சென்னை, ஜூன் 4 –

முத்­த­மி­ழ­றி­ஞர் கலை­ஞர் அவர்­களின் 103–ஆவது பிறந்­தநாள் நேற்று.

தமி­ழர்­க­ளின் நெஞ்­ச­மெல்­லாம் நீக்­க­மற நிறைந்­தி­ருக்­கும் நவீன தமிழ்­நாட்­டின் சிற்பி முத்­த­மி­ழ­றி­ஞர் கலை­ஞர் அவர்­க­ளின் 103–ஆவது பிறந்­தநாள் – ‘செம்மொழி நாள்’ நேற்று (ஜூன் 3). தமிழ்­­நாடெங்­கும் கழ­கத்­தி­னர், பொது­மக்­கள் ஏழை எளி­யோ­ருக்கு நல­உ­த­வி­கள் வழங்கி எழுச்­சி­யுடன் கொண்­டா­டி­னர்.

முத்­த­மி­ழ­றி­ஞர் கலை­ஞர் அவர்­கள் ஜுன் திங்­கள் 3-ஆம் நாள். திரு­வா­ரூர் மாவட்­டம் திருக்­கு­வளை கிரா­மத்­தில் ஒரு எளிய விவ­சா­யக் குடும்­பத்­தில் பிறந்­த­வர். இளம் சிறு பரு­வத்­தி­லேயே சீர்­தி­ருத்­தக் கருத்­து­கள் அவர் நெஞ்­சில் வள­ரத் தொடங்­கின. அவற்­றின்­ அ­டிப்­ப­டை­யில் பள்­ளிப் பரு­வத்­தி­லேயே ‘முர­சொலி’ கையெ­ழுத்து ஏடா­க­வும், பின்­னர் மாத வார ஏடா­க­வும்,நாளே­டா­க­வும் வளர்ந்து இன்­றும் பத்­தி­ரிகைஉல­கில் ஓர் சிறந்த ஆயு­த­மா­கப் பயன்­ப­டு­ கி­றது. முத்­த­மி­ழ­றி­ஞர் கலை­ஞர் அவர்­கள் தந்தை பெரி­யார், பேர­றி­ஞர்அண்ணா ஆகி­யோ­ரைச் சந்­தித்­த­பின்,அவர்­க­ளு­ டைய கொள்­கை­களை இத­யத்­தில் ஏந்தி, அவற்றை தம்­வாழ் நாள் முழு­வ­தும் பரப்பி அவ்­வ­ழி­யில் இறு­தி­வரை வாழ்ந்­த­வர்.

தமிழ்நாட்டை உயர்த்தியவர் கலை­ஞர்!

1957 ஆம் ஆண்டு குளித்­த­லைச் சட்­ட மன்ற உறுப்­பி­ன­ரா­கத் தேர்வு செய்­யப்­பட்டு, 2016 ஆம் ஆண்டு வரை தொடர்ச்­சி­யாக 13 முறை சட்­ட­மன்ற உறுப்­பி­ன­ராக வெற்றி பெற்று வர­லாற்­றுச் சாதனை படைத்­த­வர். பேர­றி­ஞர் அண்ணா அவர்­க­ளின் மறை­வுக்­குப் பின்பு, 1969 ஆம் ஆண்டு தமிழ்­நாடு முத­ல­மைச்­ச­ரா­கப் பத­வி­யேற்­றார்.

இத­னைத் தொடர்ந்து, 1971, 1989, 1996, 2006ஆம் ஆண்­டு­க­ளில் தமிழ்­நாட்­டின் முத­ல­மைச்­­சரா­கப் பணி­யாற்றி பல எண்­ணற்ற நலத்­திட்­டங்­களை தமி­ழக மக்­களுக்கு வழங்­கிச் சிறப்பு செய்­த­வர்.

