திருப்பூர், ஜூன் 2 –
திருப்பூர் கிழக்குமாவட்ட தி.மு.கழக செயற் குழுக் கூட்டம் 30.05.2026 சனிக்கிழமை அன்று காலை 10.30 மணியளவில் திருப்பூர், தாராபுரம் சாலையில் அமைந்துள்ள மாவட்ட கழக அலுவலகமான “கலைஞர் அறிவாலயம்”, “தளபதி அரங்கில்” மாவட்ட கழகச் செயலாளர் திருப்பூர் மாநகராட்சி 4-ம் மண்டலத் தலைவர் இல.பத்மநாபன் தலைமையில் நடைபெற்றது. இக்கூட்டத்தில் கழக துணைப் பொதுசெயலாளர், முன்னாள் அமைச்சர் மு.பெ. சாமிநாதன் கலந்து கொண்டு கருத்துரையாற்றினார். இதில் மாநில, மாவட்டக் கழக நிர்வாகி கள், தலைமை செயற்குழு, பொதுக்குழு உறுப்பினர்கள், ஒன்றிய, நகர, பேரூர் கழக செயலாளர்கள், பொறுப்பாளர்கள், கழக சார்பு அணிகளின் அமைப்பாளர்கள் பலர் கலந்து கொண்டனர்.
கூட்டத்தில் கீழ்க்கண்ட தீர்மானங்கள் நிறை வேற்றப்பட்டன :-
கழகத் தலைவர் அவர்களின் ஆணைக்கிணங்க ஜீன் 3ல் நம்மில் மறைந்து மறையாமல் வாழ்ந்து கொண்டிருக்கும் முத்தமிழறிஞர் கலைஞர் அவர்களின்
பிறந்த நாளை செம்மொழி நாளாக கொண்டாடுவதனவும், அன்றைய நாளில் பொது மக்களுக்கு உபயோகபடும் நல் காரியங்களில் ஈடுபடவும், கழக இருவண்ண
கொடியேற்றி இனிப்பு வழங்கியும் திருப்பூர் கிழக்கு மாவட்ட தி.மு. கழகத்திற்குப்பட்ட ஒன்றிய, நகர, பேரூர், வார்டு கிளை கழக நிர்வாகிகள் சிறப்பாக கொண்டாடுவதன இச்செயற்குழு கூட்டத்தின் வாயிலாக ஏகமனதாக தீர்மா னிக்கப்படுகிறது.
தமிழகத்தில் புதிதாக பொறுப்பேற்று ஆட்சி நடத்தி வரும் அரசு சட்ட ஒழுங்கை சீர்செய்யாமல் கை கட்டி வேடிக்கை பார்த்தும், பாராமலும் இரும்பதோடு - தேர்தல் பரப்புரையில் வீர வசனம் பேசியவர்கள் வாயடைத்து கொண்டும், ஆட்சியை காப்பாற்ற சில கட்சியின் சட்டமன்ற உறுப்பி னர்களை குதிரை பேரம் குதிரை வேகத்தில் ஜனநாயகத்திற்கு எதிராக குழிதோண்டி புதைக்கும் நோக்கில் இப்புதிய அரசு மேற் கொண்டு வருவதை வன்னமயா கண்டிக்கிறது, இச்செயலை தமிழகம் ஒரு போதும் ஏற்காது, மேலும் வன்மையாக கண்டிப்பதோடு சட்ட ஒழுங்கை சரி செய்ய வேண்டி இக் கூட்டத்தின் வாயிலாக கேட்டுக் கொள்ளப்படுகிறது.
நடத்து முடிந்த சட்டமன்றத் தேர்தலில் தாராபுரம், காங்கேயம் தொகுதிகளில் கடுமையாக பணியாற் றிய நாம் தோல்வி அடைந்து விட்டோம், மக்களின் தீர்ப்பை ஏற்றுக் கொண்டு கழகப் பணியை தொய்வில்லாமலும், துவண்டு விடாமலும் தொடர்ந்து பணியாற்றி மீண்டும் வெல் வோம், கழகத் தலைவரின் கரங்களை வலுப்படுத்துவோம் என்றும் இக்கூட்டத்தின் வாயிலாக தீர்மா னிக்கப்படு கிறது.
நடந்து முடிந்த சட்டமன்றத் தேர்தலில் சென்னை கொளத்தூர் தொகுதியில் போட்டியிட்டு தோல்வியை தழுவிய கழகத் தலைவர் தமிழகத்திற்கு எண்ணற்ற திட்டங்களை வழங்கியும் இந்நிகழ்வு நடந்துள்ளது மனதை வெகுவாக ஒவ்வொரு தி.மு.க. தொண்டனையும் பாதித்துள்ளது என்பதை நாம் காண்கின்றோம், இதனை திருப்பூர் கிழக்கு மாவட்ட தி.மு.க. செயற்குழு வருத்தத்தை பதிவு செய்வதோடு தி.மு.க. வெற்றி தோல்வியில் துவண்டு விடாமல் மீண்டும் மக்கள் பணி செய்வதெனவும், கழகத் தலைவருக்கு என்றும் உறுதுணையாக செயல்படுவோம் என கூட்டத்தின் வாயிலாக தீர்மானிக்கப்படுகிறது.
தமிழக சட்டமன்ற எதிர்க்கட்சித் தலைவராக கழக இளைஞர் அணி செயலாளர் உதயநிதி ஸ்டாலின் அவர்கள் திறம்பட மக்கள் நலன் காத்திட சட்டமன்றத்தின் குரலாக செயல்படுவதற்கு இக்கூட்டத்தின் வாயிலாக பாராட்டுக்களையும் நன்றிகளையும் தெரியப்படுத்திக் கொள்கிறோம்,
தமிழகத்தில் புதிதாக பொறுப்பேற்றுள்ள அரசு தேர்தல் வாக்குறுதியில் இலவச மின்சாரம் 200 யூனிட் வீடுகளுக்கும் இலவசம் என்று கூறிவிட்டு பொது மக்களை ஏமாற்றி வாக்கு வாங்கிவிட்டு தற்பொழுது 500 யூனிட் மின்சாரம் உபயோகிப்பவர்களுக்கு மட்டும் பொருந்தும் என்று கூறுகின்றனர், இதை இக்கூட்டத்தின் வாயிலாக வன்மையாக கண்டிப்பதோடு அனைத்து பொது மக்களுக்கும் 200 யூனிட் மின்சாரம் வழங்க வேண்டும் என்று கூட்டத்தின் வாயிலாக கேட்டுக் கொள்ளப்படுகிறது.
தமிழகத்தில் புதிதாக பொறுப்பேற்றுள்ள அரசு தேர்தல் பரப்புரையில் விவசாய பயிர்க் கடன் முழுவதும் தள்ளுபடி என வீர வசனம் பேசிவிட்டு தற்பொ ழுது குறிப்பிட்ட அளவு முறையில் கடன் தள்ளுபடி என அறிவித்ததோடு நபார்டு வங்கியின் சட்ட திட்டங்கள் கூட தெரியாமல் அரை குறையாக அறிவிப்பு வெளியிடப்பட்டுள்ளதை திருப்பூர் கிழக்கு மாவட்ட செயற்குழு வன்மையாக கண்டிக்கிறது, உடனடியாக அனைத்து விவசாயிகளுக்கும் விவசாய பயிர்க் கடன் தள்ளுபடி செய்ய வேண்டுமென இக்கூட்டத்தின் வாயிலாக கேட்டுக் கொள்ளப்படுகிறது.
இவ்வாறு தீர்மானங்கள் நிறைவேற்றப்பட்டன.