உடன்பிறப்பின் உள்ளத்தில்

குடியிருக்கும் தலைவா..

அறிவே ஆலயம்,

மக்கள் பணியே வேதம்,

என்றே வாழ்ந்து

எம்மை வழி நடத்தும் தலைவா...

உளியின் அடியால்

புண்பட்ட அங்கம்,

கலையின் வடிவில்

சிலையாவது போல்,

எதிர்ப்பின் தணலில்

பண்பட்ட தங்கம்,

எம் தலைவன் வழியில்

நடைபோடும் கழகம்,

வாக்கு அரசியல்

நம்மை தோற்கடித்தாலும்,

ஒன்றிய அரசு

நம்மை புறக்கணித்தாலும்,

மக்கள் நலப்பணி

செய்திட விழையும்

முயற்சி உழைப்பு

இதுவே உம் வெற்றி ....

பெற்ற தமிழ் மண்ணை,

தமிழக மக்களை

வெற்றிப் படிகளில்

ஏற்றிடும் ஏணியாய்,

சாதனை திட்டங்கள்

பற்பல தந்து

சரித்திரம் படைத்ததே

உமது வெற்றி,

வெவ்வேறு மதத்தில்

பிறந்திருந்தாலும்,

பேசும் மொழியால்

பிரிந்திருந்தாலும்,

மனிதம் ஒன்றே

தலையாய்க்கொண்டு

மனதால் இணைத்த

அரசியலே உம் வெற்றி

நம் இனம் எதுவென்று

நூற்றாண்டுகளாக

மறந்த நமக்கு,

திராவிட இனம் என்பதை

நூறாண்டுகளாக நினைவிருத்தி

உணரச் செய்ததே

நம் கழகம் தானே;

நான்கு மொழிகளை

ஈன்றெடுத்த தாய்மொழி

எம் தமிழ் மொழி ஆதலால்,

அதை செம்மொழி என்று

பார் அறியச் செய்ததே

தலைவா உம் உழைப்புதானே;

குலக்கல்வி, தேவதாசி,

இரட்டைக்குவளை, முலைவரி,

என்று இருந்த

முறையற்ற சமூகத்தை

கொண்டிருந்த தமிழகத்தை

சுய மரியாதை கற்று

சமூக நீதியுடன், தமிழன்

தலைநிமிர்ந்து நடந்திட,

உழைத்ததே நம்

கழகம் தானே;

எதிர்வரும் எதிர்காலம்

மாறுவதாக எண்ணி,

பிம்பத்தை நம்பி

ஏமாறாமல் இருக்க,

கால வளர்ச்சிக்கேற்ப

உண்மைகளை உணர்த்தி

மாற்ற வேண்டும் நாம்;

வரும் தடை கடந்து

திறம்பட நடந்து,

கட்டுக்கோப்பாய் கழகத்தை

இட்டுச் சென்ற தலைவா,

உம் வழி நடக்கும்

தளபதி வழியில்,

கரம்கோர்த்து உழைப்போம்,

வெற்றிக் கனி பறித்து

உமக்குக் காணிக்கை ஆக்குவோம்.