சென்னை, ஜூன் 1–

பரந்­தூர் விமான நிலை­யத்­திற்­கான பணி­கள் நிறுத்­தப்­பட்­டுள்­ள­தாக தக­வல் வெளி­யா­கி­யுள்­ளது. - இது தமிழ்­நாட்­டின் வளர்ச்­சிக்கு நன்மை பயப்­ப­தல்ல! பெரும் விரி­வான வளர்ச்­சி­யைத் தர­வல்ல விமான நிலை­யப் பணியை நிறுத்­தி­விட்டு கைய­கப்­ப­டுத்­தப்­பட்ட நிலத்­தில் சிப்­காட் கொண்டு வரு­வது ஏற்­கத்­தக்­க­தல்ல. பரந்­தூர் விமான நிலை­யப் பணி­கள் முடக்­கப்­ப­டக் கூடாது. பழைய அதி­முக ஆட்­சி­யா­ளர்­க­ளின் செயல்­பா­டு­க­ளால் முன்பு ஏற்­பட்ட நட்­டம், புதிய ஆட்­சி­யா­ளர்­க­ளா­லும் தொட­ரப் படக் கூடாது என்று திரா­வி­டர் கழ­கத் தலை­வர் ஆசி­ரி­யர் கி.வீர­மணி அவர்­கள் அறிக்கை விடுத்­துள்­ளார்.

அவ­ரது அறிக்கை வரு­மாறு:

சென்னை விமான நிலை­யத்­தின் விரி­வாக்­கப் பணி­க­ளுள் முக்­கி­ய­மான பரந்­தூர் விமான நிலை­யப் பணி­கள் திடீ­ரென நிறுத்­தப்­பட்­டுள் ளதா­கச் செய்­தி­கள் வரு­கின்­றன. பரந்­தூர் பகு­தி­யில் விமான நிலை­யத்­தின் புதிய டெர்­மி­னலை அமைக்க, கடந்த தி.மு.க. ஆட்­சி­யில் 5600 ஏக்­கர் பரப்­ப­ள­வில் விரி­வான திட்­டம் தீட்­டப்­பட்டு, அதற்­கான நிலங்­கள் கைய­கப்­ப­டுத்­தும் பணி­யும், அதை­யொட்டி அடிப்­ப­டைப் பணி­க­ளும் தொடங்­கப்­பட்டு நடந்து வந்­தன.

தமிழ்­நாட்­டின் வளர்ச்­சிக்கு

நன்மை பயப்­ப­தல்ல!

பரந்­தூர் விமான நிலை­யத் திட்­டத்­திற்கு எதி­ராக ஏக­னா­பு­ரம் உள்­ளிட்ட 13 கிராம மக்­கள் போராட்­டத்­தில் ஈடு­பட்­ட­னர். 2025 ஆம் ஆண்டு ஜன­வரி மாதம் ஜோசப் விஜய் பரந்­தூ­ருக்­குச் சென்று விவ­சா­யி­க­ளுக்கு ஆத­ர­வா­கப் பிரச்­சா­ரம் செய்­தார். நீர் நிலை­க­ளில் விமான நிலை­யம் கட்­டக்­கூ­டாது என்று விவ­சா­யி­க­ளும், இயற்கை ஆர்­வ­லர்­க­ளும் எதிர்ப்பு தெரி­வித்து வந்தநிலை­யில், தற்­போது விமானநிலை­யத்­திற்­கான பணி­கள் நிறுத்­தப்­பட்­டுள்­ள ­தாக தக­வல் வெளி­யா­கி­யுள்­ளது. இது தமிழ்­நாட்­டின் வளர்ச்­சிக்கு நன்மை பயப்­ப­தல்ல.

உல­கின் பெரும் நாடு­க­ளில் விமான நிலைய விரி­வாக்­கங்­கள், புதிய கட்­டு­மா­னங்­கள் பெரு­கிக் கொண்டே இருக்­கின்­றன. விமா­னப் போக்­கு­வ­ரத்­தின் வேகம் பெரு­கி­ய­படி இருக்­கும் சூழ­லில், அதற்கு ஈடு­கொ­டுக்க, வளர்ந்த நாடு­கள் மேலும்மேலும் போட்டி போடு­கின்­றன.

சென்னை மட்­டும்

பின் தங்கி இருக்­க­லா­குமா?

இந்­தி­யா­வின் முதன்­மை­யான டில்லி இந்­திரா காந்தி பன்­னாட்டு விமான நிலை­யம் 77.8 மில்­லி­யன் பய­ணி­க­ளைக் கையா­ளு­கி­றது. மும்பைசத்­ர­பதி சிவாஜி மகா­ராஜ் பன்­னாட்டு விமான நிலை­யம் 54.8 மில்­லி­யன் பய­ணி­க­ளை­யும், பெங்­க­ளூரு கெம்­பே­க­வுடா பன்­னாட்டு விமான நிலை­யம் 40 மில்­லி­யன் பய­ணி­க­ளை­யும், அய்­த­ரா­பாத் ராஜீவ் காந்தி பன்­னாட்டு விமான நிலை­யம் 29 மில்­லி­யன் பய­ணி­க­ளை­யும் கையா­ளு­கின்­றன, ஆனால், சென்னைபன்­னாட்டு விமான நிலை­யம் 22 மில்­லி­யன் பய­ணி­களை மட்­டும் தான் கையா­ளு­கி­றது.

