ஒட்­டன்­சத்­தி­ரம், மே 31–

திண்­டுக்­கல் மாவட்­டம் ஒட்­டன்­சத்­தி­ரம் மற்­றும் அதன் சுற்­று­வட்­டார பகு­தி­க­ளில் கடந்த ஆட்­சிக் காலத்­தில் சுமார் ரூ.5,000 கோடி மதிப்­பீட்­டில் பள்­ளி­கள், கல்­லூ­ரி­கள், மேம்­பா­லங்­கள், சாலை­கள், குடி­நீர் வச­தி­கள் மற்­றும் பல்­வேறு அடிப்­படை கட்­ட­மைப்பு வச­தி­கள் உரு­வாக்­கப்­பட்­ட­தாக கூறப்­ப­டு­கி­றது. இத்­திட்­டங்­கள் தொடர்­பான விவ­ரங்­களை பொது­மக்­கள் அறி­யும் வகை­யில் பல இடங்­க­ளில் கல்­வெட்­டு­கள் மற்­றும் தக­வல் பல­கை­கள் அமைக்­கப்­பட்­டி­ருந்­தன.

தேர்­தல் நன்­ன­டத்தை விதி­மு­றை­கள் அம­லுக்கு வந்­த­போது, அர­சின் திட்­டங்­கள் தொடர்­பான கல்­வெட்­டு­கள் மற்­றும் பெயர்ப் பல­கை­கள் துணி­யால் மூடப்­பட்­டன. தேர்­தல் முடிந்து புதிய அரசு பொறுப்­பேற்று விட்ட பின்­பும் , பல இடங்­க­ளில் கல்­வெட்­டு­கள் இன்­னும் திறக்­கப்­ப­டா­மல் இருப்­ப­தாக பொது­மக்­கள் வேதனை தெரி­விக்­கின்­ற­னர்.

கடந்த ஆட்­சி­யில் மேற்­கொள்­ளப்­பட்ட பல்­வேறு வளர்ச்­சித் திட்­டங்­க­ளின் விவ­ரங்­கள் கல்­வெட்­டு­க­ளில் இடம்­பெற்­றுள்­ளன. குறிப்­பாக கல்வி வளர்ச்­சிக்­காக பள்ளி மற்­றும் கல்­லூரி கட்­டி­டங்­கள், மாண­வர்­க­ளுக்­கான அடிப்­படை வச­தி­கள், போக்­கு­வ­ரத்தை மேம்­ப­டுத்­தும் வகை­யில் மேம்­பா­லங்­கள், கிராம மற்­றும் நகர சாலை­கள், குடி­நீர் திட்­டங்­கள் உள்­ளிட்ட பல்­வேறு பணி­கள் செயல்­ப­டுத்­தப்­பட்­டுள்­ளன. ஆனால் அவற்­றின் விவ­ரங்­கள் அடங்­கிய கல்­வெட்­டு­கள் இன்­னும் மறைக்­கப்­பட்­டி­ருப்­ப­தால் திட்­டங்­கள் குறித்த தக­வல்­களை பொது­மக்­கள் அறிய முடி­யாத நிலை ஏற்­பட்­டுள்­ளது.

பொது­மக்­கள் கூறு­கை­யில், “மக்­க­ளின் வரிப்­ப­ணத்­தில் செயல்­ப­டுத்­தப்­பட்ட திட்­டங்­கள் பற்­றிய தக­வல்­களை அறி­யும் உரிமை அனை­வ­ருக்­கும் உள்­ளது. தேர்­தல் காலத்­தில் விதி­மு­றை­க­ளின் கார­ண­மாக கல்­வெட்­டு­கள் மூடப்­பட்­டி­ ருந்­தா­லும், தேர்­தல் முடிந்த பிறகு அவற்றை மீண்­டும் திறந்து பொது­மக்­க­ளின் பார்­வைக்கு கொண்டு வந்­தி­ருக்க வேண்­டும். ஆனால் பல இடங்­க­ளில் இன்­னும் மூடிய நிலை­யி­லேயே இருப்­பது வருத்­த­ம­ளிக்­கி­றது” என தெரி­வித்­த­னர்.

சமூக ஆர்­வ­லர்­கள் மற்­றும் பொது­நல அமைப்­பி­னர், “அர­சுத் திட்­டங்­கள் தொடர்­பான தக­வல்­கள் வெளிப்­ப­டை­யாக மக்­க­ளுக்கு தெரி­யப்­ப­டுத்­தப்­பட வேண்­டும். எந்த ஆட்­சி­யில் திட்­டங்­கள் கொண்டு வரப்­பட்­டன, எவ்­வ­ளவு நிதி ஒதுக்­கப்­பட்­டது,எப்­போது பணி­கள் நிறை­ வேற்­றப்­பட்­டன போன்ற விவ­ரங்­கள் கல்­வெட்­டு­கள் மூல­மா­கவே பொது­மக்­க­ளுக்கு தெரிய வரு­கின்­றன. அவற்றை தொடர்ந்து மறைத்து வைப்­பது சரி­யான நடை­மு­றை­யாக இருக்­காது” என்று கருத்து தெரி­வித்­துள்­ள­னர்.

எனவே, ஒட்­டன்­சத்­தி­ரம் பகு­தி­யில் கடந்த ஆட்­சி­யில் சுமார் ரூ.5,000 கோடி மதிப்­பீட்­டில் செயல்­ப­டுத்­தப்­பட்ட வளர்ச்­சித் திட்­டங்­க­ளின் விவ­ரங்­களை கொண்ட கல்­வெட்­டு­கள் மற்­றும் தக­வல் பல­கை­களை உட­ன­டி­யாக திறந்து, பொது­மக்­க­ளின் பார்­வைக்கு கொண்டு வர மாவட்ட நிர்­வா­க­மும் சம்­பந்­தப்­பட்ட துறை­க­ளும் நட­வ­டிக்கை எடுக்க வேண்­டும் என மக்­கள் கோரிக்கை விடுத்­துள்­ள­னர்.