முத்­த­மி­ழ­றி­ஞர் கலை­ஞர் அவர்­கள் தமிழ்­நாட்­டில் 5 முறை முத­ல­மைச்­ச­ரா­கப் பொறுப்­பேற்ற காலத்­தில் ஏழை எளிய மக்­கள் கல்வி, அறி­வி­யல், சமூக பொரு­ளா­தா­ரத்­தில் முன்­னேற்­றம் பெற்­றிட எண்­ணற்ற சிறப்­பான சமூக நலத்­திட்­டங்­க­ளைத் திறம்­ப­டச் செயல்­ப­டுத்தி, இந்­தி­யா­வி­லுள்ள மாநி­லங்­க­ளுக்­கெல்­லாம் முன்­னோடி மாநி­ல­மாக தமிழ்­நாட்டை உயர்த்­தி­னார்.

எண்ணற்ற திட்­டங்­களை

தீட்டியவர்!

முத்­த­மி­ழ­றி­ஞர் கலை­ஞர் அவர்­க­ளின் ஆட்­சிக் காலத்­தில் குடி­சைப் பகுதி மாற்று வாரி­யம், பேருந்­து­கள் நாட்­டு­டைமை, விவ­சா­யிக­ளுக்கு இல­வச மின்­சா­ரம், பெண்­களுக்கு சொத்­து­ரிமை, உழ­வர் சந்தை, வரு­முன் காப்­போம் திட்­டம், நமக்கு நாமே திட்­டம், மூவ­லூர் இரா­மா மிர்­தம் திரு­மண உத­வித் திட்­டம், அண்ணா மறு­ம­லர்ச்­சித் திட்­டம், பெரி­யார் நினைவு சமத்­து­வ­பு­ரம், அனைத்­துச் சாதி­யி­ன­ரும் அர்ச்­ச­கர் ஆக­லாம் போன்ற எண்­ணற்ற திட்­டங்­களை அறி­வித்­துச் செயல்­ப­டுத்­தி­னார்.

ஜூன் 3 – செம்­மொழி நாள்!

முத்­த­மி­ழ­றி­ஞர் கலை­ஞர் அவர்­கள் வாழும்­போது வர­லா­றா­க­வும், மறைந்­தும் தமிழ்­நாட்டு மக்­க­ளின் மனங்­க­ளில் நிலைத்து வாழ்­கின்ற அவ­ரது புக­ழுக்­குப் பெருமை சேர்க்­கின்ற வகை­யி­லும், முத்­த­மி­ழ­றி­ஞர் கலை­ஞர் அவர்­க­ளின் பிறந்த ஜுன் 3-ஆம் நாள் “செம்­மொழி நாள்” என கடந்த கழக ஆட்சியின்போது அப்போதைய முதல்வர் மு.க.ஸ்டாலின் அவர்கள் – தமிழ்­நாடு அர­சி­னால் அறி­வித்து ஆணை வெளி­யிட்­டுள்­ளது.

80 ஆண்டுகால பொது வாழ்க்கை!

இப்படி பார்போற்றும் வகையில் தனது 14ஆம் அகவை முதல் 94ஆம் அகவை வரையில் சுமார் 80 ஆண்டுகாலம் மக்கள் பணிக்காகவே தனது வாழ்நாள் முழு வதும் அர்ப்பணித்தவர். அப்பேற்பட்ட முத்தமிழறிஞர் கலைஞர் அவர்களின் 103 ஆவது பிறந்த நாள் நேற்று!

கலைஞர் நினைவிடத்தில்

கழகத் தலைவர் மு.க.ஸ்டாலின் மரியாதை!

முத்தமிழறிஞர் கலைஞர் அவர்களின் 103 ஆவது பிறந்த நாளை முன்னிட்டு கழகத் தலைவர் மு.க.ஸ்டாலின் அவர்கள் கலைஞர் அவர்களின்நினைவிடத்தில் மலர் வளையம் வைத்து மரியாதை செலுத்தினார்.

ஓமந்தூரார் தோட்டத்தில்

கலைஞர் சிலைக்கு மாலை அணிவித்தார்!

தொடர்ந்து சென்னை அண்ணா சாலை, ஓமந்தூரார் வளாகத்தில் அமைந்துள்ள கலைஞர் அவர்களின் திருவுரு வச் சிலைக்கு அருகில்அமைக்கப்பட்டிருந்த திருவுருவப்படத்திற்கு மலர் தூவி மரியாதை செலுத்தினார்.

முரசொலி வளாகத்தில்

கலைஞர் திருவுருவச் சிலைக்கு

மாலை அணிவித்தார்!

