#Title

இனிவரும் எந்தத் தேர்தலிலும் போட்டியிட நிரந்தரத் தடை விதித்து – இடைத் தேர்தல் செலவையும் – ராஜினாமா செய்த 5 எம்.எல்.ஏ.க்களிடமே வசூலிக்கவும்! தேர்தல் ஆணையத்திடம் – சமூக ஆர்வலர் கே.ஆர்.குகேஷ் மனு!

சென்னை, மே 30 –

தமிழ்நாட்டில் காலியாக உள்ள 5 சட்டமன்றத் தொகுதி இடைத்தேர்தலுக்கான செலவை, ராஜினாமா செய்த எம்.எல். ஏ.க்களிடமே வசூலிக்க வலியுறுத்தி, தேர்தல் ஆணையத்திடம் மனு அளிக்கப்பட்டுள்ளது.

இதுதொடர்பாகசென்னை சூளைமேட்டைச்சேர்ந்த சமூக ஆர்வலர் கே.ஆர்.குகேஷ் என்பவர் இந்திய தேர்தல் ஆணையத்திற்கும், தமிழ்நாடு தலைமை தேர்தல் அதிகாரிக்கும் மனு ஒன்றை அனுப்பியுள்ளார்.

அதில், நடந்து முடிந்த2026 சட்டமன்றத் தேர்தலில்முதலமைச்சர்ஜோசப் விஜய் இரண்டு தொகுதியில் போட்டியிட்டு வெற்றி பெற்றதால், திருச்சி தொகுதியை ராஜினாமா செய்ததை சுட்டிக்காட்டி யுள்ளார்.

அவரைத் தொடர்ந்து சட்டமன்ற உறுப்பினர்களான பெருந்துறை ஜெயக்குமார், தாராபுரம் சத்யபாமா, அம்பாசமுத்திரம் இசக்கி சுப்பையா, மதுராந்கம் மரகதம் குமரவேல் ஆகிய 4 பேரும் தேர்தல் முடிந்த ஒரு மாதத்துக்குள்ளாகவே தங்களது எம்.எல்.ஏ.பதவியை ராஜினாமா செய்ததை குறிப்பிட்டுள்ளார்.

மக்களின் வரிப் பணத்தில் நடத்தப்பட்ட தேர்தலில் வெற்றி பெற்ற உடனேயே இந்த ஐந்து சட்டமன்ற உறுப்பினர்களும் தங்களின் பொறுப்புகளையும் கடமைகளையும் மறந்து, அவர்களுக்கு வாக்களித்த மக்களுக்கு துரோகம் செய்யும் வகையில் ராஜினாமா செய்த பொறுப்பற்ற செயலால் அரசுக்கு தேவையற்ற நிதி சுமையும் பொதுமக்களுக்கு காலவிரையமும் ஏற்படுவதாகவும் தெரிவித்துள்ளார்.

இந்த விவகாரத்தில் தேர்தல் ஆணையம் தலையிட்டு இந்த 5 தொகுதிகளுக்கான இடைத்தேர்தல் செலவை, பதவியை ராஜினாமா செயத அந்த நபர்களிடமே முழுமையாக வசூலிக்க வேண்டும் என்றும் வலியுறுத்தியுள்ளார்.

பொதுமக்களின் வரிப்பணம் வீணடிக்கப்படு வதை தடுக்க இதுவே சரியான வழிமுறை என்றும், கூறியுள்ளார்.

மேலும், ராஜினாமா செய்த ஐந்து நபர்களும் இனிவரும் காலங்களில் எந்த ஒரு தேர்தலில் போட்டியிட முடியாத வகையில் தகுதி நீக்கம் செய்து நிரந்தர தடை விதிக்க வேண்டும்என்றும் சமூக ஆர்வலர் குகேஷ் அனுப்பிய மனுவில் குறிப்பிட்டுள்ளார்.