சென்னை, ஜூன் 1 –
தமிழ்நாடு முழுவதும் ஆய்வு என்ற பெயரில் செல்லும் த.வெ.க. எம்.எல்.ஏ.க்-கள், ஆய்வு நிகழ்வை ‘ரீல்ஸ்’ எடுத்து சமூக வலைதள பக்கங்களில் அப்படியே பதிவு செய்வதால், அவர்களுடன் ஆய்வுக்குச் செல்ல அதிகாரிகள் தயங்கி வருகின்றனர். உடன் செல்ல அதிகாரிகள் தயங்குவது மட்டுமின்றி செய்தித்துறையினரை அழைத்துச் செல்லாமல் தனிப்பட்ட முறையில் கேமரா வீடியோ என்று த.வெ.க. எம்.எல்.ஏ.க்கள் விதிமுறை மீறி கொண்டுவருகின்றனர் என்று குற்றம் சாட்டியுள்ளனர்.
கடந்த தேர்தலில் த.வெ.க.
107 தொகுதிகளில் வெற்றி பெற்றது. தி.மு.க. தலைமையிலான மதச்சார்பற்ற முற்போக்குக் கூட்டணி சார்பில் போட்டியிட்டு வெற்றி பெற்ற கம்யூனிஸ்ட்கள், முஸ்லீம் லீக், வி.சி.க. சட்டமன்ற உறுப்பினர்கள் ஆதரவுடன் த.வெ.க. ஆட்சி செய்யும் த.வெ.க. எம்.எல்.ஏ.க்கள் திடீரென்று ஆய்வுக்குச் செல்ல தொடங்கியுள்ளனர்.
அவ்வாறு செல்லும் எம்.எல்.ஏ.க்கள், சினிமா பாணியில் கேமரா சகிதமாக அனைத்துத் துறை அதிகாரிகள் மற்றும்கட்சியினரையும் அழைத்துச் செல்கின்றனர்.
தொகுதியில், கடந்த தி.மு.க. ஆட்சியில் நடந்த தவறுகளை சரிசெய்வதாகவும், ‘பொதுமக்கள், கட்சியினர் கூறும் புகார்களுக்கு விரைவில் தீர்வு காண்பதாகவும். உடனடியாக அதிகாரிகளுக்குஅறிவுறுத்துவதையும் அப்படியே வீடியோஎடுத்து தங்களது சமூக வலைதளப் பக்கங்களில் பரப்புகின்றனர். ஆய்வு நிகழ்வுகளை சமூக வலைதளப் பக்கங்களில்பதிவிட்டு. தங்களை முன்னிலைப்படுத்திக்கொள்வதிலேயே குறியாக உள்ளனர்.
கடந்த தி.மு.க. ஆட்சியின்போது எம்.எல்.ஏ.க்கள் ஆய்வுக்கு அதிகாரிகளை அழைத்துச் செல்லும்போது,
தங்களுடன் செய்தி மக்கள் தொடர்பு அதிகாரிகளையும்அழைத்துச் செல்வர். அவர்கள் எடுத்து அனுப்பும் புகைப்படங் கள் மற்றும் செய்திகள் மட்டுமே , பத்திரிகைகளில் வெளியிடப்படும்.
ஆனால், தற்போது த.வெ.க. தங்களது கட்சியினரையும் உடன் அழைத்துச் செல்லும் எம்.எல்.ஏ.க்கள், பொதுவெளியில் அனைத்து நிகழ்வுகளையும்உடனுக்குடன் வீடியோ எடுத்து பதிவிடுகின்றனர். இதனால், அரசுத் துறை அதிகாரிகள் நெருக்கடிக்கு ஆளாவதால், த.வெ.க.வினரும் ஆய்வுக்குச் செல்ல தயக்கம் காட்டுவதாகக் கூறப்படுகிறது.
இது குறித்து அதிகாரிகள் சிலர் ஆய்வு நிகழ்வுகளை அப்படியே ரீல்ஸ் எடுத்து சமூக வலைதளங்களில் பதிவிடுவதால், சில நேரங்களில் அதுவேத.வெ.க. அரசுக்கு நெருக்கடி ஏற்படுகிறது.
எனவேதான், தமிழக அரசு செய்தி மக்கள் தொடர்பு துறையை உருவாக்கி, மக்கள் பிரதிநிதிகளின் ஆய்வு நிகழ்வு களை ஒவ்வொரு அரசுத் துறை அதிகாரிகள் பார்வைக்கும். ஒப்புதலுக்கும் அனுப்பிய பிறகே. சமூக வலைதளங்களிலும், பத்திரிகைகளிலும் வெளியிடப்படுகிறது.
ஆனால், இந்தக் கட்டுப்பாடுகளையும், நடைமுறைகளையும் த.வெ.க. எம்.எல்.ஏ.க்கள்பின்பற்றுவதில்லை. அதை அவர்களிடம் எடுத்துச் சொல்லவும் முடியாமல். அப்படியே சொன்னால் தங்கள் பதவிக்கு ஆபத்து வந்துவிடுமோ என்ற அச்சத்தினாலும், அதிகாரிகள் கண்டும் காணாமல் இருந்து வருகின்றனர் என்பது குறிப்பிடத்தக்கது.