கு ழந்தையாய்ப் பிறந்து

சிறுவனாய் வளர்ந்து

விபரம் தெரியும் வயதிலேயே

உனக்குத் தமிழும் அறிந்து

தமிழனைக் காக்கும் பணியும் புரிந்து

14 வயதில் பொது வாழ்வின்

பயணத்தைத் தொடங்கிவிட்டாய்

எடுத்த எடுப்பிலேயே இனம்மொழி

காக்கும் அரும் பயணத்தை தொடங்கிவிட முடியுமா?

அதற்காக உன்னை எந்த வயதில் தயார்படுத்தினாய்?

ஐந்து வயதிலும் பத்து வயதிலும்

சிந்திக்க இயலாதே! ஆனால் நீ சிந்தித்தாய்!

அதனால்தான் சொல்கிறோம் நீ சுயம்பு!

தாயின் கருவிலே தமிழை

கண்காணித்த காவலன் நீ

இனத்தை உயர்த்த உள்ளிருந்தே

சிந்தித்த பாவலன் நீ

மெய்ஞானமும் விஞ்ஞானமும்

வியந்து பார்க்கிறது உன் அறிவையும் ஆற்றலையும்.

இன்று உனக்கு அகவை 95

நீ பிறந்தநாள் தமிழனின் விழிதிறந்தநாள்

இந்நாள்வரை நீ ஆற்றியுள்ள தமிழ்ப்பணிக்கு

தியாகத்திருப்பணிக்கு ஈடாய் தந்திட

எங்களிடம் எதுவுமில்லை.

தந்தை பெரியார், பேரறிஞர் அண்ணா

கண்டெடுத்த நன் முத்து நீ!

அதிலும் கூட ஒரு திருத்தம்

கலைஞர் என்கிற விதையே

நடந்து சென்று விழந்த மண் ஈரோடு

கலைஞர் என்கிற கருவே

அண்ணா எனும் அழகிய தமிழ் மகனின்

காஞ்சிக் கருவறையில் வளர்ந்தது! மலர்ந்தது!

அஞ்சுகம் ஒரு தாய்

அண்ணா ஒரு தாய்

இரட்டைத் தாய்க்கு ஒரு மகனாய்

பிறந்து வளர்ந்த அதிசயப்பிள்ளை

அதனால்தான் சொல்கிறோம்

நீ சுயம்பு

எல்லாத் தலைவர்களும்

மக்களின் நலனுக்காக

தலையில் சுமையைச் சுமந்தார்கள்

நீ மட்டும்தான் தமிழினத்தைக்காக்க

உன் தலையையே சுமையாக

ஆக்கிக்கொண்டாய்

உன் உயிர் உள்ளவரை அந்தச் சுமையை

நீ இறக்கி வைக்கமாட்டாய்.

உன் சுமையை நாங்கள்

வாங்கிக் கொள்ளவும்

தாங்கிக் கொள்ளவும்

இயலாது, முடியாது, நடக்காது.

அதனால்தான் சொல்கிறோம்.

நீ சுயம்பு

இன்று நீ ஓய்வை உடலுக்குக் கொடுத்தாலும்

உன் உள்ளம் தமிழனான என்னையும்

இந்த மண்ணையுமே எண்ணிக் கொண்டிருப்பதை

நாங்கள் நன்கறிவோம்.

95 வயதிலும் உன் தலைமையில்தான்

இந்த இயக்கமும் உடன் பிறப்புகளின்

இதயமும் இயங்கிக் கொண்டிருக்கிறது.

திராவிட முன்னேற்றக் கழகத்தின்

நெடும்பயண வரலாற்றில்

உலக அரசியல் வரலாற்றில்

காணாத அற்புதக்காட்சியை

தளபதியின் பொது வாழ்வுப்பயணத்தில்

காண்கிறோம்.

95 வயதிலும் நீயே எங்கள் தலைவர்

என்று தன் தோள்களில் அமரவைத்து

இன்றும் உன் தலைமையில்தான்

தி.மு.க. பீடுநடை போடுகிறதென்பதை

உன்னால் ‘‘உழைப்பு உழைப்பு உழைப்பு’’

எனப் போற்றப்பட்ட தளபதி அவர்களின்

பயணம் எங்களுக்குப் பாடம் நடத்துகிறது.

தளபதி தோள்களில் நீ!

இன்றும் உன் தலையே

உயர்ந்து நிற்கிறது.

உன் தலைமையில் செயல்தலைவர் தளபதியின்

கால்கள் நிதானமாக அடி எடுத்து வைக்க எங்கள் பயணம் தொடர்கிறது.

தலைவா! உன் மகிழ்ச்சி! உன் எழுச்சி!

உன் கண்ணீர்! உன் நம்பிக்கை!

உன் உழைப்பு! உன் தியாகம்!

வெல்லும்! வெல்லும்!

தளபதி வழியில் வெல்வோம்! வெல்வோம்

அதனால்தான் சொல்கிறோம்.

நீ சுயம்பு