தஞ்சை, ஜூன் 2–

மயிலாடுதுறை மாவட்டத்தில் குறுவை சாகுபடிப் பணிகளைத் தீவிரமாகத் தொடங்கியுள்ள டெல்டா விவசாயிகள் குறுவை பாசனத்திற்குப் போதிய தண்ணீர் கிடைக்குமா என்ற பெரும் கவலையில் ஆழ்ந்துள்ள டெல்டா விவசாயிகள் மேட்டூர் அணையில் ஜூன் 12-ஆம் தேதி தண்ணீர் திறப்பது குறித்து த.வெ.க. அரசு இதுவரை எடுத்துள்ள நடவடிக்கைகள் என்ன? - என விவசாயிகள் கேள்வி எழுப்பியுள்ளனர்.

கடந்த திமுக ஆட்சியில் விவசாயிகளின் நலன் கருதி ஜூன் 12-ஆம் தேதி பாசனத்திற்காக ஆற்றில் தண்ணீர் திறக்கப்பட்டது

இதுகுறித்து மயிலாடு துறை சேர்ந்த விவசாயி ஒருவர் பேசுகையில், தங்களது வயல்களைச் சீரமைத்து, நாற்று நட்டு சுமார் 15 முதல் 18 நாட்கள் ஆகிவிட்டதாகத் தெரிவித்தார். கடந்த திமுக ஆட்சியில் விவசாயிகளின் நலன் கருதி ஜூன் 12-ஆம் தேதி பாசனத்திற்காக ஆற்றில் தண்ணீர் திறக்கப்படும் . ஆனால் தற்போதும் அதே தேதியில் தண்ணீர் திறக்கப்படும் எனப் பெரிதும் எதிர்பார்த்துக் காத்திருப்பதாகக் கூறினார்.

டெல்டா மாவட்டங் களைப் பொறுத்தவரை, விவசாயம் முற்றிலும் ஆற்றுப் பாசனத்தை நம்பி உள்ளது என்றும், நிலத்தடி நீர் (போர் வெல்) பாசனம் எதிர்பார்த்த அளவுக்குப் பலன் தராது என்றும் அவர் சுட்டிக்காட்டினார். ஆற்றுத் தண்ணீர் சரியான நேரத்தில் கிடைத்தால் மட்டுமே பயிர்கள் செழித்து வளர்வ தோடு, விவசாயிகளுக்குப் போட்ட முதலீட்டிற்கு ஏத்த லாபமும் கிடைக்கும் என அவர் தெரிவித்தார்.

இருப்பினும், ஜூன் 12-ஆம் தேதிதண்ணீர் திறப்பது குறித்து அரசு இதுவரை என்னென்ன நடவடிக்கை கள் எடுத்துள்ளது என்பது பற்றிய முறையான தகவல்கள் எதுவும் தங்களுக்குத் தெரியவில்லைஎன்றும், திட்டமிட்டபடி தண்ணீர் திறக்கப்படுமா என்பதில் சந்தேகம் எழுந்துள்ளதாகவும் அவர் கவலை தெரிவித்தார்.

மேலும், விவசாயிகளின் கோரிக்கைகளில் அரசு போதிய கவனம் செலுத்துவதில்லை என்றும், சிறு விவசாயி களுக்கான கடன் தள்ளுபடி உள்ளிட்ட அறிவிப்புகள் வெறும் பேச்சளவிலேயே நின்றுவிட்டதாகவும், தங்களுக்கு இதனால் எந்தப் பயனும் கிடைக்கவில்லை என்றும் அவர் வேதனை தெரிவித்தார்.

அரசாங்கத்திடமிருந்து தங்களுக்கு ஆதரவான எந்தவொரு உறுதியான சிக்னலும் கிடைக்காததால், நடப்பாண்டு குறுவை சாகுபடியின்எதிர்காலம் என்னவாகுமோ என்ற அச்சத்தில் டெல்டா விவசாயிகள் தவித்து வருகின்றனர்.