செஞ்சி, மே 31-–
முத்தமிழறிஞர் கலைஞரின் பிறந்த நாள் விழாவை விழுப்புரம் வடக்கு மாவட்டம் முழுவதும் எழுச்சியுடன் கொண்டாட வேண்டும் எனசெஞ்சியில் நடை பெற்ற மாவட்டச் செயற்குழுக் கூட்டத்தில் தீர்மானம் நிறைவேற்றினர். விழுப்புரம் வடக்கு மாவட்டப் பொறுப்பாளர் செஞ்சி மஸ்தான் சிறப்புரையாற்றி னார்.
விழுப்புரம் வடக்கு மாவட்ட தி.மு.க. அவசர செயற்குழு ஆலோசனைக் கூட்டம் செஞ்சியில் நடைபெற்றது.
கூட்டத்திற்கு விழுப்புரம்வடக்குமாவட்ட அவைத் தலைவர் டாக்டர் சேகர் தலைமை தாங்கினார். செஞ்சி ஒன்றிய பெருந்தலைவர் விஜயகுமார் அனைவரையும் வரவேற்றார். மாவட்டப் பொருளாளர் ரமணன், மாவட்ட துணைச் செயலாளர்கள் ரவிக்குமார், அருணகிரி, அமுதா ரவிக்குமார் ஆகியோர் முன்னிலை வகித்தனர்.
கூட்டத்தில் விழுப்புரம்வடக்கு மாவட்டப் பொறுப்பாளர், முன்னாள் அமைச்சர் செஞ்சி மஸ்தான் கலந்து கொண்டு பல்வேறு ஆலோசனைகளை வழங்கினார்.அப்போது அவர் பேசுகையில்:
நம்முடைய அன்புத் தலைவர் முத்தமிழ் அறிஞர்கலைஞர் அவர்களின் பிறந்தநாளான ஜூன் 3 அன்று 103வது பிறந்த நாள் விழாவை முன்னிட்டு
விழுப்புரம் வடக்கு மாவட்டம் செஞ்சி, மயிலம், திண்டிவனம் ஆகிய தொகுதிகள்முழுவதும் ஒன்றியம், நகரம்,பேரூர் களிலும் அனைத்து ஊராட்சி கிளைகளிலும் நகர பேரூர் வார்டுகளிலும் கழக இருவண்ணகொடி தோரணங்களைக் கட்டி முத்தமிழ் அறிஞர் கலைஞர், தலைவர் தளபதி ஆகியோர் புகழ் பரப்பும் பாடல்களையும் அவர்கள் உரை யாற்றிய எழுச்சியான பேச்சுகளையும் ஒளிபரப்பி அந்தந்த கிளைகளில் உள்ள கழக முன்னோடிகளை முன்னிலைப்படுத்தி கழகத்தின் இரு வண்ணக் கொடியை ஏற்றி பொதுமக்களுக்குஇனிப்புகள் உள்ளிட்ட நலத்திட்ட உதவிகளை வழங்க வேண்டும் என்றும், மேலும்ரத்ததான முகாம், மருத்துவ முகாம், கண் சிகிச்சை முகாம்கள் நடத்துதல், மரக்கன்றுகளை நடுதல், ஏழை எளிய மக்களுக்கு வேட்டி சேலை வழங்குதல், ஏழை எளிய பள்ளி மாணவ மாணவிகளுக்கு இலவச நோட்டுப்புத்தகங்கள், கல்வி உபகரண பொருட்கள் உள்ளிட்ட பல்வேறு மக்கள் நலத்திட்ட உதவிகளை சிறப்பான முறையில் வழங்க வேண்டும் என்றும், விழுப்புரம் வடக்கு மாவட்டமே விழாக்கோலம் காணுகின்ற வகையில் நம்முடைய தலைவர் கலைஞர் அவர்களின் 103வது பிறந்த நாளை மிகவும் பிரம்மாண்ட முறையில்ஆண்டு முழுவதும் எழுச்சியுடன் கொண்டாட வேண்டும் எனவிழுப்புரம் வடக்கு மாவட்டச் செயலாளர்முன்னாள் அமைச்சர் செஞ்சிமஸ்தான் தெரிவித்தார்.
கூட்டத்தில் முன்னாள் சட்டமன்ற உறுப்பினர்கள் டாக்டர் மாசிலாமணி, சேதுநாதன், தலைமை
தீர்மானக் குழு உறுப்பினர் செஞ்சி சிவா, செயற்குழு உறுப்பினர் நெடுஞ்செழியன், மாவட்ட இளைஞரணி அமைப்பாளர் ஆனந்த் ஒன்றியக் கழகச் செயலாளர்கள் விஜயராகவன்,
பச்சையப்பன், சாந்தி சுப்ரமணியன், நாராயணமூர்த்தி, அண்ணாதுரை, மொடையூர் துரை, இளம்வழுதி. மணிமாறன், செழியன், சொக்கலிங்கம், ராஜாராமன், தயாளன், பழனி, ரவிச்சந்திரன், மாவட்ட கவுன்சிலர் அரங்க ஏழுமலை, துணைசேர்மன் ஜெயபாலன், செஞ்சி பேரூராட்சிமன்றத் தலைவர் மொக்தியார் அலி மஸ்தான், பொதுக்குழு உறுப்பினர்கள் மணிவண்ணன், வீடூர் ரவி, சாந்தி ஏழுமலை உள்ளிட்ட தி.மு.க. நிர்வாகிகள் கலந்து கொண்டனர். நகர செயலாளர் கார்த்திக் நன்றி கூறினர்.