திருவண்ணாமலை, மே 30–
மாநில சுயாட்சிக்கு எதிராக, தமிழக முதல்வரே பல்கலைக் கழகங்களின் வேந்தர் என்ற தி.மு.க. அரசின் நடைமுறையை பின்பற்றும் கட்டாயம் எங்களுக்கு கிடையாது என்கிற, த.வெ.க. அரசில் அங்கம் வகிக்கும் காங்கிரஸ் அமைச்சர் விஸ்வநாதன் அவர்களின் அறிவிப்பை தி.மு.க. இளைஞர் அணி கண்டிக்கிறது என்கிற பல்வேறு தீர்மானங்கள், திருவண்ணாமலை தெற்கு மாவட்ட தி.மு.க. இளைஞர் அணி ஆலோசனைக் கூட்டத்தில் நிறைவேற்றப்பட்டது.
ஆலோசனைக் கூட்டத் தில் கலந்து கொண்டு, முன்னாள் அமைச்சர் எ.வ.வேலு சிறப்புரையாற்றினார்.
28.05.2025 வியாழக் கிழமை காலை 11.00 மணிக்கு,திருவண்ணா மலை, திருக்கோயிலூர் ரோடு, சாரோனில் உள்ள மாவட்ட தி.மு.க. அலுவலகத்தில் திருவண்ணாமலை தெற்கு மாவட்ட தி.மு.க. இளைஞர் அணி மாவட்ட, மாநகர, ஒன்றிய, பேரூர் கழக இளைஞர் அணி அமைப்பாளர்கள், துணை அமைப்பாளர்கள் ஆலோசனைக் கூட்டம் நடைபெற்றது.
கூட்டத்திற்கு நாடாளுமன்ற உறுப்பினரும், மாவட்ட இளைஞரணி அமைப்பாளருமான சி.என்.அண்ணாதுரை தலைமை வகித்தார்.
மாவட்ட தி.மு.க. இளைஞர் அணி துணை அமைப்பாளர் எஸ்.கண்ணதாசன், கோ.ராஜசேகர், எம்.ரமேஷ், எஸ்.சதிஷ்குமார், டி.திலிப்குமார், செல்வம்பிரகாஷ் ஆகியோர் முன்னிலை வகித்தனர்.
மாவட்ட இளைஞர் அணி துணை அமைப்பாளர் சு.ராஜாங்கம் அனைவரையும் வரவேற்றுப் பேசினார்.
ஆலோசனைக் கூட்டத் தில் முத்தமிழறிஞர் கலைஞர் பிறந்த நாள் மற்றும் இளைஞரணி ஆக்கப்பணிகள் குறித்தும் ஆலோசனை நடைபெற்றது.
கூட்டத்தில் கலந்து கொண்டு முன்னாள் அமைச்சரும், சட்டமன்ற கழக கொறடாவுமான எ.வ.வேலு அவர்கள் ஆலோசனைகளை வழங்கி சிறப்புரையாற்றினார்.
கூட்டத்தில் கீழ்கண்ட தீர்மானங்கள் ஒருமனதாக நிறைவேற்றப்பட்டது.
தி.மு.க. சட்டமன்ற கட்சியின் தலைவராக, கழக இளைஞர் அணி செயலாளர் உதயநிதி ஸ்டாலின் அவர்களையும், துணைத் தலைவராக கே.என்.நேரு அவர்களையும், கொறடாவாக எ.வ.வேலு அவர்களையும், செயலாளராக தங்கம் தென்னரசு அவர்களை யும், பொருளாளராக எம்.ஆர்.கே.பன்னீர்செல்வம் அவர்களையும், துணை கொறடாவாக கோ.வி.செழியன் அவர்களை தேர்ந்தெடுத்த கழகத் தலைவர் மு.க.ஸ்டாலின் அவர்களுக்கும், கழக சட்டமன்ற உறுப்பினர்களுக்கும் இந்த கூட்டம் நன்றியினைத் தெரி வித்துக் கொள்கிறது.
திருவண்ணாமலை சட்டமன்றத் தொகுதியில் முன்னாள் அமைச்சர் எ.வ.வேலு அவர்களை வெற்றிபெற வைத்த அனைத்து வாக்காள பெருமக்களுக்கும் இந்த மாவட்ட கழகம் கோடான கோடி நன்றியினை தெரிவித்துக் கொள்கிறது.
அதேபோல் வந்தவாசி தொகுதியில் எஸ்.அம்பேத்குமார் அவர்களை வெற்றி பெறவைத்தமைக்கும், இந்த கூட்டம் நன்றி யினைத் தெரிவித்துக் கொள்கிறது.
முத்தமிழறிஞர்
கலைஞர் பிறந்தநாள்!
நவீன தமிழகத்தை கட்டமைத்த முத்தமிழறிஞர் கலைஞர்அவர்களின் பிறந்த நாள் விழாவினை மாணவர்கள் மற்றும் பொதுமக்கள் பயன்பெறும் வகையில் நலஉதவிகளோடு வருடம் முழுவதும், முத்தமிழஞர் கலைஞர் பிறந்த நாள் கொண்டாடுவதென இந்த கூட்டம் தீர்மானிக்கிறது.
