#Title நிர்வாகத் திறமையின்மையா? அல்லது ஏமாற்று வேலையா? பயிர்க்கடன்: விவசாயிகளுக்கு இழைக்கப்படும் பச்சைத் துரோகம்! முன்னாள் நிதியமைச்சர் தங்கம் தென்னரசு கண்டனம்!

சென்னை, ஜூன் 2 –

‘’தேர்­தல் வாக்­கு­றுதி கொடுக்­கும்­போது வராத ‘ரிசர்வ் வங்கி விதி­மு­றை­கள் இப்­போது மட்­டும் வரு­கி­றதா? இது நிர்­வா­கத் திற­மை­யின்­மையா? அல்­லது திட்­ட­மிட்டு விவ­சா­யி­களை ஏமாற்­றும் வேலையா?’ என்று முன்­னாள் நிதி­ய­மைச்­சர் தங்­கம் தென்­ன­ரசு அவர்­கள் த.வெ.க. அர­சுக்­குக் கண்­ட­னம் தெரி­வித்­துள்­ளார்.

இது­கு­றித்து அவர் தமது சமூக வலை­த­ளத்­தில் பதி­விட்­­டிருப்­ப­தா­வது :–

“தேனைத் தட­வித் தேர்­தல் வாக்­கு­றுதி கொடுக்­கும்­போது வராத ‘ரிசர்வ் வங்கி விதி­மு­றை­கள்’, மக்­களை ஏமாற்றி ஆட்­சிப் பொறுப்­பில் உட்­கார்ந்து கொடுத்த வாக்­கு­று­தி­களை நிறை­வேற்ற வேண்­டும் என்ற நிலை வரும்­போது மட்­டும் எங்கே இருந்து திடு­மெ­னக் குதித்து வரு­கின்­றன? இது நிர்­வா­கத் திற­மை­யின்­மையா? இல்லை திட்­ட­மிட்ட ஏமாற்று வேலையா?

இந்­திய ரிசர்வ் வங்­கி­யின் வழி­காட்­டு­தல் நடை­மு­றை­க­ளின்­ப­டி­தான் “கூட்­டு­றவு வங்­கி­க­ளில் விவ­சா­யி­கள் பெற்ற பயிர்க்­க­டன் தள்­ளு­படி செய்­யப்­பட்­டுள்­ளது” என்று தமிழ்­நாடு நிதி­ய­மைச்­சர் அண்­மை­யில் விளக்­கம் சொல்­லி­யி­ருக்­கி­றார். கடன் தள்­ளு­படி செய்­யப்­ப­டு­வ­தாக அர­சின் சார்­பில் வெளி­யி­டப்­பட்ட செய்­திக் குறிப்­பில் தெளி­வா­கக் குறிப்­பிட்­டுள்­ள­வாறு ரிசர்வ் வங்­கி­யின் வழி­காட்­டு­தல் என்­பது கடந்த ஆண்டு 28.11.2025 அன்றே வழங்­கப்­பட்­டுள்­ளது.

வாக்கு

அறு­வடை!

அந்த வழி­காட்­டு­தலை முழு­மை­யா­கத் தெரிந்­து­கொண்ட பின்­னர்­தான் 16.4.2026 அன்று த.வெ.க. வெளி­யிட்ட தேர்­தல் அறிக்­கை­யில், “ஐந்து ஏக்­க­ருக்­குள் நிலம் வைத்­துள்ள விவ­சா­யி­கள் கூட்­டு­றவு வங்­கி­க­ளில் பெற்ற பயிர்க்­க­டன் முழு­மை­யா­கத் தள்­ளு­படி செய்­யப்­ப­டும். ஐந்து ஏக்­க­ருக்கு மேல் வைத்­துள்ள விவ­சா­யி­க­ளின் பயிர்க்­க­டன் 50 விழுக்­காடு தள்­ளு­படி செய்­யப்­ப­டும்” என்று வாக்­கு­றுதி அளிக்­கப்­பட்­டது. ஆகவே, தெளி­வா­கத் தெரிந்­து­கொண்டே வாக்­கு­று­தி­யைத் தந்து, “வாக்கு அறு­வடை” முடிந்­த­தும் இப்­போது ரிசர்வ் வங்­கி­யைக் கார­ணம் காட்டி மறுப்­பது விவ­சா­யி­களை முற்­றி­லும் ஏமாற்­று­வ­தா­கும்.

பொய்­யான

வாக்­கு­று­தி!

எனவே, தேர்­த­லுக்கு முன்­னர் அளித்த வாக்­கு­று­திப்­படி, இந்த அர­சின் முதல் நிதி­நிலை அறிக்­கை­யி­லேயே விவ­சா­யி­க­ ளின் பயிர்க்­க­டனை முழு­மை­யா­கத் தள்­ளு­படி செய்­யும் அறி­விப்­பினை வெளி­யிட வேண்­டும். பொய்­யான வாக்­கு­று­தி­ களை விவ­சா­யி­க­ளுக்கு வழங்கி அவர்­க­ளுக்கு நம்­பிக்­கை­யூட்­டி­விட்டு, இப்­போது அரை­கு­றை­யாக எந்த விவ­சா­யிக்­கும் பய­ன­ளிக்­காத வகை­யில், பயிர்க்­க­டன் தள்­ளு­படி செய்­தி­ருப்­ப­தா­கச் சொல்­வது விவ­சா­யப் பெருங்­குடி மக்­க­ளுக்கு இழைக்­கப்­ப­டும் “பச்­சைத்” துரோ­க­மா­கும்!”

இவ்­வாறு முன்னாள் நிதியமைச்சர் தங்­கம் தென்­ன­ரசு அவர்­கள் தெரி­வித்­துள்­ளார்.