அறி­ஞர் அண்ணா காங்­கி­ரஸ் ஆட்­சியை அகற்றி 1967 ஆம் ஆண்­டில் திரா­விட முன்­னேற்­றக் கழ­கத்­தின் ஆட்­சியை அமைத்­தார்.

மக்­கள் ஆட்­சி­யின் மாண்­பினை

மதச்­சார்­பற்ற கொள்­கை­யினை

உயர்த்­திப் பிடித்­தார்.

தமிழ்­நாட்­டின் சட்­ட­மன்ற வர­லாற்­றில் முதல் முறை­யாக ‘கட­வுள்’ என்ற சொல்­லிற்கு மாற்­றாக ‘உள­மார’ என்ற சொல்­லைப் பயன்­ப­டுத்தி அறி­ஞர் அண்ணா தொடங்கி அனைத்து திமுக உறுப்­பி­னர்­க­ளும் பதவி ஏற்­ற­னர்.

2026 ஆம் ஆண்­டி­லும் திமுக சட்­ட­மன்ற எதிர்க்­கட்­சித் தலை­வர் உத­ய­நிதி தொடங்கி அனைத்து திமுக உறுப்­பி­னர்­க­ளும்

மத­சார்­பற்ற மாண்­பி­னைப் போற்­றி­யுள்­ள­னர்.

நமது நாட்­டில் மதங்­கள், பல பல.

வழி­பாட்டு முறை­கள் வெவ்­வே­றா­னவை.

ஆனால் அரசு எல்­லோ­ருக்­கும் பொது­வா­னது என்­பது அறி­ஞர் அண்ணா காலத்­தில் அரி­யணை ஏறி­யது.

எனவே மதச்­சார்­பற்ற உய­ரிய நெறி­யைப் பின்­பற்றி அரசு அலு­வ­ல­கங்­க­ளில் கட­வுள்­கள், படங்­கள், சிலை­கள் அகற்­றப்­பட ஓர் ஆணையை 1968 ஆம் ஆண்டு ஏப்­ரல் 29 ஆம் நாளில் தலை­மைச்­செ­ய­லா­ளர் சி.ஏ.இரா­ம­கி­ருஷ்­ணன் பிறப்­பித்­தார்.

எனது மூத்த அண்­ணன் நரேந்­தி­ரன் தலை­மைச் செய­ல­கத்­தில் அப்­போது பொதுத் துறை­யில் உத­விச் செய­லா­ள­ரா­கப் பணி­பு­ரிந்­தார்.

அப்­போது தலை­மைச் செய­ல­கத்­தில் பணி­யாற்­றி­ய­வர்­கள் இந்த அரிய நிகழ்வை “அண்ணா சொல்லி அய்­யர் பிறப்­பித்த ஆணை” என்று மகிழ்ச்­சி­யோடு வர­வேற்­றார்­கள்.

இத்­த­கைய ஆணை இந்­திய மாநி­லங்­க­ளில் இன்று வரை எந்த மாநி­லத்­தி­லும் பிறப்­பிக்­காத முன்­னோ­டி­யான, முன்­மா­தி­ரி­யான முற்­போக்­கான வழி­காட்­டும் ஆணை­யாக ஒளிர்­கின்­றது.

‘மதச்­சார்­பற்ற’ என்ற சொல் 1976 ஆம் ஆண்டு டிசம்­பர் 18 ஆம் நாள் இந்­திய அர­ச­மைப்­புச் சட்­டத்­தில் இடம் பெற்­றது.

அது­வும் நெருக்­கடி நிலைக் காலத்­தில்!

1993 ஆம் ஆண்­டில் செல்வி ஜெய­ல­லிதா ஆட்­சி­யில் அரசு அலு­வ­ல­கங்­க­ளின் வளா­கங்­க­ளில் எந்த மதத்­தின் வழி­பாட்­டுத் தலங்­கள் கட்­டு­வ­தையும் தடை செய்து மற்­றொரு ஆணை­யும் வெளி­யி­டப்­பட்­டது.

அறி­ஞர் அண்ணா பிறப்­பித்த ஆணையை எதிர்த்­து சென்னை உயர் நீதி­மன்­றத்­தில் வழக்­குத் தொடர்ந்­த­போது, பல ஆண்­டு­கள் கழித்து இந்த ஆணை செல்­லு­ப­டி­யா­கும் என்று தீர்ப்­பும் வழங்­கப்­பட்­டது.

இத்­த­கைய மதச்­சார்­பற்ற கொள்­கையை வலி­யு­றுத்­தும் ஆணைக்கு எதி­ரா­கத் தலை­மைச் செய­ல­கத்­தில் அமைச்­சர்­கள் தங்­கள் அறை­க­ளி­லேயே மதச்­சார்­பி­னைப் போற்­று­வது அறி­ஞர் அண்ணா பிறப்­பித்த ஆணைக்­கும், நீதி­மன்­றத் தீர்ப்­பிற்­கும் எதி­ரா­னது என்­பதை உணர்­வார்­களா?

மதச்­சார்­பற்ற கொள்­கை­யைப் பின்­பற்­றும் விஜய் அர­சுக்கு ஆத­ரவு தரும் கட்­சி­கள் ‘இது தவ­றா­னது, சட்­டத்­திற்கு எதி­ரா­னது’ என்று உணர்த்­து­வார்­களா?