திருப்பூர்,மே 31–
தெற்கு மாவட்டத்தில் ஜூன் 3 அன்று முத்தமிழறிஞர் கலைஞர் அவர்களின் 103வது பிறந்த நாள் விழாவை செம்மொழி நாளாககொண்டாட வேண்டுமென அறிவித்த கழக தலைவர், தளபதி அவர்களின் அறிவிப்பின்படி உடுமலைப்பேட்டை, மடத்துக்குளம் சட்டமன்ற தொகுதிகளுக்குட்பட்ட பகுதிகளில் சிறப்பாக கொண்டாட வேண்டுமென மாவட்ட கழகப் பொறுப்பாளர், பொள்ளாச்சி நாடாளுமன்ற உறுப்பினர் கே.ஈஸ்வரசாமி அறிக்கை விடுத்துள்ளார்.
அவரது அறிக்கை வருமாறு:-–திராவிட முன்னேற்றக்கழகத்தின் தலைவர் பொறுப்பை அரை நூற்றாண்டு காலம் சிறப்பு டன் நிறைவேற்றியவர். 5 முறை 19 ஆண்டுகள் தமிழ் நாட்டின் முதலமைச்சராக பொறுப்புவகித்து நவீன தமிழகத்தை உருவாக்கஅடித்தளம் அமைத்து வளர்த்தெடுத்த நவீன தமிழகத்தின் சிற்பி, இயல், இசை, நாட கம் ஆகிய முத்தமிழிலும் வித்தகராக திகழ்ந்த தமிழ் தாயின் தலைமகன், தமிழ் மொழியை, தமிழர்களை தன் உயிராய் நேசித்தவர், தமிழ் மண்-ணில் சமூகநீதியை நிலைநாட்ட விடாப்பிடி யாக போராடி வெற்றி கண்டவர், உயர் கல்வியை வளர்த்தெடுக்க அயராது உழைத்து முத்திரை பதித்த வர் தலைவர் கலைஞர் அவர்கள்.
கலைஞரின் செயல் பாட்டு சிறப்பினை பின்பற்றி தமிழக மக்க-ளுக்காக தொடர்ச்சியாக செயலாற்றி வரும் தி.மு.க தலைவர் முத்துவேல்
கருணாநிதி ஸ்டாலின் அவர்களின் வேண்டு கோளை ஏற்று 03.06.2026 - புதன்கிழமை அன்று திருப்பூர் தெற்கு மாவட்டத்திற்கு உட்பட்ட உடுமலைப்பேட்டை, மடத்துக்குளம் சட்டமன்ற தொகுதி ஒன்றிய, நகர, பேரூர், வார்டு கழக, கிளைக் கழகங்கள் தோறும் கலைஞரின் திரு
உருவச்சிலைக்கும், சிலை இல்லாத இடங்களில் திரு வுருவப் படத்திற்கு மாலை அணிவித்து, மலர்தூவி மரியாதை செலுத்தி முதியோர் இல்லங்கள்,ஆதரவற்றோர் இல்லங்கள்,
பார்வையற்றோர் இல்லங்கள், மாணவர் விடுதிகள், கருணை இல்லங்கள், பெண்கள் காப்ப கங்கள், மனநல காப்பகம், பார்வையற்றோர் இல்லம் போன்ற இடங்களில் காலை, மதியம், இரவு உணவுகள் வழங்கியும், நகராட்சி, பேரூராட்சி மற்றும் ஊராட்சிகளில் பணிபுரியும் தூய்மைப் பணியாளர்களுக்கு உணவு, புத்தாடை மற்றும் நலத்திட்ட உதவிகள் வழங்கியும், இலவச கண் மருத்துவ சிகிச்சை முகாம், இரத்த தான முகாம்கள் சிறப்பாக நடத்திட வேண்டுமாய் அனைவரையும் கேட்டுக்கொள்கிறேன்.
அதுசமயம், நிகழ்ச்சிகள் நடைபெறும் இடங்களில் சட்டமன்ற உறுப்பினர்கள், மாநில, மாவட்டக் கழக நிர்வாகிகள், ஒன்றிய, நகர, பேரூர், வார்டு கழக, கிளை கழக செயலாளர்கள், நிர்வாகிகள், தலைமைச் செயற்குழு, பொதுக்குழு உறுப்பினர்கள், இந்நாள், முன்னாள், உள்ளாட்சி மக்கள் பிரதிநிதிகள்,
கழக சார்பு அணிகளின் அமைப்பாளர்கள், துணை அமைப்பாளர்கள், தலைவர்கள், துணை தலைவர்கள் மற்றும் கழக முன்னோடிகள், கழக தோழர்கள் அனைவரும் தவறாமல் கலந்து கொண்டு செம்மொழி நாயகர் கலைஞரின் பிறந்த நாளை சிறப்பாக கொண்டாடுமாறு கேட்டுக் கொள்கிறேன் என்று அவரது அறிக்கையில் தெரிவித்துள்ளார்.