#Title

கள்ளக்குறிச்சி வடக்கு மாவட்டம் முழுவதும் முத்தமிழறிஞர் கலைஞர் பிறந்தநாள் விழாவை மிக எழுச்சியுடன் கொண்டாடுவோம்! மாவட்டச் செயலாளர் தா.உதயசூரியன் அறிக்கை!

கள்ளக்குறிச்சி, ஜூன் 2-–

கள்ளக்குறிச்சி வடக்கு மாவட்டம் முழுவதும் கழக நிர்வாகிகள் தமிழினத் தலைவர் முத்தமிழ் அறிஞர் கலைஞர் அவர்களின்பிறந்த நாளை முன்னிட்டு கிராம கிராமமாக கழக இரு வண்ண கொடியேற்றி, இனிப்புகள் நலத்திட்ட உதவிகள் வழங்க வேண்டுமென வடக்கு மாவட்ட கழக செயலாளர் தா.உதயசூரியன் தமது அறிக்கையின் மூலம் வேண்டுகோள் விடுத்துள்ளார்.

அந்த அறிக்கையில் அவர் கூறியிருப்பதாவது.

கழக தலைவர், சமூக நீதிக் காவலர், திராவிட நாயகர் மு.க.ஸ்டாலின் அவர்களின் அறிவிபிற்கிணங்க, கள்ளக்குறிச்சி வடக்கு மாவட்டத்திற்கு உட்பட்ட ஒன்றிய, நகர, பேரூர், கிளை, வார்டு கழக மற்றும் சார்பு அணி நிர்வாகிகள் கவனத்திற்கு,

தகைசால் தலைவராக எழுத்தாளராக கவிஞராக சொற்பொழிவாளராக திரைக்கதை வசன கர்த்தாவாக இலக்கியவாதியாக திரைப்பட தயாரிப்பாளராக தலைச்சிறந்த நிர்வாகியாக தமிழ்நாட்டின் 5 முறை முதலமைச்சராக உலக தமிழர்களின் ஒப்பற்ற தலைவராக விளங்கியவரும் திராவிட முன்னேற்ற கழக தலைவராக ஏறத்தாழ 50 ஆண்டுகள் பொறுப்பு வகித்து அகில இந்திய அரசியலில் சிறந்த வழிகாட்டியாக திகழ்ந்து தமிழக வரலாற்றில் தமக்கென்று சில பக்கங்களை ஒதுக்கிக்கொன்ட முத்தமிழ் அறிஞர் தமிழின தலைவர் கலைஞர் அவர்களது பிறந்த நாளை (3.06.2026 – புதன்கிழமை) காலை 9.00 மணியளவில் கள்ளக்குறிச்சி வடக்கு மாவட்டத்திற்கு உட்பட்ட ஒன்றிய, நகர, பேரூர், கிளை மற்றும் வார்டு கழகங்களிலும் முத்தமிழ் அறிஞர் தலைவர் கலைஞர் அவர்களின் திருஉருவப் படத்திற்கு மலர்மாலை அணிவித்து மரியாதை செலுத்தி, கழக கொடியேற்றி, பொதுமக்களுக்கு இனிப்புகள், அன்னதானம், நலத்திட்டங்கள் வழங்கி கலைஞர் பிறந்த தினத்தை எழுச்சியுடன் மிக சிறப்பாக நடத்திட வேண்டுமாறு கேட்டுக்கொள்கிறேன் என அந்த அறிக்கையில் தெரிவித்துள்ளார்.