கருப்பு சிவப்புக் கொடியில்

கலந்திருக்கும் உயிர்.

திராவிடத் தோட்டத்தில்

தமிழ் விளைவிக்கும் பயிர்!

‘கலைஞர்’ எனும் சொல்

விரோதிகளை வெல்லும் படையணி;

துரோகங்களின்

துயர் நீக்கும் நிவாரணி!

‘கலைஞர்’ எனும் சொல்

அண்ணா அறிவாலய

அரசியல் ஆய்வகம்;

காலத்தை வெல்லும்

கருத்தியல் கருவூலம்;

நேர்வழியைப் பயிற்றுவிக்கும்

நூற்றாண்டு நூலகம்!

முத்தமிழறிஞரே!

உன் பெயரை உச்சாித்தால்

உற்சாகம் பிறக்கிறது;

உள்ளத்தில், உடல் மொழியில்

ஒரு கம்பீரம் கிடைக்கிறது.

உன்

உதயநாளில்தான்

தமிழ் உலகின்

கீழ்வானம் சிவந்தது;

உன் அரசியலால் தான்

இந்தியா முழுவதும்

திராவிட வெளிச்சம் பாய்ந்தது.

நெருக்கடி நிலையிலும்

சுவாசிக்கும் காற்றோடு

சுயமாியாதைக் காற்றையும்

காப்பாற்றி வைத்திருந்தாய்.

நீண்ட நெடிய எங்கள்

பயணத்திற்கு

வரைபடம் வழங்கியுள்ளாய்.

வரலாற்றில் ஒரு புரூட்டஸ்- உன்

வாழ்க்கையில் பலநூறு புரூட்டஸ்கள்!

நெஞ்சில் பொறுக்காத துயரங்களில்

நெஞ்சுக்கு நீதிதான் மருந்து போடுகிறது.

வெற்றியும் தோல்வியும்

ஒற்றைநாள் செய்தி என்றே

கற்றுக் கொடுத்திருக்கிறாய்!

விழுந்த வேகத்தில்

எழுந்து நிற்கும்

வித்தையை

பயிற்றுவித்துள்ளாய்.

நெருப்பில் முளைத்தெழுகின்ற

‘ஃபீனிக்ஸ்’ பயிற்சி

வழங்கியுள்ளாய்.

மாபெரும் தலைவர்,

மனிதநேயர் - கழகத்

தாயுமானவர்

தலைவர் தலைமையில்

சின்னவர் வழிநடத்தும்

பாசறை இளைஞர் படை

முன்னணி நடைபோட

தமிழகம் மீட்போம்;

தன்மானம் காப்போம்;

உன் மீது ஆணை!