திரிணாமுல் காங்கிரஸ்எம்.பி. மீது தாக்குதல்!
கொல்கத்தா, ஜூன் 2–
மேற்குவங்கத்தில், திரிணாமுல் காங்கிரஸ் நாடாளுமன்ற உறுப்பினர் கல்யாண் பானர்ஜி மீது பா.ஜ.க.வினர் தாக்குதல்
நடத்திய சம்பவம் பதற்றத்தை
ஏற்படுத்தி உள்ளது.
மேற்குவங்க மாநிலம் ஹூக்ளியில் பா.ஜ.க.வின் அத்துமீறல்களை கண்டித்து திரிணாமுல் காங்கிரஸ் கட்சியினர் தொடர் போராட்டங்களில் ஈடுபட்டு வருகின்றனர். மேற்குவங்கத்தில் கொலையாளிகள் ஆட்சி நடைபெற்று வருவதாக முன்னாள் முதல்வர் மம்தா பானர்ஜி விமர்சித்து வருகிறார்.
இந்நிலையில், ஹூக்ளி மாவட்டத்தில், போராட்டத்தின் போது கைது செய்யப்பட்டவர்களை விடுவிக்கக் கோரி திரிணாமுல் காங்கிரஸ் நாடாளுமன்ற உறுப்பினர் கல்யாண் பானர்ஜி காவல் நிலையத்திற்கு வந்தார். திரிணாமுல் காங்கிரஸ் தொண்டர்களும் அங்கு திரண்டனர். இதற்கு போட்டியாக பா.ஜ.க.வினர் அங்கு திரண்டு முழக்கங்களை எழுப்பினர்.
அப்போது கல்யாண் பானர்ஜி மீது பா.ஜ.க.வினர் சரமாரியான தாக்குதல் நடத்தினர். இந்த தாக்குதலில் கல்யாண் பானர்ஜி சாலையில் சுருண்டு விழுந்தார். இதனால், அங்கு பதற்றமான சூழல் நிலவியது.
சென்னை, ஜூன் 2–
காவிரி ஆற்றின் குறுக்கே மேகதாதுவில் அணை கட்ட கர்நாடக அரசு தீவிர முயற்சி மேற்கொண்டு வருவதை தடுத்து நிறுத்த வலியுறுத்தி மேகதாதுப் பகுதியில் தமிழ்நாடு டெல்டா விவசாயிகள் நேற்று முன்தினம் முற்றுகை போராட்டம் நடத்தினார்கள். காவிரி ஆற்றின் குறுக்கே மேகதாது என்ற இடத்தில் புதிய அணைகட்ட கர்நாடக அரசு தீவிர முயற்சிகளை மேற்கொண்டு வருகிறது. இதற்கு தமிழ்நாடு அரசு, விவசாயிகள் மற்றும் அரசியல் கட்சியினர் என அனைத்து தரப்பிலும் கடுமையான எதிர்ப்புகள் கிளம்பியுள்ளன.
இந்த நிலையில், இந்தத் திட்டத்திற்குத் தடை கோரி தமிழ்நாடு அரசு சார்பில் தேசிய பசுமை தீர்ப்பாயத்தில் புதிய வழக்கு தொடரப்பட்டுள்ளது.
சுற்றுச்சூழல் விதிகளை மீறும் மேகதாது அணை திட்டத்துக்கு சூழல் அனுமதியை தர ஒன்றிய சுற்றுச்சூழல் அமைச்சகத்துக்கு தடை விதிக்க வேண்டும் என அந்த மனுவில் கூறப்பட்டு உள்ளது.
மேகதாது அணைதிட்டத்திற்கு எதிராகத் தமிழ்நாடு அரசு தொடர்ந்த சீராய்வு மனுவை உச்சநீதிமன்றம் சமீபத்தில் தள்ளுபடி செய்தது. கர்நாடகாவின் விரிவான திட்ட அறிக்கை இன்னும் பரிசீலனை அளவிலேயே இருப்பதால், இப்போதே தடை கோருவது முன்கூட்டிய நட வடிக்கை என உச்சநீதிமன்றம் குறிப்பிட்டிருந்தது.
