அறிவியல்தொழில்நுட்பத்தால் அதிவிரைவாக வளரும் தொழில்களுக்குத் தமிழ்நாட்டில் இட
மளிக்க வேண்டும் என்பதற்காக 1971ஆம் ஆண்டு தமிழ்நாடு மாநில தொழில் முன்னேற்றக் கழகம்(சிப்காட்) நிறுவனத்தை உருவாக்கியவர் கலைஞர். தமிழ்நாட்டின் அனைத்து மண்டலங்களிலும் சிப்காட் தொழிற்பேட்டைகள் உருவாக்கப்பட்டு, தொழில்வளர்ச்சி ஊக்கப்படுத்தப்பட்டது. இதனால் பன்னாட்டு நிறுவனங்கள் தமிழ்நாட்டில் முதலீடு செய்தன. ஹூண்டாய், ஃபோர்டு போன்ற உலகப் புகழ்பெற்ற கார் நிறுவனங்கள் தமிழ்நாட்டில் உற்பத்தியைத் தொடங்கி, தமிழர்களுக்கு வேலைவாய்ப்பை அளித்தன. சென்னையை இந்தியாவின் டெட்ராய்டு என்று பெயர் பெறச் செய்தவர்
முத்தமிழறிஞர் கலைஞர். பன்னாட்டு நிறுவனங்களுடன் உள்நாட்டு நிறுவனங்களும் முன்னேற வேண்டும் என்பதற்காக சிறுதொழில் வளர்ச்சியைக் கருத்தில்கொண்டு தமிழ்நாடு சிறுதொழில் வளர்ச்சிக்கழகமான சிட்கோ நிறுவனத்தை கலைஞர் தன் ஆட்சிக்காலத்தில் உருவாக்கினார். பெரிய நிறுவனங்கள் தயாரிக்கும் கார்கள், கனரக வாகனங்கள் ஆகிய
வற்றுக்கு உதிரிபாகங்கள் தயாரிப்பதில் சிறு–குறு தொழில்நிறுவனங்களின் பங்கு முக்கியமானது. அதனை உணர்ந்து அவற்றை ஊக்குவித்து, தொழில்வளர்ச்சிக்கான நெடும்பாதை அமைத்து, வேலை வாய்ப்புகளை உருவாக்கித் தந்தது கலைஞர் தலைமையிலான திராவிட முன்னேற்றக் கழக அரசு.