தன் வாழ்நாள் முழுவதும் சமூக நீதிக்கானப் போராட்டத்தை முன்னெடுத்தவர் முத்தமிழறிஞர் கலைஞர். முதலமைச்சராகப் பொறுப்பேற்ற போது சட்டநாதன் ஆணையத்தை அமைத்து அதன் பரிந்துரைகளைப் பெற்று, பிற்படுத்தப்பட்டோர் இடஒதுக்கீட்டை 31 விழுக்காடாகவும், பட்டியல் இன- பழங்குடி மக்களுக்கான இடஒதுக்கீட்டை 18 விழுக்காடாகவும் உயர்த்தியவர் கலைஞர்.

பின்னர், 1989ஆம் ஆண்டு பிற்படுத்தப்பட்டோருக்கு 30% மிகவும் பிற்படுத்தப்பட்டோர் என்ற பிரிவை உருவாக்கி, அதில் 108 சாதிகளை இணைத்து 20%, பட்டியல் இனத்த வ ருக்கு 18%, பழங்குடி இனத்தவருக்கு 1% என 69% இடஒதுக்கீட்டிற்கு வழி வகுத்தவர் கலைஞர். அதுமட்டுமின்றி, பிற்படுத்தப் பட்டோருக்கான 30% இட ஒதுக்கீட்டில் சிறுபான்மை முஸ்லி ம்களுக்கு 3.5%, பட்டியல் இனத்த வருக்கான 18% இடஒதுக்கீட்டில் அருந்ததியர்களுக்கு 3% என உள்ஒதுக்கீடு வழங்கியவரும் கலைஞர்தான்.

தமிழ்நாட்டின் வளர்ச்சி என்பது குறிப்பிட்ட பகுதியையோ, குறிப்பிட்ட சாதியையோ மட்டும் சார்ந்ததல்ல என்பதையும், அனைத்து சமூகத் தினரும் வாய்ப்பு பெற்று உயர வேண்டும் என்பதிலும் மிகவும் கவனமாக இருந்து, சட்டச்சிக்கல் இல்லாமல் சமூக நீதியை நிலைநாட்டிடப் போராடி, அதனை சாதித்துக் காட்டியவர் கலைஞர். அதுமட்டுமின்றி, ஒன்றிய அரசின் கல்வி மற்றும் வேலைவாய்ப்புகளில், மண்டல் கமிஷன் பரிந்துரைப்படி, இதர பிற்படுத்தப்பட்ட வகுப்பினருக்கான 27% இடஒதுக்கீட்டை நிலைநாட்ட பிரதமர் வி.பி.சிங் அவர்களிடம் வலியுறுத்தி, அதனையும் நிறைவேற்றிக் காட்டியதில் கலைஞரின் பங்கு மகத்தானது.