இதற்கிடையே மேகதாது பகுதியில் அணை கட்டும் கர்நாடக அரசின் செயலைக் கண்டித்து, முற்றுகைப் போராட்டம் நடத்தப்போவதாக தமிழ்நாடு காவிரி டெல்டா விவசாயிகள் அறிவித்திருந்தனர்.
இந்தப் போராட்டத்தை கர்நாடக அரசு அணை கட்ட முயற்சிக்கும் மேகதாது பகுதியில் நடத்த முடிவு செய்திருந்தனர். அதைத் தொடர்ந்து கலந்து கொள்வதற்காக தஞ்சாவூரிலிருந்து நேற்று முன்தினம் காவிரி விவசாயிகள் சங்கத்தினர் 25–க்கும் மேற்பட்டவாகனங்களில் பேரணியாக புறப்பட்டனர்.
இவர்களது பேரணி திருச்சி, நாமக்கல், சேலம், தர்மபுரி, வழியாக ஓசூர் சென்றடைந்தது. அங்கிருந்து ஓசூர் மூக்கண்ட பள்ளியில் இருந்து ஜீஜீவாடி வழியாக கர்நாடகாவை நோக்கிப் பேரணியாகச் சென்று முற்றுகைப் போராட்டத்தில் ஈடுபட்டனர். போராட்டத்தில் கர்நாடக அரசுக்கு எதிராக முழக்கங்கள் எழுப்பினர்.விவசாயிகள் போராட்டத்தை அடுத்து தமிழ்நாடு - கர்நாடக எல்லைப் பகுதியில் ஏராளமான போலீசார் குவிக்கப்பட்ட னர். மேலும் தடுப்புகள் அமைத்து பாதுகாப்பு ஏற்பாடுகள் செய்யப்பட்டிருந்தன. விவசாயிகள் போராட்டம் காரணமாக அப் பகுதியில் நேற்று முன்தினம் பதற்றமும், பரபரப்பும் ஏற்பட்டது.
கடற்கரை – செங்கல்பட்டு இடையே மின்சார ரயில்
புதிய கால அட்டவணை!
சென்னை, ஜூன் 2–
சென்னை கடற்கரை - தாம்பரம் - செங்கல்பட்டு வழித்தடத்தில் மின்சார ரயில்கள் இயக்கத்தில் புதிய கால அட்டவணை நேற்று (ஜூன் 1) முதல் அமல்படுத்தப்படுகிறது.
சென்னை - தாம்பரம் - செங்கல்பட்டு வழித்தடத்தில் புதிய கால அட்டவணை ஜூன் 1ம் தேதி (இன்று) முதல் அமல்படுத்தப்பட உள்ளது. தற்போது இயக்கப்படும் 212 மின்சார ரயில்களின் சேவை அப்படியே தொடரும். ஆனால், ரயில்களின் இயக்கும் நேரத்தில் மட்டும் சிறிய மாற்றம் செய்யப்பட்டுள்ளது.
இது குறித்து, சென்னை ரயில்வே கோட்ட அதிகாரிகள் கூறியதாவது:
சென்னை - தாம்பரம், செங்கல்பட்டு, திருமால்பூர் வழித்தடத்தில், புதியகால அட்டவணைப்படி, அலுவலக நாட்களில் 212 மின்சார ரயில்களும், விடுமுறை நாட்களில் 190-க்கும்மேற்பட்ட மின்சார ரயில்களும் இயக்கப்படும். இயக்ககக் காரணம் மற்றும் எழும்பூர் ரயில் நிலைய மறு சீரமைப்பு பணி ஆகியவை காரணமாக, இந்த புதிய கால அட்டவணை அமல்படுத்தப்பட உள்ளது.
மேலும், பயணிகளின் கோரிக்கைகளுக்கு ஏற்ப, நெரிசல் மிகுந்த நேரங்களில் (பீக் அவர்ஸ்) இடைவெளி நேரம் குறைக்கப்பட்டுள்ளது. மற்ற நேரங்களில் 15 நிமிட இடைவெளியில் இயக்கும் வகையில் நேரம் மாற்றம் செய்யப்பட்டுள்ளது.
இவ்வாறு அவர்கள் கூறினர்.