சென்னை, மே 31

“தமி­ழக முதல்­வர் கவ­னம் செலுத்தி, சட்­டம் - ஒழுங்கை வலுப்­ப­டுத்தி, பெண்­கள் மற்­றும் குழந்­தை­க­ளின் பாது­காப்பை உறுதி செய்­யும் வகை­யில் நிரந்­த­ர­மான தீர்­வு­களை உரு­வாக்க நட­வ­டிக்கை எடுக்க வேண்­டும்” என தே.மு.தி.க. பொதுச் செய­லா­ளர் பிரே­ம­லதா வலி­யு­றுத்­தி­யுள்­ளார்.

இது குறித்து அவர் வெளி­யிட்­டுள்ள அறிக்­கை­யில் கூறி­யி­ருப்­ப­தா­வது:–

“தமி­ழ­கத்­தின் பல்­வேறு பகு­தி­க­ளில் தொடர்ந்து நடை­பெற்று வரும் பாலி­யல் வன்­கொ­டுமை, பெண்­கள் மற்­றும் குழந்­தை­க­ளுக்கு எதி­ரான குற்­றங்­கள், கொலை­கள் மற்­றும் வன்­மு­றைச் சம்­ப­வங்­கள் பொது மக்­கள் மத்­தி­யில் கடும் அதிர்ச்­சி­யை­யும் அச்­சத்­தை­யும் ஏற்­ப­டுத்தி வரு­கின்­றன.

சென்­னை­யில் 16 வயது சிறு­வ­னுக்கு மது கொடுத்து பாலி­யல் வன்­கொ­டு­மை­யில் ஈடு­பட்­ட­தாக வட­ப­ழனி காவல் நிலைய தலை­மைக் காவ­லர் மீது குற்­றச்­சாட்டு எழுந்­துள்­ளது. சட்­டத்தை பாது­காக்க வேண்­டிய பொறுப்­பில் உள்­ள­வரே இத்­த­கைய குற்­றச் செய­லில் ஈடு­பட்­ட­தாக வெளி­யா­கி­யுள்ள தக­வல் மக்­க­ளி­டையே பெரும் அதி­ருப்­தியை ஏற்­ப­டுத்­தி­யுள்­ளது.

அதே­போல், சென்னை வேளச்­சேரி பேருந்து நிலை­யம் அருகே 61 வயது மூதாட்டி ஒரு­வர் காயங்­க­ளு­டன் மயக்க நிலை­யில் கிடந்­துள்­ளார். அந்த மூதாட்­டியை பாலி­யல் வன்­கொ­டுமை செய்­துள்­ள­னர். வயது முதி ர்ந்த பெண்­கள்­கூட பாது­காப்­பாக வாழ முடி­யாத நிலை உரு­வா­கி­யுள்­ளது என்­பது மிக­வும் வேத­னைக்­கு­ரி­யது.

விழுப்­பு­ரம் மாவட்­டம் மரக்­கா­ணம் அருகே 11 வயது சிறுமி, 62 வயது முதி­ய­வ­ரால் பாலி­யல் வன்­கொ­டு­மைக்கு ஆளாக்­கப்­பட்ட சம்­ப­வம் மனி­த­நே­யத்தை தலை­கு­னி­யச் செய்­துள்­ளது. குழந்­தை­க­ளின் பாது­காப்பு குறித்த கேள்­வி­களை இந்­தச் சம்­ப­வம் மீண்­டும் எழுப்­பி­யுள்­ளது.

தென்­காசி மாவட்­டம் ஆலங்­கு­ளம் அருகே நடை­பெற்ற திரு­மண வீட்­டில் முக­மூடி அணிந்த கும்­பல் ஒன்று புகுந்து அங்­கி­ருந்­த­வர்­களை சர­மா­ரி­யாக வெட்­டிய சம்­ப­வம் சட்­டம் - ஒழுங்கு நிலை குறித்து மக்­க­ளி­டையே அச்­சத்தை ஏற்­ப­டுத்­தி­யுள்­ளது.

இவ்­வாறு தே.மு.தி.க. பொதுச் செய­லா­ளர் பிரே­ம­லதா, த.வெ.க. அரசை வலி­யு­றுத்­தி­யுள்­ளார்.