திருவண்ணாமலை, ஜூன் 2 –
ஜூன்- 3 முத்தமிழறிஞர் கலைஞர் அவர்களின் 103வது பிறந்த நாளையொட்டி, மக்களுக்கு தேவையான நலஉதவிகளுடன் நடத்திடுவீர் என்று திருவண்ணாமலை மாவட்டக் கழக நிர்வாகி களுக்கு முன்னாள் அமைச்சர் எ.வ.வேலு அறிக்கை விடுத்துள்ளார்.
இதுகுறித்து முன்னாள் அமைச்சரும், சட்டமன்ற கழக கொறடாவுமான எ.வ.வேலு அறிக்கை விடுத்துள்ளார்.
அவர் விடுத்துள்ள அறிக்கை வருமாறு:–
தமிழே உயிராக, தமிழினமே உணர்வாக, தமிழர் நலனும் தமிழ்நாட்டு வளர்ச்சியுமே வாழ்நாள்செயல்திட்டமாக கொண்டஓய்வில்லா சூரியன், தனது 94 ஆண்டு ஆயுட்காலத்தில் 80 ஆண்டுகால பொது வாழ்க்கைக்கு சொந்தகாரர்.
ஒரு நூற்றாண்டு கால திராவிட இயக்க வரலாற்றில், முக்கால் நூற்றாண்டு கால பங்களிப்பாளர். அரை நூற்றாண்டு காலம் திராவிட முன்னேற்ற கழகத்தின் தலைவராக இருந்து, தமிழ்நாட்டு அரசியலின் அச்சாணியாக செயல்பட்டவர்.
ஐந்து முறை தமிழ்நாட்டின் முதலமைச்சராக பொறுப்பேற்று மாநிலத்தின் ஒவ்வொரு குடும்பத்திற்கும் நலன் விளை விக்கும் திட்டங்களை வழங்கியவர்.
இந்திய ஜனநாயக காவலராக திகழ்ந்த மூத்த அரசியல் தலைவர். இலக்கியம், கவிதை, இதழியல், நாடகம் மற்றும் திரைப்படம் என தொட்டத் துறைகள் அனைத்திலும் வெற்றி முத்திரை பதித்த பன்முக திறன் கொண்ட படைப்பாளர்.
திருக்குவளையில் பிறந்து திருவாரூரில் வளர்ந்து உலகெங்கும் வாழும் தமிழர்களின் நெஞ்சங்களில் நிறைந்த நம் தமிழினத் தலைவர் கலைஞர் அவர்களின் 103வது பிறந்த நாளை முன்னிட்டு திருவண்ணா மலை தெற்கு, வடக்கு மாவட்டத்தில் உள்ள மாவட்ட, ஒன்றிய, நகர, பேரூர், பகுதி, கிளை கழக நிர்வாகிகளும், அணி சார்ந்த அமைப்பின் நிர்வாகிகளும், தமிழினத் தலைவர் கலைஞர் அவர்களின் பிறந்த நாளை, மரம் நடுதல், இரத்த தானம் செய்தல், நீர் நிலைகளை செப்பனிடுதல், ஜூன் 3 அன்று பிறந்த குழந்தைகளுக்கு தங்க மோதிரம் அணிவித்தல், மாணவர்களுக்கு நோட்டு புத்தகங்கள் வழங்குதல், கழக கொடியேற்றுதல், இனிப்பு வழங்குதல் மற்றும் பொதுமக்களுக்கு உதவும் வகையில் நல உதவிகளுடன், முத்தமிழறிஞர் கலைஞர் அவர்களின் பிறந்த நாளை ஆண்டு முழுவதும் எழுச்சியாக கொண்டாடிட கேட்டுக்கொள்கிறேன்.
இவ்வாறு முன்னாள் அமைச்சர் எ.வ.வேலு அறிக்கையில் கூறியுள் ளார்.