#Title

அவசர சிகிச்சைக்காக உதவி எண் 112-–ஐ 3 மாதங்களுக்குள் செயல்படுத்த வேண்டும்! அனைத்து மாநிலங்களுக்கும் உச்சநீதிமன்றம் உத்தரவு! எபோலா வைரசால் பாதிக்கப்பட்டுள்ள காங்கோவுக்கு இந்தியா மருத்துவ உதவி!

புதுடெல்லி, மே 30–

நாடு முழுவதும் அவசரகால சிகிச்சைக்காக 112 என்ற பொதுவான உதவி எண்ணை 3 மாதங்களுக்குள் செயல்படுத்துவதற்கு உச்ச நீதிமன்றம் உத்தரவிட்டுள்ளது. சாலை பாதுகாப்பை மேம்படுத்தவும், சாலை விபத்துகளின் போது அவசர விபத்து சிகிச்சை என அழைக்கப்படும் அவசர மருத்துவ சிகிச்சையை வழங்கவும் கோரி, ‘சேவ் லைப் பவுண்டேஷன்’ என்ற அமைப்பு உச்சநீதிமன்றத்தில் ரிட் மனு தாக்கல் செய்தது. இந்த ரிட் மனுவை, நீதிபதிகள் ஜே.கே. மகேஸ்வரி மற்றும் அதுல் எஸ். சந்தூர்கர் ஆகியோர் அடங்கிய அமர்வு விசாரித்து தீர்ப்பளித்தது.

தீர்ப்பில் நீதிபதிகள் கூறியதாவது: சாலை விபத்து வழக்குகளில் விரைவாகச் செயல்பட வேண்டியதன் அவசியம், சட்ட நடவடிக்கைகளில் சிக்கிக்கொள் வோமோ என்ற அச்சத்தில் ஒரு சாமானிய மனிதன் அவசர சேவைகளை அழைக்கத் தயங்குவது போன்ற பல்வேறு காரணிகளை நீதிமன்றம் கவனத்தில் கொண்டது. இந்த தடைகளைச் சமாளிக்க, காய சிகிச்சைக்கான ஒரு சீரான கட்டமைப்பை உருவாக்குதல், பொது விழிப்புணர்வை ஏற்படுத்துதல், முதலுதவித் திறன்களைத் தரப்படுத்துதல் மற்றும் முறையான நல்லெண்ணம் கொண்டவர்கள் சட்டங்கள்(குட்சமரிட்டான்) தேவைப்படுகின்றன.

குடிமக்களின் காய சிகிச்சைக்கான உரிமை என்பது இந்திய அரசியலமைப்பின் 21வது பிரிவின் கீழ் பொறிக்கப்பட்டுள்ள வாழ்வதற்கான உரிமையின் ஒரு பகுதியாகும். அனைத்து மாநிலங்கள், யூனியன் பிரதேசங்களும் பல்வேறு எண்களில் செயல்படும் அவசர உதவி எண்களையும் ஒருங்கிணைத்து பொதுவான அவசர உதவி எண் 112- ஐ மூன்று மாதங்களுக்குள் செயல்படுத்தவேண்டும்.

அனைத்து மாநிலங்கள், யூனியன் பிரதேசங்களும், மூன்று மாதங்களுக்குள், மாநில மற்றும் மாவட்ட அளவில் நியமிக்கப்பட்ட ஒருங்கிணைப்பு அதிகாரிகளுடன், செயல்படும் நல்லெண்ணம் கொண்டவர்களின் குறைதீர்ப்பு அமைப்பு களை நிறுவ வேண்டும் என்பது உள்பட பல்வேறு வழிக்காட்டுதல்களை வழங்கியுள்ளது.