புதுவை,ஜூன் 1
முத்தமிழறிஞர் கலைஞர்அவர்களின் 103-ஆவது பிறந்த நாள் மற்றும் “செம்மொழி நாள்” விழா 03.06.2026 அன்று புதுச்சேரி மாநில தி.மு.க. சார்பில் சிறப்பாக கொண்டாடப்பட உள்ளது என மாநில அமைப்பாளர் இரா. சிவா தெரிவித்துள்ளார்.
அதன் விவரம் வருமாறு:
காலை 8.00 மணிக்கு – வில்லியனூர் அண்ணா சிலை அருகில் அலங்கரித்து வைக்கப்பட்டிருந்த கலைஞரின் திருவுருவ படத்திற்கு அமைப்பாளர் இரா. சிவா மாலை அணிவித்து மரியாதை செய்தல்.
காலை 8.30 மணிக்கு – வீராம்பட்டினத்தில் நிறுவப்பட்டுள்ள கலைஞர் அவர்களின் திருவுருவச் சிலைக்கு திமுக அமைப்பாளர் இரா. சிவா அவர்கள் மாலை அணிவித்தும், அவரது படத்திற்கு மலர் தூவியும் மரியாதை செலுத்த உள்ளார். தொடர்ந்து காலை உணவு ஏற்பாடு செய்யப்பட்டுள்ளது.
காலை 9.00 மணிக்கு – தி.மு.க. அமைப்பாளர் இரா.சிவா தலைமையில் தி.மு.க. நிர்வாகிகள் மற்றும் தொண்டர்கள் ஏ.எப்.டி திடலில் ஒன்றிணைந்து இரு வண்ணக் கொடியேந்தி அங்கிருந்து ஊர்வலமாக சென்று அண்ணா சிலை அருகில் மாநில கழகம் சார்பில் அமைப்பட்டுள்ள முத்தமிழ் அறிஞர் கலைஞர் அவர்களின் திருவுருவப் படத்திற்கு மலர் தூவி மரியாதை செலுத்தி பின்னர் பொதுமக்களுக்கு இனிப்புகள் வழங்கப்பட்ட உள்ளது.
ஆகையால் நமது மாநிலக் கழக நிர்வாகிகள், முன்னாள் இந்நாள் சட்டமன்ற உறுப்பினர்கள், தலைமை செயற்குழு மற்றும் பொதுக்குழு உறுப்பினர்கள், தொகுதிக்கழக நிர்வாகிகள், கிளைக்கழக நிர்வாகிகள், அணைத்து அணிகளின் நிர்வாகிகள் மற்றும் கழக உடன்பிறப்புகள் அனைவரும் தவறாமல் கலந்துக்கொள்ளுமாறு அன்புடன் கேட்டுக்கொள்கிறோம்.
குறிப்பு :மாநிலக் கழக நிர்வாகிகள் குழு கூட்டத் தின் முடிவெடுத்ததின் படி புதுச்சேரியில் உள்ள 23 தொகுதிகளிலும் அந்தந்த தொகுதி கழகங்கள் சார்பில் தலைவர் கலைஞர் அவர்களின் திருவுருவப் படத்திற்கு மரியாதை செலுத்தி, ஏழை, எளிய மக்களுக்கு நலத்திட்ட உதவிகள் வழங்குமாரும், மேலும் முத்தமிழறிஞர் கலைஞர் அவர்களின் 103-ஆவது பிறந்த நாள் மற்றும் “செம்மொழி நாள்” விழாயொட்டி புதுச்சேரி மாநில கழகம் மற்றும் தொகுதிக் கழகம் சார்பில் இந்த மாதம் முழுவதும் மருத்துவ முகாம்கள், குருதிக்கொடை வழங்குதல், ஏழை, எளியோருக்கு நலத்திட்ட உதவிகள் வழங்குதல், பொதுக்கூட்டம் நடத்தி கலைஞரின் சாதனைகளை விளக்குதல் உள்ளிட்ட பல்வேறு நிகழ்ச்சி கள் நடத்துமாறு கேட்டுக்கொள்கிறோம்.
இவ்வாறு புதுச்சேரி மாநில தி.மு.க. சார்பில் தெரிவிக்கப்பட்டுள்ளது.