சென்னை, மே 31–
த.வெ.க.ஆட்சியில் நடைபெற்ற குதிரைபேரம் குறித்து விசாரணை நடத்தி நடவடிக்கை எடுக்க வேண்டும் எனக் கோரி அ.தி.மு.க. சார்பில் ஆளுநரிடம் மனு அளிக்கப்பட்டுள்ளது.
அ.தி.மு.க. சார்பில் சட்டப்பேரவைத் தேர்தலில் போட்டியிட்டு வெற்றி பெற்ற மரகதம் குமரவேல், ஜெயக்குமார், சத்தியபாமா, இசக்கி சுப்பையாஆகியோர் தங்களின்எம்.எல்.ஏ. பதவியை ராஜினாமா செய்தனர். அதனைத்தொடர்ந்து, சில
நிமிடங்களில் அவர்கள் அனைவரும் த.வெ.க.-வில் இணைந்தனர். அ.தி.மு.க. எம்.எல்.ஏ.க்கள் ராஜினாமா விவகாரத்தில் குதிரை பேரம் நடந்துள்ளதாகவும், இது குறித்து சி.பி.ஐ. விசாரணை நடத்த வேண்டும் எனக்கோரி தேர்தல் ஆணையத்திடம் மனுக்கள் அளிக்கப்பட்டுள்ளன.
இந்நிலையில், அ.தி.மு.க.கொறடா அக்ரி கிருஷ்ண மூர்த்தி மற்றும் நாடாளுமன்ற உறுப்பினர் தனபால் ஆகியோர் ஆளுநர் அர்லேகரை சந்தித்து மனு அளித்தனர். இதனைத் தொடர்ந்து செய்தியாளர்களிடம் பேசிய அக்ரி கிருஷ்ண மூர்த்தி, த.வெ.க. வின் குதிரை பேர அரசியலை தடுத்துநிறுத்தி உரிய நடவடிக்கை எடுக்குமாறு ஆளுநரிடம் வலியுறுத்தியதாகத்தெரிவித்தார்.