இந்­தி­யா­வின் நான்கு பெரு­ந­க­ரங்­க­ளில் நாம் தான் கடைசி! கொல்­கத்­தா­வும் இதே 22 மில்­லி­யன் பய­ணி­க­ளைத் தான் கையா­ளு­கி­றது. ஆனால் கொல்­கத்­தா ­வின் நேதாஜி சுபாஷ் சந்­தி­ர­போஸ் பன்­னாட்டு விமான நிலை­யத்­தில் 45 லட்­சம் பேருக்­கா­ன­தா­கத் தரம் உயர்த்­தப்­ப­டும் வேலை நடக்­கி­றது. இந் நிலை­யில் சென்னை மட்­டும் பின் தங்கி இருக்­க­லா­குமா?

முக்­கி­யத்­து­வம் வாய்ந்த திட்­டத்தை

கைவி­டு­தல் கூடாது!

விமான நிலை­யங்­க­ளின் உரு­வாக்­கம், விரி­வாக்­கம் என்­பவை வெறும் பய­ணி­கள் தொடர்­பு­டை­யது மட்­டு­மல்ல; பொரு­ளா­தா­ரப் பெருக்­கத்­தின் வாய்ப்பு. புதிய கட்­ட­மைப்­புப் பெருக்­கத்­திற்­குத் தூண்­டு­கோல். பல பெரும் நிறு­வ­னங்­கள் முத­லீடு செய்­வ­தற்­கான அடிப்­படை ஈர்ப்பு. அதன்­மூ­லம் தமிழ்­நாட்டு இளை­ஞர்­க­ளின் வேலை­வாய்ப்பு பெரு­கும். உப தொழில் வாய்ப்­பு­கள் அதி­க­மா­கும். இத்­த­கைய முக்­கி­யத்­து­வம் வாய்ந்த திட்­டத்தை முழு­மை­யான புரி­ த­லின்றி கைவி­டு­தல் கூடாது.

கைய­கப்­ப­டுத்­தப்­பட்ட 1700 ஏக்­கர் நிலங்­க­ளை­யும் மீண்­டும் அந்த விவ­சா­யி­ க­ளுக்கே திருப்­பித் தர இய­லாது. அதற்கு வழங்­கப்­பட்ட ஈடுத் தொகையை அவர்­க­ளி­ட­மி­ருந்து திரும்­பப் பெறு­தல் சாத்­தி­ய­மில்லை. அந்த நிலத்­தில் சிப்­காட் வர­லாம் என்று பேசப் படு­கி­றது. சிப்­காட் கொண்டு வரு­தல் தவ­றில்லை.

ஆனால், அதை­விட பெரும் விரி­வான வளர்ச்­சி­யைத் தர­வல்ல விமான நிலை­யப் பணியை நிறுத்­தி­விட்டு சிப்­காட் கொண்டு வரு­வது வர­வேற்­கத்­தக்­க­தல்ல!

பொரு­ளா­தார வளர்ச்­சிக்­கான சில முன்­னெ­டுப்­பு ­களை மேற்­கொள்­ளும்­போது நிலங்­க­ளைக் கைய­கப்­ப­டுத்­தா­மல் அர­சால் எந்த வளர்ச்­சித் திட்­டத் தைக் கொண்டு வர முடி­யும்? அதைப் புரிந்­து­தானே அர­சி­ய­ல­மைப்­புச் சட்­டத்­தில் அதற்­கான பிரி­வில் அர­சுக்கு உரிமை கொடுக்­கப்­பட்­டுள்­ளது.

ஆட்சி யார் கையில் இருந்­தா­லும், அர­சாங்­கம் என்­பது தொடர்ந்து இயங்கி வரு­வது. பல திட்­டங்­களை முடக்­கி­ய­தால், நட்­டம் முந்­தைய ஆட்­சிக்கு அல்ல;

தமிழ்­நாட்­டுக்­குத் தான்!

முந்­தைய அரசு கொண்­டு­வந்து செயல்­ப­டுத்­தத் தொடங்­கிய திட்­டத்தை இப்­படி நிறுத்­து­வது அறி­வு­டை­மை­யா­காது.

கடந்த 2006-–2011 ஆட்­சிக் காலத்­தி­லும், அதற்கு முன்­பும் தி.மு.க. ஆட்சி கொண்டு வந்த பல திட்­டங்­கள் அடுத்த ஆட்­சி­யா­ளர்­க­ளால் பாதி­யில் நிறுத்­தப்­ பட்­டன.

பின்­னர் கடும் சட்­டப் போராட்­டங்­க­ளுக்­குப் பின், மெட்ரோ, மது­ர­வா­யல் - துறை­மு­கம் பறக்­கும் சாலை உள்­ளிட்ட சில திட்­டங்­கள் மீட்­கப்­பட்­டன.

பல திட்­டங்­களை முடக்­கி­ய­தால், நட்­டம் முந்­தைய ஆட்­சிக்கு அல்ல; தமிழ்­நாட்­டுக்­குத் தான். பல ஆண்­டு­கள் வளர்ச்­சி­கள் தேங்­கிப் போயின. அப்­படி, பரந்­தூர் விமான நிலை­ய­மும் அமைந்­து­வி­டக் கூடாது. பழைய அதி­முக ஆட்­சி­யா­ளர்­க­ளின் செயல்­பா­டு­க­ளால் முன்பு ஏற்­பட்ட நட்­டம், புதிய ஆட்­சி­யா­ளர்­க­ளா­லும் தொட­ரப்படக் கூடாது. வளர்ச்­சி­யுற்ற தமிழ்­நாட்டை வாக்கு வங்­கிக் கண்­ணோட்­டம் அழித்­து­வி­டக் கூடாது.

இவ்­வாறு அறிக்­கை­யில் கூறப்­பட்­டுள்­ளது.