சேலம், ஜூன் 2 –
சேலம் கிழக்கு மாவட் டக் கழகச் செயலாளர் எஸ்.ஆர்.சிவலிங்கம்
எம்.பி. விடுத்துள்ள அறிக்கை வருமாறு:
சேலம் கிழக்கு மாவட்ட திராவிட முன்னேற்றக் கழக பொது உறுப்பினர்கள் கூட்ட தீர்மா னத்தின் படி, “கலைஞர்” தமிழகம் கண்ட நான்கெழுத்து மந்திரம்! தமிழ் மக்களின் உயிர்த்துடிப்பு! இந்தியா கண்ட அரசியல் அதிசயம்! “உடன் பிறப்பு” என்ற ஒற்றை சொல்லால் சாதி, இனம், மதம், மொழி என்ற பேதங்களை ஒழித்த நல்லுறவு! பேச்சால், எழுத்தால், உரையாடல் வீச்சால் உள்ளங்கவர்ந்த அறிவாற்றல்! தன்னலமற்றதலைமைப் பண்பு! 5 முறை ஆட்சிப் பொறுப்பில் இருந்த போதெல்லாம் தீட்டிய பல்வேறு திட்டங்களில் வாழுகின்ற பெருமை! மனிதநேயம் காத்திட்ட மகத்தான பண்பு! தூய்மையும் வாய்மையும் நிரம்பிய நெஞ்சுரம்!
“வாருங்கள் எல்லோரும் மொழிப் போருக்கு சென்றிடுவோம் - வந்திருக்கும் இந்திப் பேயை விரட்டிய டிப்போம்” என்று அரைக்கூவல் விடுத்த மொழி உணர்வு! தலைவன் இட்ட கட்டளையை நிறைவேற்ற தண்டவாளத்தில் தலைவைக்கத் தயங்காத வீரம்! எண்பது ஆண்டு பொதுவாழ்வின் சாதனைகளால் மறைந்த பின்னரும் வாழுகின்ற மகத்துவம்!
இப்படி உலக அளவில் பெயர் பெற்ற தலைவர் முத்தமிழறிஞர் கலைஞர் அவர்களின் 103 வது பிறந்தநாள் விழா வருகின்ற
03-.06.-2026 அன்று கொண்டாடப்படவுள்ளது.
அதன்படி வாழப்பாடியில் உள்ள சேலம் கிழக்கு மாவட்ட கழக அலுவலகம் தளபதி.மு.க.ஸ்டாலின் அறிவாலயத்தில் உள்ள தலைவர் கலைஞர் அவர்களின் திருவுருவச் சிலைக்கு காலை 08.30 மணிக்கு மாலை அணிவித்து மரியாதை செலுத்த உள்ளது. அதனை தொடர்ந்து சேலம் கிழக்கு மாவட்டத்திற்குட்பட்ட அனைத்து நகர, ஒன்றிய, பேரூர், ஊராட்சி, வார்டு, கிளை என அனைத்து இடங்களிலும் முத்தமிழறி ஞர் தலைவர் கலைஞர் அவர்களின் பிறந்தநாள் விழா கோலகலமாக கொண்டாடப்பட வேண்டும்.
கொடியேற்றுதல், தோரணங்கள் அமைத்தல், ஏழை எளியவருக்கு நலத்திட்ட உதவிகள் வழங்குதல், அன்னதானம், இனிப்புகள் வழங்குதல் உள்ளிட்ட பல்வேறு பணிகளை மேற்கொள்ள வேண்டும். இதற்கான சிறப்பு ஏற்பாடுகளை ஒன்றிய, நகர, பேரூர் கழக நிர்வாகிகள் மாவட்ட கழகத்தின் ஆலோசனையுடன் சிறப்பாக செய்திட வேண்டும் என கேட்டுக் கொள்கிறேன்.
இவ்வாறு மாவட்டக் கழகச் செயலாளர் எஸ்.ஆர்.சிவலிங்கம் எம்.பி. கேட்டுக் கொண்டுள்ளார்.