தென்காசி, மே 30 –
தென்காசி மாவட்டம் குற்றாலம் பழைய அருவியில் நுழைவு கட்டணம் அமல்படுத்த வேண்டாம் என கழக சட்டமன்ற உறுப்பினர்கள் மரு.கலை கதிரவன் (தென்காசி) தென்காசி வடக்கு மாவட்டச் செயலாளரும் சட்ட மன்ற உறுப்பினருமான ஈ.ராஜா (சங்கரன் கோவில்) ம.தி.மு.க. தி.மு.ராசேந்திரன் (கடையநல்லூர்) ஆகியோர் கூட்டாக இணைந்து தென்காசி மாவட்ட ஆட்சியர் ஏ.கே.கமல் கிஷோரிடம் நேரில் சந்தித்து கோரிக்கை மனு கொடுத்துள்ளனர்.
அந்த மனுவில் கூறியி ருப்பதாவது.
தென்காசி மாவட்டம் குற்றாலம் வெகுசிறப்பான ஒரு சுற்றுலாத்தல மாகும்.அனைத்துத் தரப்பு மக்களும் பயன்படுத்தும் வகையில் செயற்கையாக உருவாக்கப்பட்ட பழைய குற்றால அருவியில் நுழைவுக் கட்டணம் வசூலிக்கும் நடைமுறையை அமல்படுத்த வேண்டாம்.என வலியுறுத்தப் பட்டுள்ளது.
இவ்வாறு மனுவில் கூறியுள்ளனர்.
இதனைத் தொடர்ந்து தென்காசி தொகுதியின் பல்வேறு மக்கள் நலத் தேவைகள் குறித்தும் மாவட்ட ஆட்சியருடன் ஆலோசனை மேற்கொள்ளப்பட்டது.குறிப்பாக நகர்ப்புற சுகாதார மற்றும் நல்வாழ்வு மையத் தேவைகள்,தாமிரபரணி குடிநீர் திட்டம் தொடர்பாகவும், கிராமப்புறங்களில் யானைகள் மற்றும் காட்டுப்பன்றிகள் உள்ளிட்ட வனவிலங்குகளால் ஏற்படும் பாதிப்பு கள் தொடர்பாகவும் விவாதிக்கப்பட்டது.
மக்கள் நலன் சார்ந்த இந்த கோரிக்கைகள் மீது உரிய நடவடிக்கை எடுக்கப்படும் என மாவட்ட ஆட்சியர் ஏ.கே.கமல் கிஷோர் உறுதியளித்தார்.