சென்னை, ஜூன் 2–

முத­ல­மைச்­ச­ரான பிற­கும் தேர்­தல் பிரச்­சா­ரத்­தில் பேசு­வ­து­போ­லப் பேசி வரு­கி­றார் விஜய் என்­றும் 200 யூனிட் மின்­சா­ரம், விவ­சா­யக் கடன் தள்­ளு­படி விவ­கா­ரங்­க­ளில் தமிழ்­நாட்டு மக்­களை ஏமாற்­று­கி­றது தவெக அரசு என்­றும் தமிழ்த்­தாய் வாழ்த்­தைப் பாட மோடி­யி­டம் அனு­மதி கேட்­கி­றார் விஜய் என்­றும் செய்­தி­யா­ளர்­க­ளி­டத்­தில் பேட்­டி­ய­ளிக்­கை­யில் கழக மருத்­துவ அணிச் செய­லா­ளர் டாக்­டர் எழி­லன் நாக­நா­தன் குறிப்­பிட்­டார்.

இது குறித்து சென்னை அண்ணா அறி­வா­ல­யத்­தில் நேற்று (01.06.2026) மருத்­து­வர் எழி­லன் நாக­நா­தன் செய்­தி­யா­ளர்­க­ளைச் சந்­தித்து கூறி­ய­தா­வது:

டெல்­லி­யில் செய்­தி­யா­ளர்­க­ளைச் சந்­திக்­கா­மல் அவ­சர அவ­ச­ர­மா­கக் காரில் ஏறிப் போன முத­ல­மைச்­சர் விஜய்,இன்று திருச்­சி­யில் பொது­மக்­க­ளுக்­குப் பதி­லா­கக் “கேப்­டிவ் ஆடி­யன்ஸ்” (Captive Audience) எனப்­ப­டும் தேர்ந்­தெ­டுக்­கப்­பட்ட கூட்­டத்தை வைத்து நிகழ்ச்சிநடத்­தி­யுள்­ளார். முன்­னாள் முத­ல­மைச்­சர்­கள் டெல்லி சென்று பிர­த­ம­ரைச் சந்­தித்­த­பி­றகு ஊட­க­வி­ய­லா­ளர்­க­ளைச் சந்­திப்­பது வழக்­கம். ஆனால், முத­ல­மைச்­சர் விஜய் ஊட­கங்­க­ளின் கேள்­வி­க­ளுக்­குப் பதி­ல­ளிக்­கா­மல் காரில் ஏறித் தப்­பிச் செல்­வ­தையே வழக்­க­மா­கக் கொண்­டுள்­ளார்.

அறி­ஞர் அண்ணா கூறி­ய­தைப்­ போல, “எதிர்க்­கட்­சி­யாக இருக்­கும்­போது கிண்­ணத்தை எப்­படி வேண்­டு­மா­னா­லும் சுழற்­ற­லாம்; ஆனால் ஆளுங்­கட்­சி­யாக இருக்­கும்­போது ஆட்சி என்­பது நெய்க்­க­ரண்­டி­யைப் போன்­றது, அத­னைச் சிந்­தா­மல் கையாள வேண்­டும்”. முத­ல­மைச்­சர் விஜய் இன்­னும் தேர்­தல் பிரச்­சார மன­நி­லை­யி­லேயே பேசு­வதை நிறுத்­தி­விட்டு, தமிழ்­நாட்­டிற்­கான தெளி­வான “விஷன் ஸ்டேட்­மென்ட்” (Vision Statement) வழங்க வேண்­டும் என எழிலன் நாகநாதன் கூறினார்.

விவ­சா­யக்­க­டன் – ஏமாற்றும் விஜய்!

மேலும் தேர்­தல் அறிக்­கை­யில் அறி­வித்­த­படி மாதந்­தோ­றும் மின்­கட்­ட­ணம் மற்­றும் 200 யூனிட் இல­வச மின்­சா­ரம் வழங்­கா­மல், இன்­னும் இரு மாதங்­க­ளுக்கு ஒரு­மு­றைக் கட்­ட­ணம் வசூ­லிப்­ப­தை­யும், அதில் பல்­வேறு நிபந்­த­னை­கள் விதிப்­ப­தை­யும் எழி­லன் சுட்­டிக்­காட்­டி­னார். விவ­சா­யக் கடன்­க­ளைத் தள்­ளு­படி செய்­வ­தில் மக்­களை ஏமாற்­றா­மல், 2006-ல் கலை­ஞர் அவர்­கள் நிபந்­த­னை­யின்றி 7,000 கோடி ரூபா­யைத் தள்­ளு­படி செய்த அர­சா­ணை­யைப் படித்­துப் பார்க்­கு­மாறு முத­ல­மைச்­ச­ருக்கு அறி­வு­றுத்­தி­னார்.

மக­ளிர் உரி­மைத்­தொகை, காலை உண­வுத்­திட்­டம், மக்­க­ளைத் தேடி மருத்­து­வம் போன்ற திரா­விட மாடல் ஆட்­சி­யின் சாத­னை­க­ளைத் தாம் தொடர்­வ­தா­கக் கூறி­வ­ரும் முத­ல­மைச்­சர், புதி­ய­தா­கத் தமிழ்­நாட்­டிற்கு என்ன செய்­யப்­போ­கி­றார் என்­றும் கேள்வி எழுப்­பி­னார். 100 யூனிட் இல­வச மின்­சா­ரத்­தின் தொடக்­கம் 1989-ல் கலை­ஞர் வழங்­கிய இல­வச மின்­சா­ரத்­தில்­தான் உள்­ளது என்­ப­தை­யும் அவர் நினை­வூட்­டி­னார்.

மாநில உரி­மை­களை விட்­டுக் கொடுக்­கும் விஜய்!

தமிழ்­நாட்­டில் தற்­போது அதி­க­ரித்­து­வ­ரும் பாலி­யல் வன்­கொ­டு­மை­கள் மற்­றும் ஆண­வப்­ப­டு­கொ­லை­கள் குறித்­துக் கேள்வி எழுப்­பிய எழி­லன், முன்பு திமு­கவை நோக்கி விஜய் எழுப்­பிய கேள்­வி­கள் இப்­போது அவ­ரி­டமே “பூம­ராங்” ஆகத் திரும்­பி­வ­ரு­வ­தா­கக் குறிப்­பிட்­டார். மேலும், தமிழ்த்­தாய் வாழ்த்­தை­விட “வந்தேமாத­ரம்” பாட­லுக்கு முக்­கி­யத்­து­வம் அளிப்­ப­தன்­மூ­லம் மாநில உரி­மை­களை முத­ல­மைச்­சர் விட்­டுக்­கொ­டுக்­கி­றாரா? என்­றும், மேக­தாது மற்­றும் மும்­மொ­ழிக்­கொள்கை குறித்து அவர் ஏன் மௌனம் காக்­கி­றார் என்­றும் கேள்வி எழுப்­பி­னார்.

முத­ல­மைச்­சர் விஜய் தமது அமைச்­சர்­களைஊட­கங்­க­ளின் கேள்­வி­க­ளுக்­குப் பதி­ல­ளிக்க அறி­வு­றுத்த வேண்­டும் என்­றும், வெறும் ரசி­கர்­மன்­றத் தலை­வ­ரா­கச் செயல்­ப­டா­மல் பொறுப்­புள்ள முத­ல­மைச்­ச­ரா­கச் செயல்­பட வேண்­டும் என­வும் அவர் அறி­வு­றுத்­தி­னார்.