திருவள்ளூர், ஜூன் 04–
திருவள்ளூர் மத்திய மாவட்ட இளைஞர் அணி சார்பில் ஆலோசனைக் கூட்டம் பூவிருந்தவல்லி நகரத்தில் மாவட்ட இளைஞர் அணி அமைப்பாளர் நடுக்குத்தகை கே.சுரேஷ்குமார் தலைமையில் நடைபெற்றது.
மாவட்ட இளைஞர் அணி துணை அமைப்பாளர்களான ஆர். செந்தாமரை, ஜி.சி.சி.கருணாநிதி, அக்னி ராஜேஷ், டி. பிரியாகுமார், எஸ். சதீஷ்குமார் ஆகியோர் முன்னிலை வகித்தனர்.
இக்கூட்டத்தில் திருவள்ளூர் மத்திய மாவட்டக் கழக செயலாளரும் முன்னாள் அமைச்சருமான ஆவடி சா.மு. நாசர் சிறப்பு அழைப்பாளராக கலந்துகொண்டு ஆலோசனைகள் வழங்கினார்.
அப்போது,தமிழ் மொழி, சமூக நீதி, பகுத்தறிவு மற்றும் திராவிட இயக்கக் கொள்கைகளுக்காக வாழ்நாள் முழுவதும் பாடுபட்ட முத்தமிழறிஞர் கலைஞர் அவர்களின் பிறந்தநாள் விழாவை முன்னிட்டு மாவட்டம் முழுவதும் இளைஞர் அணி சார்பில் பல்வேறு நலத்திட்ட உதவிகள் வழங்குதல், மரக்கன்றுகள் நடுதல், மாணவர்களுக்கு கல்வி உபகரணங்கள் வழங்குதல், பொதுமக்களுக்கான நலத்திட்ட முகாம்கள் நடத்துதல் உள்ளிட்ட மக்கள் பயன் பெறும் நிகழ்ச்சிகளை சிறப்பாக நடத்திட வேண்டும் என அறிவுறுத்தினார்.
திராவிட முன்னேற்றக் கழகத்தின் கொள்கைகளையும் கழக , தலைவர் அவர்களின் வழிகாட்டுதலையும் மக்களிடையே எடுத்துச் செல்லும் வகையில் அனைத்து பகுதிகளிலும் சிறப்பான நிகழ்ச்சிகளை நடத்த வேண்டும்” என்று கேட்டுக் கொண்டார்
தொடர்ந்து பேசிய அவர், வருகின்ற காலங்களில் இளைஞர் அணி நிர்வாகிகள் திராவிட முன்னேற்றக் கழகத்தின் கொள்கை அடிப்படையில் உண்மையாகஉழைத்தால், உரிய பொறுப்புகளும் பதவிகளும் உங்களைத் தேடி வரும். அதற்கான வாய்ப்புகளையும் ஆதரவையும் கழகம் வழங்கும்” என தெரிவித்தார்.
இதனைத் தொடர்ந்து, பூவிருந்த வல்லி பகுதியைச் சேர்ந்த பல்வேறு மாற்றுக் கட்சியினர், நகரச் செயலாளர் ஜி.ஆர். திருமலை மற்றும் மாவட்ட இளைஞர் அணி அமைப்பாளர் கே. சுரேஷ்குமார் நகர இளைஞர் அணி அமைப்பாளர் அ.முகமது ராஷிக் ஹனீப், ஆகியோர் ஏற்பாட்டில், மாவட்டக்கழக செயலாளர் ஆவடி சா.மு. நாசர் முன்னிலையில் திராவிட முன்னேற்றக் கழகத்தில் தங்களை இணைத்துக் கொண்டனர்.
இக்கூட்டத்தில் மாநில ஆதிதிராவிட நலக்குழு அணி அமைப்பாளர் ஆ.கிருஷ்ண சாமி, மாநில மாவட்டநிர்வாகிகள் கே.ஜெ.ரமேஷ், சி.ஜெரால்டு,வி.ஜெ.சீனிவாசன், எஸ்.ஜெயபாலன், பா.நரேஷ்குமார், த.எத்திராஜ், ஜி.விமல் வர்ஷன், ஜெ.மகாதேவன், உள்ளிட்டஏராளமானோர் கலந்து கொண்டனர்.