காஞ்சிபுரம், ஜூன் 4–
முத்தமிழறிஞர் கலைஞர் அவர்களின் பிறந்தநாளான ஜீன் 3–ஆம் தேதியை செம்மொழி நாளாக கொண்டாடிட வேண்டும் என்று அறிவித்த, கழகத் தலைவர் தளபதி அவர்களின் அன்பு கட்டளையை ஏற்று, காஞ்சிபுரம் வடக்கு மாவட்டத்தில் உள்ள அனைத்து கிளைகளிலும் உள்ள கழக கொடி கம்பங்கள் முன்பு, நேற்று ஜீன்–3 அன்று காலை முத்தமிழறிஞர் கலைஞர் திருஉருவப் படத்தை வண்ண வண்ண மலர்களால் அலங்கரித்து வைத்து கழகத்தினர் அனைவரும், மலர் மாலை அணிவித்து, மலர் தூவி மரியாதை செலுத்தினார்கள். 41 ஆதரவற்றோர் இல்லங்களில் நேற்று பகல் அறுசுவை உணவு வழங்கி செம்மொழி நாளாக கொண்டாடி மகிழ்ந்தனர் என்று, மாவட்ட செயலாளர் – முன்னாள் அமைச்சர் தா.மோ.அன்பரசன் தெரிவித்துள்ளார்.
மறைந்தும், மறையாமல், தமிழக மக்களின் இதயங்களில் நீக்கமற நிறைந்திருக்கும் – நம்முடைய உலக தமிழினத்தின் ஒப்பாரும் – மிக்காரும் இல்லா தனிப்பெரும் தலைவர், திராவிட சூரியனாக திகழ்ந்த நம் நெஞ்சம் நிறைந்த தலைவர் முத்தமிழறிஞர் கலைஞர் அவர்களின் 103–வது பிறந்தநாளான ஜீன் 3–ஆம் தேதியை, செம்மொழி நாளாக கொண்டாடிட வேண்டும் என்று, நாம் நாளும் போற்றி வணங்கும் நம்முடைய ஒப்பற்ற தலைவர் தளபதி அவர்களின் அன்புக்கட்டளையை ஏற்று, முத்தமிழறி ஞர் கலைஞர் அவர்களின் 103–வது பிறந்தநாள் விழாவையொட்டி, நேற்று ஜீன் 3–ஆம் தேதி அன்று காஞ்சிபுரம் வடக்கு மாவட்டம் முழுவதும், கழக தொண்டர்களின் இல்ல விழாவாக – செம்மொழி நாளாகபட்டி–தொட்டியெங்கும் கோலகலமாக கொண்டாடப்பட்டது.
நம்முடைய ஒப்பாரும் – மிக்காரும் இல்லா அன்புத் தலைவர் முத்தமிழறி ஞர் கலைஞர் அவர்களின் 103–வது பிறந்தநாள் விழாவை முன்னிட்டு, நேற்று காலை 9.00 மணியளவில் மாவட்டம் முழுவதும் மாநகர – ஒன்றிய – நகர – பகுதி – பேரூர்களில் உள்ள அனைத்து கிளைகளிலும் கழக கொடிக் கம்பங்கள் இருக்குமிடங்களில் முத்தமிழறிஞர் கலைஞர் திருஉருவப் படத்தை வண்ண வண்ண மலர்களால் அலங்கரித்து வைத்து, மலர் மாலை அணிவித்து – மலர் தூவி மரியாதை செலுத்தி – இனிப்புகளை வழங்கி, மிகவும் பிரம்மாண்டமான முறையில் எழுச்சியுடன் கொண்டாப்பட்டது.
காஞ்சிபுரம் வடக்கு மாவட்டத்தில் உள்ள 41 முதியோர் இல்லம், கருணை இல்லம் – பார்வையற்றோர் பள்ளி – மாற்றுத் திறனாளிகள் தங்கும் இல்லம், மனநலம் குன்றியோர் தங்கும் விடுதி, தொழுநோயாளிகள் இல்லம் ஆகியவற்றில் தங்கியுள்ள ஆதரவற்றோர்கள் அனைவருக்கும் நேற்று பகல் அறுசுவை உணவு வழங்கப்பட்டது.
இவ்வாறு அவர் கூறியுள்ளார்.