இந்நிகழ்வினை அடுத்துகழகத் தலைவர் மு.க.ஸ்டாலின்அவர்கள் கலைஞர் அவர்களின் மூத்த பிள்ளையான முரசொலி வளாகத்தில் அமைந்துள்ளமுத்தமிழறிஞர் கலைஞர் அவர்களின் திருவுருவச் சிலைக்கு மாலை அணிவித்து மரியாதை செலுத்தினார்.

அண்ணா அறிவாலயத்தில்

கலைஞர் சிலைக்கு மாலை அணிவிப்பு!

அதனையடுத்து கழகத் தலைவர் மு.க.ஸ்டாலின் அவர்கள் சென்னை அண்ணா அறிவாலயத்தில் அமைந்துள்ள முத்தமிழறிஞர் கலைஞர் அவர்களின் திருவுருவச் சிலைக்கும் பேரறிஞர் அண்ணா அவர் களின் திருவுருவச் சிலைக்கும் மாலை அணிவித்து மரியாதை செலுத்தினார்.

அன்பகத்தில் தந்தை பெரியார் –

பேரறிஞர் அண்ணா –

முத்தமிழறிஞர் கலைஞர் திருவுருவச்

சிலைகளை திறந்து வைத்தார்!

இதனைத் தொடர்ந்து கழகத் தலைவர் மு.க.ஸ்டாலின் அவர்கள், வரலாற்றின் முக்கிய நிகழ்வாக, கழகஇளைஞர் அணியின் தலைமையகம் அமைந்துள்ள “அன்பகம்” வளாகத்தில் அமைக்கப் பட்டிருந்த தந்தை பெரியார், பேரறிஞர் அண்ணா, முத்தமிழறிஞர் கலைஞர் ஆகியோரின் திருவுருவச் சிலைகளை திறந்து வைத்து சிறப்பித்தார். மேலும் 75 அடி உயர கொடிக் கம்பத்தில் கழகக் கொடியை ஏற்றி வைத்தார்.

மேலும் கலைஞர் அவர்களின் கோபாலபுரம் இல்லம், சி.ஐ.டி.காலனி இல்லங்களுக்கு கழகத் தலைவர் மு.க.ஸ்டாலின் அவர்கள் நேரில் சென்று முத்தமிழறிஞர் கலைஞர் அவர்களின் திருவுருவப் படத்திற்கு மாலை அணிவித்து வணங்கினார்.

இந்நிகழ்வுகளில் கழகப் பொருளாளர் டி.ஆர்.பாலு, கழக முதன்மைச் செயலாளர் கே.என்.நேரு, கழக நாடாளுமன்றக் குழுத் தலைவர் கனிமொழி கருணாநிதி, கழக இளைஞர் அணிச் செயலாளர் உதயநிதி ஸ்டாலின் மற்றும் கழக துணைப் பொதுச் செயலாளர்கள் ஐ.பெரியசாமி, க.பொன்முடி, ஆ.இராசா எம்.பி. உள்பட மாவட்டக் கழகச் செயலாளர்கள், முன்னாள் அமைச்சர்கள், கழக முன்னணியினர், கழகத் தோழர்கள், பொதுமக்கள் என்று பெருந்திரளாக கலந்துகொண்டு கலைஞர் புகழுக்கு மேலும் புகழ் சேர்த்தனர்.

தமிழ்நாடு முழுவதும் எழுச்சியோடு

கொண்டாட்டம்!

இதே போன்று முத்தமிழறிஞர் கலைஞர் அவர்களின் 103வது பிறந்த நாளை முன்னிட்டு தமிழ்நாடு முழுவதும் கழகத்தினர், பொதுமக்கள், கலைஞர் அவர்களின் திருவுருவச் சிலைகளுக்கு திருவுருவப் படங்களுக்கு மாலை அணிவித்தும், இனிப்புகள் வழங்கியும், ஏழை எளியோருக்கு நல உதவிகள், அறுசுவை உணவு வழங்கியும் எழுச்சியுடன் நேற்று கொண்டாடி மகிழ்ந்து கலைஞர் புகழ் பாடினர்!