குமரி,ஜூன்.1---–
கன்னியாகுமரி கிழக்கு மாவட்டச் செயலாளர் ரெ.மகேஷ் விடுத்துள்ள அறிக்கை வருமாறு:–
முத்தமிழறிஞர் தமிழின தலைவர் கலைஞர் அவர்களின் 103-வது பிறந்தநாள் விழாவை முன்னிட்டு கன்னியாகுமரி கிழக்கு மாவட்ட தி.மு.க. சார்பில் வருகிற 2026, ஜூன் 3-ம் தேதி, புதன்கிழமை அன்று காலை 9.00 மணியளவில் எனது தலைமையில் நாகர்கோவில், ஒழுகினசேரியில் அமைந்துள்ள மாவட்ட தலைமைக் கழக அலுவலகத்தில் அமைக்கப்பட்டுள்ள முத்தமிழறிஞர் கலைஞர் அவர்களின் முழுவுருவ வெண்கல சிலைக்கு மாலை அணிவித்து மரியாதை செலுத்தி சிறப்பாக கொண்டாடப்பட உள்ளது.
மேலும் கன்னியாகுமரி கிழக்கு மாவட்டத்திற்குட்பட்ட மாவட்ட, மாநகர, ஒன்றிய, நகர, பகுதி, பேரூர், வட்டம் மற்றும் அனைத்து கிளை கழகங்களிலும் தலைவர் கலைஞர் அவர்களின் திருவுருவப் படத்தை வைத்து மாலை அணிவித்து மரியாதை செலுத்தி பொதுமக்கள் அனைவருக்கும் இனிப்புகள் வழங்கிட வேண்டும் எனவும், மேலும் மாவட்ட, மாநகர, ஒன்றிய, நகர, பகுதி, பேரூர், வட்ட கழகங்கள், ஊராட்சி கிளை கழகங்கள் மற்றும் கழக சார்பு அணிகளின் சார்பாகவும் ஏழை, எளிய மக்கள் பயன்பெறும் வகையில் நலத்திட்ட உதவிகள், இலவச மருத்துவ முகாம்கள், இரத்ததான முகாம்கள், ஆதரவற்றோர் மற்றும் மாற்றுத்திறனாளி தங்கும் இல்லங்களில் அறுசுவை உணவு வழங்குதல், பள்ளி குழந்தைகளுக்கு நோட்டு புத்தகங்கள், எழுது பொருட்கள் வழங்கியும், மேலும் தலைவர் கலைஞர் அவர்களின் சிறப்புகளை விளக்கும் வகையில் தெருமுனைக் கூட்டம், பொதுக்கூட்டம், பட்டிமன்றம், கலை நிகழ்ச்சி, கட்டுரை போட்டி, பேச்சு போட்டிகள் என சீரும் சிறப்போடும் எழுச்சியோடும் நடத்தி தலைவர் கலைஞர் அவர்களின் நினைவை கூறும் வகையில் கொண்டாடவேண்டும் என அன்புடன் கேட்டுக்கொள்கிறேன்.
ஆகவே மாவட்டம் முழுவதும் நடைபெறவுள்ள இந்நிகழ்ச்சிகளில் கன்னியாகுமரி கிழக்கு மாவட்டத்திற்குட்பட்ட மாநில, மாவட்ட, மாநகர, ஒன்றிய, நகர, பகுதி கழக நிர்வாகிகள், தலைமைச் செயற்குழு, பொதுக்குழு உறுப்பினர்கள், பேரூர், வட்ட, கிளை கழக செயலாளர்கள், நிர்வாகிகள், அனைத்து சார்பு அணிகளின் நிர்வாகிகள், உள்ளாட்சி அமைப்புகளின் பிரதிநிதிகள், கழக உறுப்பினர்கள், கழக முன்னோடி கள், கழக தோழர்கள் மற்றும் பொது மக்கள் என அனைவரும் பெருந்திரளாக கலந்து கொண்டு சிறப்பிக்க கேட்டுக்கொள்கிறேன்.
இவ்வாறு அவர் அறிக்கையில் கேட்டுக் கொண்டுள்ளார்.