#Title

கழக அரசு மேம்படுத்திய கொளத்தூர் - பெரியார் நகர் அரசு மருத்துவமனையில் கடந்த ஓராண்டில் மட்டும் 1000 பேருக்கு -– நவீன ஆஞ்சியோ சிகிச்சை! தனியார் மருத்துவமனைகளுக்கு இணையான நவீன வசதிகள்!

சென்னை, மே 29–

சென்னை கொளத்தூரில் அமைந்துள்ள பெரியார் நகர் அரசு மருத்துவமனை இதய இடையீட்டு ஆய்வகத்தில் ஓராண்டில் ஆயிரத்துக்கும் மேற்பட்ட ஆஞ்சியோ பரிசோதனைகளும், சிகிச்சைகளும் அளிக்கப்பட்டுள்ளதாக மருத்துவமனை நிர்வாகம் தெரிவித்துள்ளது.

இது தொடர்பாக மருத்துவ மனையின் கண்காணிப்பாளர் டாக்டர் ஹேமலதா கூறிய தாவது:–

கொளத்தூர், பெரம்பூர், வில்லிவாக்கம், வியாசர்பாடி உள்ளிட்ட வடசென்னை பகுதியில் வசிக்கும் பல்லாயிரக்கணக்கான மக்களுக்கு உயர் மருத்துவ சேவைகளை வழங்கும் நோக்கில் மேம்படுத்தப்பட்ட அதி நவீன பெரியார் அரசு பொது மருத்துவமனை, கடந்த 2021-இல் புதுப்பிக்கப்பட்டு திறக்கப் பட்டது.

தனியார் மருத்துவமனை களுக்கு நிகரான ஸ்கேன் பரிசோதனைகள், டயாலிசிஸ் சாதனங்களுடன் 860 படுக்கை வசதிகள் இங்கு அமைந்துள்ளன. நாள்தோறும் 3,100 நோயாளிகள் சிகிச்சைக்காக பெரியார் அரசு மருத்துவமனைக்கு வருகின்றனர்.

இந்நிலையில், அதிநவீன இதய இடையீட்டு ஆய்வகம் (கேத் லேப்) கடந்த ஆண்டு மே மாதம் இங்கு தொடங்கப்பட்டது.

ஓராண்டில் ஆயிரத்துக்கும் மேற்பட்ட ஆஞ்சியோ பரிசோதனை மற்றும் சிகிச்சைகள் மேற்கொள்ளப்பட்டுள்ளன. அதன்படி, 591 ஆண்களும், 409 பெண்களும் இதன் வாயிலாக பயனடைந்துள்ளனர்.

இதய நாள பாதிப்புகள் மற்றும் அவசர கால மருத்துவ சிகிச்சைகள் தேவைப்பட்டோருக்கு இந்த இடையீட்டு ஆய்வகம் மறுவாழ்வு அளித்துள்ளது.

முதல்வரின் விரிவான காப்பீட்டுத் திட்டத்தின் கீழ் பயனாளி களுக்கு கட்டணமின்றி சிகிச்சைகள் அளிக்கப்பட்டுள்ளன என்றார் அவர்.