சேலம், ஜூன்.1–
சேலம் மத்திய மாவட்டச் செயலாளர் இரா.இராஜேந்திரன் விடுத்துள்ள அறிக்கை வருமாறு:–
தந்தை பெரியாரால் தன்மான உணர்வூட்டப்பட்டு, தமிழ் நிலத்தின் மக்களுக்கென, தமிழினத்தின் வாழ்வுக்கென, தமிழ் மொழியின் உரிமைக்கென பேரறிஞர் அண்ணாவால் தொடங்கப்பட்ட கழகத்தை அரை நூற்றாண்டு காலம் தன் தோளில் சுமந்தவர் முத்தமிழறிஞர் தலைவர் கலைஞர் அவர்கள். தனது 14வது வயதில் தமிழ் கொடியை ஏந்தி திருவாரூர் மண்ணில் தமிழ்காக்கும் போராட்டத்தில் மாணவராக தொடங்கி, தாய் தமிழ்நாட்டை 19 ஆண்டுகள் ஆட்சி செய்து, தமிழ் இனத்தின் தலைவராகவும், பல இந்திய பிரதமர்க ளையும், குடியரசுத் தலைவர்களையும் முன்மொழிந்து, இந்திய துணைகண் டத்தின் அரசியல் போக்கையும் இயக்கும் வித்தகராகவும் விளங்கி யவர்.
பொது வாழ்க்கையில் 95வது வயது வரை ஓய்வின்றி உழைத்து நவீன தமிழகத்தை உருவாக்கி தலைசிறந்த நிர்வாகியாக திகழ்ந்தவர்.
60 ஆண்டுகளுக்கு மேலாக அரசியல், கலை, இலக்கியம், திரைத்துறை, பத்திரிக்கையாளர், இதழியல் துறை இப்படி பலதுறைகளில் மிளிர்ந்து பிரமிப்பூட்டும் வகையில் தமிழ்நாட்டிற்கும், இந்திய துணைக்கண்டத்திற்கும் தனது பங்களிப்பை அளித்தவர்.
ஏழை, எளியவர்கள், விவசாயிகள், தொழிலாளர்கள், மகளிர், நெசவாளர்கள், வணிகர்கள், அரசு ஊழியர்கள், மாணவர்கள், மாணவிகள், இளைஞர்கள், மாற்றுத்திறனாளிகள், திருநங்கை கள், சிறுபான்மையினர் என அனைத்து தரப்பினரின் நல்வாழ்வுக்காக “கண்துஞ்சாமல் தொடர்ந்து உழைத்த தூய தலைவர்” நமது முத்தமிழறிஞர் கலைஞர் அவர்கள்.
“ஏற்றுக் கொண்ட இலட்சியத்தை வெற்றி பெறச் செய்யும் பணியில் எனது பயணம் தொடரும், இடையூறு எதுவரினும் நில்லேன், இறுதி மூச்சுள்ள வரை உழைப்பேன்” என முழங்கிச் செயலாற்றியவர். வெற்றிக்கும், தோல்விக்கும் நாமே பொறுப்பு என்கிற மன உறுதியுடன்; ஒரு பணியில் இறங்குகிற எந்த மனிதனையும் அயர்வோ, சோர்வோ அணுகாது - அந்த மனிதனின் வாழ்வில் பின்னடை வும் ஏற்படாது என எத்தனையோ துன்பங்களையும், தொல்லைகளையும் தாங்கிக் கொண்டு, அடுக்கடுக்காக வந்த சோதனைகளையும், வேதனைகளையும் எதிர்கொண்டு, அவற்றையெல்லாம் தகர்த்தெரிந்து நின்று, தடம்புரளாமல் தமிழினத்திற்கு தொண்டு செய்த முத்தமிழ றிஞர் தலைவர் கலைஞர் அவர்களின் 103வது பிறந்தநாளில் 03.06.2026 புதன்கிழமை அன்று காலை 09.00 மணி அளவில் சேலம் மத்திய மாவட்டக் கழகத்தின் சார்பில் 4-ரோடு அண்ணா பூங்கா வளாகத்தில் அமைந்துள்ள முத்தமிழறிஞர் தலைவர் கலைஞரின் திருவுருவச் சிலைக்கு மாலை அணிவித்து கொண்டாடப்படவுள்ளது.
