தூத்துக்குடி,மே.30–
திராவிட முன்னேற்றக் கழகத்தின் தலைவர் பொறுப்பை அரை நூற்றாண்டு காலம் சிறப்புடன் நிறைவேற்றியவர். 5 முறை 19 ஆண்டுகள் தமிழ்நாட்டின் முதலமைச்சராக பொறுப்புவகித்து நவீன தமிழகத்தை உருவாக்க அடித்தளம் அமைத்து வளர்த்தெடுத்த நவீன தமிழகத்தின் சிற்பி முன்னாள் முதலமைச்சர் முத்தமிழறிஞர் தலைவர் கலைஞர் 103வது பிறந்த நாளை புத்தெழுச்சியுடன் கொண்டாடுங்கள்.
இயல், இசை, நாடகம் ஆகிய முத்தமிலிலும் வித்தகராக திகழ்ந்த தமிழ் தாயின் தலைமகன், தமிழ் மொழியை, தமிழர்களை தன் உயிராய் நேசித்தவர், தமிழ் மண்ணில் சமூக நீதியை நிலைநாட்ட விடாப்பிடியாக போராடி வெற்றி கண்டவர், உயர் கல்வியை வளர்த்தெடுக்க அயராது உழைத்து முத்திரை பதித்தவர் தலைவர் கலைஞர் அவர்கள். கலைஞரின் செயல்பாட்டு சிறப்பினை பின்பற்றி தமிழக மக்களுக்காக தொடர்ச்சியாக செயலாற்றி வரும்
தி.மு.க தலைவர் மு.க. ஸ்டாலின் அவர்களின் வேண்டுகோளை ஏற்று தூத்துக்குடி தெற்கு மாவட்டக் கழக அலுவலகத்தில் 03.06.2026 அன்று காலை 9 மணிக்கு கலைஞர் திருவுருவப் படத்திற்கு அஞ்சலி செலுத்தும் நிகழ்ச்சி நடைபெறும்.
அதே போல் அனைத்து ஒன்றிய, நகர, பகுதி, பேரூர் மற்றும் கிளைக் கழக அலுவலகங்களிலும், சார்பு அணிகளின் அலுவலகங்களிலும், மாநகராட்சி வட்டங்கள், நகராட்சி, பேரூராட்சி வார்டுகள் மற்றும் ஒன்றியங்களில் ஊராட்சிகளில் உள்ள அனைத்து கிளைகளிலும் கலைஞரின் திருவுருவப் படத்திற்கு மரியாதை செலுத்தி ஒலிபெருக்கி அமைத்து கழக கொடியேற்றி கொண்டாட வேண்டுமாய் கேட்டுக்கொள்கிறோம்.
மேலும் திருச்செந்தூர், ஓட்டப்பிடாரம், ஸ்ரீவைகுண்டம் ஆகிய சட்டமன்ற தொகுதிகளில் உள்ள முதியோர் இல்லம், குழந்தைகள் காப்பகம், மாணவர் விடுதி, ஆதரவற்றோர் இல்லம், மனநலம் பாதிக்கப்பட்டோர் காப்பகம் அகிய இடங்களில் உள்ளவர்களுக்கு உணவு ஏற்பாடு செய்து, நலத்திட்டங்களை வழங்கிட வேண்டுமாய் கழகத்தினரை கேட்டுக்கொள்கிறோம். பல்வேறு முக்கிய இடங்களில் கலைஞர் பிறந்தநாள் தெருமுனைப் பிரச்சார கூட்டங்களை நடத்திட வேண்டும்.
மாவட்டம் முழுவதும் நடைபெறவுள்ள இந்நிகழ்ச்சிகளில் மாநில, மாவட்ட நிர்வாகிகள், ஒன்றிய, நகர, பகுதி, பேரூர் கழக நிர்வாகிகள், சார்பு அணிகளின் நிர்வாகிகள், மக்கள் பிரதிநிதிகள், வார்டு, கிளைக் கழக நிர்வாகிகள், கழக முன்னணியினர் மற்றும் பொது மக்கள் திரலாக பங்கேற்க வேண்டுமாய் கேட்டுக்கொள்கிறேன்.
இவ்வாறு மாவட்டச் செயலாளர் அனிதா ஆர்.ராதாகிருஷ்ணன் தெரி வித்துள்ளார்.