சென்னை, ஜூன் 2–
சென்னையில் அண்மையில் நடைபெற்ற நிகழ்ச்சியில் பேசிய விளையாட்டு துறை அமைச்சர் ஆதவ் அர்ஜூனா, விவசாயத்தை விட விளையாட்டு கடினமானது என பேசியிருந்தார். ஆதவ் அர்ஜுனாவின் இந்த பேச்சுக்கு, தமிழக விவசாயிகள் சங்க நிறுவன தலைவர் ஈசன் முருகசாமி கடும் கண்டனம் தெரிவித்துள்ளார்.
அண்மையில் சென்னை யில் நடைபெற்ற நிகழ்ச்சியில் அமைச்சர் ஆதல் அர்ஜூனா, `விவசாயத்தைவிட விளையாட்டு கடினமானது.விளை யாடுற பசங்களையும் படிக்குற பசங்களையும் ஒரே கிளாஸ் ரூமில் வைத்து படின்னு சொல்றதே தப்பு. அவங்கள ஸ்பெஷலா கவனிக்கணும். அப்ப தான் தமிழ்நாட்டுக்காக சாதிப்பார்கள். மற்ற மாணவர்களோடு அவங்கள கம்பேர் பண்றதே தப்பு.. படிப்பு வீரர்கள்னு எங்கேயும் இல்ல. விளையாட்டு வீரர்கள்னு தான் இருக்கு. விளையாட்டுதான் ஒரு நல்ல சமூகத்தை உருவாக்கும்’’ என்று பேசியுள்ளார்.
இந்நிலையில் அமைச்சர் ஆதவ் அர்ஜூனாவுக்கு கண்ட னம் தெரிவித்து விவசாயிகள் சங்க நிறுவன தலைவர் ஈசன் முருகசாமி அறிக்கை வெளியிட்டுள்ள அவர்,
நாட்டின் ஒட்டுமொத்த மக்களும் பஞ்சம், பசி, பட்டினியால் வாடக் கூடாதுஎன்பதற்காகவே, இயற்கைச் சீற்றங்களான மழை, புயல், வெள்ளம், வாட்டி வதைக்கும் வெயில் என அத்தனையையும் தாங்கி விவசாயிகள் உழைத்து வருகின்றனர். மீள முடியாத கடன் சுமை மற்றும் அதன் காரணமாக ஏற்படும் தற்கொலைகள் போன்ற கொடூரமான வாழ்வாதாரப் போராட்டங்களையும் தினசரி எதிர்கொண்டு வருகின்றனர்.
தேர்தலின் போது பொய் வாக்குறுதிகளை அள்ளி வீசி, விவசாயிகளின் வாக்குகளைப் பெற்றுவிட்டு, பின்னர் ஏமாற்றம் என அத்தனையையும் சகித்துக் கொண்டு, உணவு உற்பத்தியை ஒருபோதும் நிறுத்தாமல் விவசாயிகள் தொடர்ந்து பாடுபட்டு வருகின்றனர்.
இத்தகைய கடுமையான சூழல்களுக்கு மத்தியில் உழைக்கும் விவசாயியைவிட, விளையாட்டுதான் கடினமானது என்று அமைச்சர் ஆதவ் அர்ஜூனா பேசியது வன்மையாகக் கண்டிக்கத்தக்கது.அதேநேரம் விளையாட்டு வீரர்களை மதிக்கிறோம். விவசாயிகளின் வாழ்வாதார உழைப்பைகுறைத்து மதிப்பிடுவதை ஏற்க முடியாது.
இவ்வாறு அவர் அறிக்கை யில் தெரிவித்துள்ளார்.