தமிழ்த் தாய் வாழ்த்தை மூன்றாமிடத்திற்கு தள்ளியதோடு மட்டுமல்லாமல் விஜய் அரசு தேர்தல் வாக்குறுதியில் இரண்டரை ஏக்கர் விவசாய நிலம் வைத்திருப்பவர்களுக்கு முழு கடன் தள்ளுபடி என்றும், 5 ஏக்கருக்கு மேல் நிலம் வைத்துள்ள விவசாயிகள், வங்கியில் வாங்கிய கடனில் 50 சதவீதம் தள்ளுபடி செய்வதாக கூறிவிட்டு, வெற்று அறிவிப்புகள் கொடுத்து விவசாயிகளின் வயிற்றில் அடிக்கும் ஜோசப் விஜய் அரசை இந்த கூட்டம் வன்மையாக கண்டிக்கிறது.
மீண்டும் முத்துவேல் கருணாநிதி ஸ்டாலின் அவர்களின் திராவிட மாடல் ஆட்சி அமைந்திட, சட்டமன்ற கழக கொறடா எ.வ.வேலு அவர்களின் தலைமையில் நமது மாவட்ட இளைஞர் அணி உண்ணாமல், உறங்காமல், ஓய்வுகொள்ளாமல் பணியாற்றுவதென தீர்மானிக் கிறது.
பல்கலைக் கழகத்திற்கு வேந்தர்களாக, அம்மாநில முதல்வர்களே இருக்கலாம் என தமிழ்நாடு சட்டமன்றத்தில் தீர்மானங்கள் நிறைவேற்றியும், ஆளுநர் ஒப்புதலோடு, இந்திய நாட்டின் குடியரசுத் தலைவருக்கு பரிந்துரை செய்யப்பட்டது. அதோடுமட்டுமல்லாமல் உச்சநீதிமன்றத்தின் மூலம் வரலாற்று சிறப்புமிக்க தீர்ப்புகளும் கிடைத்து, இந்திய நாடே கொண்டாடியது.
ஆனால்,தற்போது, புதிய மாநில அரசு, மாநில சுயாட்சிக்கு எதிராக, தமிழக முதல்வரே பல்கலைக்கழகங்களின் வேந்தர் என்ற தி.மு.க. அரசின் நடைமுறையை பின்பற்றும் கட்டாயம் எங்களுக்கு கிடையாது என்கிற, த.வெ.க. அரசில் அங்கம் வகிக்கும் காங்கிரஸ் அமைச்சர் விஸ்வநாதன் அவர்களின் அறிவிப்பிற்கு திருவண்ணாமலை தெற்கு மாவட்ட இளைஞர் அணி வன்மையாக கண்டிக்கிறது.
மேற்கண்ட தீர்மானங் கள் ஒருமனதாக நிறைவேற்றப்பட்டது.
நிகழ்ச்சியில் சட்டப்பேரவை முன்னாள் துணைத் தலைவர் கு.பிச்சாண்டி, கள்ளக்குறிச்சி தெற்கு மாவட்ட செயலாளர் வசந்தம் கார்த்திகேயன், மாவட்ட அவைத் தலைவர் கோ.கண்ணன், தலைமை செயற்குழு உறுப்பினர் இரா.ஸ்ரீதரன், தலைமை செயற்குழு உறுப்பினர் பொன்.முத்து, முன்னாள் சட்டமன்ற உறுப்பினர் பெ.சு.தி.சரவணன், மாவட்ட பொருளாளர் எஸ்.பன்னீர்செல்வம், மாவட்ட துணை செயலாளர்கள் ப்ரியா ப.விஜய ரங்கன், விஜயலட்சுமி ரமேஷ், மாநகர செயலாளர் ப.கார்த்திவேல்மாறன், மாநில தொ.மு.ச., துணைத் தலைவர் க.சௌந்தரராசன், அமைப்புசாரா தொமுச., ஏ.ஏ.ஆறுமுகம்,
ஒன்றிய செயலாளர்கள் அ.சிவக்குமார், மு.பன்னீர் செல்வம், வி.பி.அண்ணாமலை, ஆராஞ்சி.ஆறுமுகம், சி.சுந்தரபாண்டியன், மெய்யூர்.சந்திரன், த.ரமணன், பெ.கோவிந்தன், ப.கேசவன், கோ.ரமேஷ், சி.மாரிமுத்து, எஸ்.சிவசேமன், க. சுப்பிரமணி, இரா.ராஜேந்திரன், ஆர்.வி.சேகர், கி.ஆறுமுகம், பா.ராமஜெயம், த.செந்தில்குமார், அ.ஏழுமலை, த.மனோகரன்,
செங்கம் நகர செயலாளர் மு.அன்பழகன், பேரூர் செயலாளர்கள் சி.கே.அன்பு, ப.முருகையன், எம்.சீனுவாசன், மாநகர பகுதி செயலாளர்கள் சு.விஜி (எ) விஜயராஜ், அ.கோவிந்தன், ந.சீனுவாசன், குட்டி க.புகழேந்தி, சி.சண்முகம், பா.ஷெரீப் மற்றும் நகர, ஒன்றிய, பேரூர் கழக இளைஞர் அணி அமைப்பாளர்கள், துணை அமைப்பாளர்கள், கழக முன்னோடிகள் உட்பட ஏரளமானோர் கலந்து கொண்டனர்.
நிறைவாக மாநகர இளைஞர் அணி அமைப்பாளர் மண்டி ஆ.பிரகாஷ் நன்றி கூறினார்.