் எடுக்கப்பட்டு வருகின்றன.
தற்போது தேனி - மதுரை நெடுஞ்சாலையில் அமைந்துள்ள இந்த 80 சென்ட் நிலம் நீண்ட நாட்களாக பராமரிப்பின்றிப் புதர் மண்டி இருந்தது. இந்த இடம் மீண்டும் ஆக்கிரமிப்பாளர்களின் பிடியில்சிக்கிவிடக் கூடாது என்பதற்காகவே,அதனைச் சுத்தம் செய்து, வாடகைக்கு விட்டு பராமரிப்புப் பணிகளை மேற்கொள்ள முதற்கட்ட நடவடிக்கை எடுக்கப்பட்டது.
எதிர்காலத்தில் அரசு சார்ந்த கட்டடங்கள் கட்டுவதற்கு இந்த இடம் தேவைப்பட்டால், உடனடியாக வாடகைதாரர்களை அகற்றிவிட்டு அரசிடம் ஒப்படைக்கவும் திட்டமிடப்பட்டி ருந்தது. எனினும், நெசவாளர்களின் எதிர்ப்பை அடுத்து, தற்போது இந்த இடத்தை வாடகைக்கு விடுவ தற்கான எந்தவொரு முயற்சியும் இனிமேல் எடுக்கப்பட மாட்டாது,” என்று அவர் தெரிவித்தார்.
நெசவாளர் சங்க நில விவகாரத்தில் அதிகாரிகளின் இந்த திடீர் பின்வாங்கல் ஆண்டிபட்டி பகுதியில் பெரும்பரபரப்பை ஏற்படுத்தியுள்ளது.