பேரறிஞர் அண்ணா முதல்வராக இருந்போது, போக்குவரத்து துறை அமைச்சராக இருந்த கலைஞர், தனியார் உரிமத்தில் ஓடிய பேருந்துகளை நாட்டுமையாக்கினார். அண்ணா மறைவுக்குப் பிறகு முதலமைச்சரான கலைஞர், அரசுப் போக்குவரத்துக் கழகங்களை உருவாக்கினார். அதுவரை இலாப நோக்கில் மட்டுமே பேருந்துகள் இயங்கி வந்த நிலை மாறி, மக்களின் தேவைக்கேற்ப நகரங்களையும் கிராமங்களையும் இணைக்கும் வகையிலும், அவரவர் வேலைக்குச் செல்வதற்கேற்ற நேரத்திலும் பேருந்து வசதி உருவானது. தமிழ்நாட்டின் ஓர் எல்லையிலிருந்து மறு எல்லைக்குத் தடையின்றிப் பயணம் செய்யும் வகையில் நேரடிப் பேருந்துகள், இணைப்பு பேருந்துகள் இயங்கின. சென்னை மாநகரத்தின் வளர்ச்சிக்கேற்ப பறக்கும் ரயில் திட்டத்தை ஒன்றிய அரசிடம் வலியுறுத்திப் பெற்றதுடன், விரைவான–போக்குவரத்து நெருக்கடியில்லாத வகையில் மெட்ரோ ரயில் திட்டத்திற்கான கட்டமைப்புகளை உருவாக்கியவரும் கலைஞர்தான். தலைநகர் சென்னைக்கு மெட்ரோ ரயில் என்றால், மிகச்சிறிய கிராமங்களில் வசிக்கும் மக்களுக்காக மினி பஸ் திட்டத்தைக் கொண்டு வந்தவரும் கலைஞர்தான். இந்தியாவில் மிகச் சிறந்த பேருந்து போக்குவரத்தைக் கொண்ட மாநிலமாகத் தமிழ்நாட்டை மாற்றியவர் முத்தமிழறிஞர் கலைஞர்.