தமிழ்! தமிழ்!!, தமிழ் இனம்! என வாழ்ந்து நம் உணர்வாய் – என்றைக்கும் நம்மை இயக்கும் ”முத்தமிழறிஞரின் திருவுருவ படத்தினை” சேலம் மத்திய மாவட்டத்தில் உள்ள கழகத்தினர் அனைவரின் வீடுகளிலும் வைத்து வணங்குவதோடு, அனைத்துப் பகுதிகளிலும் பொதுமக்கள் கூடும் இடங்களிலும், ஒவ்வொரு பாகத்திற்கும் ஒரு இடத்தில் வைத்து வணங்கி இனிப்புகள் வழங்கியும், மருத்துவ முகாம்கள், மரக்கன்றுகள் நடுதல், மாணவர்களுக்கு விளையாட்டுப் போட்டிகள் நடத்துதல், மாணவ, மாணவிகளுக்கு நோட்டு புத்தகங்கள் வழங்குதல் மற்றும் நலத்திட்ட உதவிகள் என அனைத்து நிகழ்ச்சி களையும் எழுச்சியோடு ஏற்பாடு செய்ய வேண்டும் என கேட்டுக்கொள்வதோடு, ஒன்றிய, பகுதி, பேரூர், வட்டக் கழக நிர்வாகிகள், ஊராட்சி கிளைக் கழக நிர்வாகி கள், உள்ளாட்சி பிரதிநிதிகள், இளைஞர் அணி, வழக்கறிஞர் அணி, மாணவர் அணி, விவசாய அணி, விவசாய தொழிலாளர் அணி, மகளிர் அணி, மகளிர் தொண்டரணி, தகவல் தொழில்நுட்ப அணி, வர்த்தக அணி, இலக்கிய அணி, கலை இலக்கிய பகுத்தறிவு பேரவை, மருத்துவர் அணி, பொறியாளர் அணி, சிறுபான்மையினர் அணி, நெசவாளர் அணி, அயலக அணி, தொண்டர் அணி, சுற்றுச்சூழல் அணி, அமைப்புசார ஓட்டுனர் அணி, விளையாட்டு மேம்பட்டு அணி, தொழிலாளர் அணி, ஆதிதிராவிடர் நலக்குழு, மீனவர் அணி ஆகிய அணிகளின் மாவட்ட, மாநகர, ஒன்றிய, பகுதி, பேரூர் அமைப்பாளர்கள், துணை அமைப்பாளர்கள் என அனைத்து நிர்வாகி களையும், கழகத் தோழர்களையும் இந்த நிகழ்ச்சி களை எழுச்சியோடு, உணர்வுபூர்வமாக சிறப்பாக கொண்டாடிட வேண்டுமென கேட்டுக்கொள்கிறேன்.
இவ்வாறு அவர் தெரிவித்துள்ளார்.
திருவள்ளூர் மத்திய மாவட்டம், திருவள்ளூர் மேற்கு ஒன்றியம் சார்பில் முத்தமிழறிஞர் கலைஞர் அவர்களின் பிறந்தநாள் விழாவை முன்னிட்டு மாபெரும் கிரிக்கெட் போட்டி காக்களூரில் நடைபெற்றது. இந்நிகழ்ச்சியில் திருவள்ளூர் மேற்கு ஒன்றிய செயலாளர் ஆர். ஜெயசீலன் கலந்து கொண்டு வெற்றி பெற்ற அணிகளுக்கு பரிசுத் தொகை மற்றும் கோப்பைகளை வழங்கி பாராட்டினார். நிகழ்ச்சியில் நிர்வாகிகள் த.எத்திராஜ், கி.தரணி, எஸ். செளந்தரராஜன், ஆர்.பிரபு, வே.தியாகராஜன், ஆர்.சண்முகம், சிவாபிரகாஷ், திருமலை, பிரதீப், பிரதீப்ராஜ், கோபிகரண், ஆகாஷ், கிரிஸ்டன், கார்த்திக், மதன், மோனிஷ், நித்திஷ், சந்தோஷ், சுனில், சக்திவேல், ஜெய கணேஷ், கெளதம், விஷ்ணு, சுபாஷ், சூர்யா, யுவராஜ், ஆசிஸ், அனிஷ் உள்ளிட்ட பலர் கலந்து கொண்டனர்.