பெரம்பலூர்,மே 29-–
குன்னம் சட்டமன்ற தொகுதியில் போட்டியிட்டு வெற்றி பெற்ற மேனாள் அமைச்சர், அரியலூர் மாவட்ட கழக செயலாளர் குன்னம்
சட்டமன்ற உறுப்பினர் எஸ்.எஸ்.சிவசங்கர் குன்னம் தொகுதி மக்களிடம் ஆண்டிமடம், குன்னம் தொகுதி வேட்பா ளராக உங்களை நாடி வந்த எனக்கு, 4-வது முறையாக என்மீது நம்பிக்கை வைத்து ‘குன்னம்’ பகுதி மக்கள், வெற்றி வாய்ப்பை வழங்கியுள்ளீர்கள்.
குன்னம் பகுதிக்கு என்றும் நன்றிக்கடன் உள்ளவனாக, மக்கள் பணி செய்வேன்.
மேலும் நான் இப்பகுதியில் அரசு அறிவியல் கல்லூரி, அரசுப் பேருந்து பணிமனை, ஆரம்ப சுகாதார நிலையம், 110 KV தரம் உயர்த்தப்பட்ட துணை மின் நிலையம்,
தரமான சாலை வசதி, சுத்திகரிக்கப்பட்ட குடிநீர் வசதி, புதிய பேருந்து வசதிகள் என குன்னம் மக்களுக்கு ஏற்படுத்தி தந்துள்ளேன்.
எதிர்க்கட்சியாக இருந்தாலும் மக்களுக்கான குரலாக சட்டமன்றத்தில் நான் உங்களின் குரலாக ஒலித்திடுவேன் என
கூறினார்.
பின்னர் தமது தொகுதிக்கு உட்பட்ட குன்னம் ஒன்றியம் மேலுசேன்நகரம், வேம்பமரம், கீழ உசேன்நகரம், அல்லி
நகரம், குறிஞ்சிப்பாடி, தொண்டப்பாடி, சடைக்கன்பட்டி, சீத்தா ராம்புரம், மங்கலம், கீழமாத்
தூர், அழகிரிப்பாளை யம், வரிசைப்பட்டி, தங்கநகரம்,மேலமாத்தூர், இலந்தகுழி, சீராநத்தம், மதுராகுடிகாடு, ஆதனூர், கொட்டரை, குரும்ப பாளையம், சாத்தனூர், சா.குடிகாடு, தெற்குமாதவி, நத்தகுடிகாடு, சிறுகன்பூர், வரகுபாடி, மலையப்பநகர், சமத்துவபுரம்,காரை, தெரணி, புதுக்குறிச்சி உள்ளிட்ட கிராமங்களில் வீதி வீதியாக சென்று வாக்களித்த வாக்காள பெருமக்களுக்கு நன்றி கூறினார், பொதுமக்கள், கழக நிர்வாகிகள் ஆரத்தி எடுத்து உற்சாக வரவேற்பு அளித்தனர்.
உடன் மாவட்ட கழக பொறுப்பாளர் வீ.ஜெகதீசன், ஆலத்தூர் கிழக்கு ஒன்றிய கழக செயலாளர் என்.கிருஷ்ணமூர்த்தி, தே.மு.தி.க. மாவட்ட செயலாளர் துரை
சிவாஅய்யப்பன், வேப்பூர் தெற்கு கழக ஒன்றிய பொறுப்பாளர் சி.இராஜேந்திரன் தே.மு.தி.க. ஒன்றிய செயலாளர் செல்வராஜ், மாவட்ட பொறியாளர் அணி அமைப்பாளர் கே.சி.லூயிகதிரவன் மற்றும் தோழமை கட்சி நிர்வாகிகள், கழக தோழர்கள் பலரும் கலந்துகொண்டனர்.