திராவிட மாடல் ஆட்சியில் மாநில சுயாட்சி மற்றும் கூட்டாட்சித் தத்துவத்தை மேம்படுத்தும் நோக்கத்துடன், ஒன்றிய-, மாநில உறவுகள் குறித்து ஆய்வு செய்து அறிக்கை அளிக்க ஓய்வு பெற்ற நீதிபதி குரியன் ஜோசப் தலைமையில் உயர்நிலைக் குழு அமைக்கப்பட்டது. தமிழ்த்தாய் வாழ்த்து என்பது மாநிலத்தின் பாடலாக அரசாணை வெளியிடப்பட்டு, அதனை இசைக்கும் முறை, அதற்கு தர வேண்டிய மரியாதை ஆகியவை வரையறுக்கப்பட்டது. சட்டமன்றத்தில் ஆளுநர் உரையின்போது தமிழ்த்தாய் வாழ்த்துதான் முதன்மையாக இடம்பெறும் என்பதில் திராவிட மாடல் நாயகர் மு.க.ஸ்டாலின் உறுதியாக இருந்து அதனை நிறைவேற்றினார்.