உலகின் மூத்த நாகரிகங்களில் ஒன்றான திராவிட நாகரிகத்தில் மூத்த மொழி தமிழ். பிற நாகரிகங்களுக்கு முன்னோடியாக தமிழர்கள் மிகச் சிறந்த நகரக்கட்டமைப்புடனும், கல்வியறிவுடனும் திகழ்ந்தனர் என்பதை சிவகங்கை மாவட்டம் கீழடியில் நடந்த வைகை ஆற்று நாகரிக அகழாய்வுகள் வெளிப்படுத்தின. அதுபோலவே தாமிரபரணி (பொருநை) ஆற்று நாகரிக சிறப்புகளை ஆதிச்சநல்லூர், சிவகளை, கொற்கை அகழாய்வுகள் மெய்ப்பித்தன. தமிழர் நாகரிகத்தின் பெருமையை இந்திய ஒன்றிய அரசு அங்கீகரிக்க மறுத்த நிலையில், உலகத்திற்கு அதை எடுத்துக்காட்டும் வகையில் கீழடி மற்றும் பொருநை அருங்காட்சியகங்களை உருவாக்கியவர் திராவிட மாடல் ஆட்சியின் நாயகர்.