சிவகங்கை.ஜூன் 4–
சிவகங்கை மாவட்டம் திருப்பத்தூரில் முத்தமிழறி ஞர் கலைஞர் 103வது பிறந்தநாளை முன்னிட்டு கலைஞர் திருவுருவப் படத்திற்கு முன்னாள் அமைச்சர், மாவட்ட கழகச் செயலாளர் கே.ஆர்.பெரியகருப்பன் மலர் தூவி மரியாதை செலுத்தினர் .பின்னர் அவர் செய்தியாளர்களிடம் கூறியதாவது.
முத்தமிழ் அறிஞர் தலைவர் கலைஞர் அவர்கள் பன்மொழி வித்தகராக திகழ்ந்தார். இயல், இசை ,நாடகம் , அரசியல் உட்பட அனைத்து துறைகளிலும் பரிணமித்தவர்.அவர் சாதிக்காத துறைகளே இல்லை என்று கூறலாம் .அரசியலில் இந்திய துணை கண்டத்தில் தலைமை வாய்ந்த தலைவராக திகழ்ந்தார்.
தமிழகத்தில் ஐந்து முறை முதல்வராக பணியாற்றி தமிழகத்தின் வளர்ச்சிக்கு பல்வேறு திட்டங்களை செயல்படுத்தியவர். அவர் காலத் தில் தமிழகம் மிகப் பெரிய வளர்ச்சியினை பெற்றது. மொழி, இனம், நாட்டின் வளர்ச்சிக்காக தனது இறுதி நாள் வரை அர்ப்பணித்து வாழ்ந்தவர். தலைவர் கலைஞர் அவர்களின் பல்வேறு திட்டங்கள் இன்று தமிழகத்தில் செயல்படுத்தப்பட்டு வருகிறது. தலைவர் கலைஞரை அரசியலுக்கு அப்பாற்பட்டு எல்லோருமே ரசித்தார்கள். போற்றினார்கள். மதித்தார்கள் .மக்கள் பணி ஒன்றே தனது குறிக்கோள் என்று கடைசி வரை பணியாற்றி தனது அரசியல் வாழ்க்கையில் ஒரு சக்தி வாய்ந்த தலைவராக விளங்கினார்.
அவரது வாழ்க்கை முறையினை அவரது அரசியல்நெறியினைஇன்றைய எதிர்காலதலைமுறையினர் நிச்சயம் தெரிந்து கொள்ள வேண்டும் அதற்காகத்தான் இந்த பிறந்தநாள் கொண்டாடப்பட்டு வருகிறது .தலைவர் கலைஞர் அவர்களின் பிறந்தநாளை ஐம்பது ஆண்டுகளுக்கு மேலாக கழகம் கொண்டாடி வருகின்றது .இதன் மூலம் அவரது வாழ்க்கை முறைகள் அவர் தமிழகத்திற்கு செய்த சாதனைகள் மக்களிடம் எடுத்துக் கூறப்பட்டு வருகிறது சிவகங்கை மாவட்டத்தில் நான்கு தொகுதிகளிலும் ஊராட்சிகள் அளவில்நிர்வாகிகள் கழகத்தினர் சிறப்பான முறையில் பிறந்த நாளை கொண்டாடி வருகிறார்கள்.அவரது ஆட்சி காலத்தில் நடைபெற்ற சாதனைகளை மக்களிடம் எடுத்து கூறி வருகிறார்கள்.
அவர் பிறந்த இந்த தமிழ்நாட்டில் நாமும் பிறந்தோம் என்று நாம் அனைவரும்மகிழ்ச்சி அடையவேண்டும்.அதுவே நமக்கு பெருமை ஆகும். அவர் தமிழக மக்களுக்கு பல்வேறு திட்டங் களை தீட்டி அதை நிறைவேற்றியுள்ளார் .அவரது வழியில்கழகத் தலைவர் முன்னாள் முதல்வர் தளபதி அவர்களும் கழகப் பணியினை தீவிரப் படுத்திவருகிறார். அதே போல் இளைஞர் அணி செயலாளர் உதயநிதி அவர்களும் நமக்கு வழிகாட்டுதலாக அமைந்துள்ளார்கள். அவர்கள் வழியில் அவர்கள் தலைமையில் கழகம் மீண்டு வரும். மீண்டும் ஆட்சி அமைக்கும் .
இவ்வாறு கே.ஆர்.பெரியகருப்பன் கூறினார். பேட்டி யின் போது பேரூர் கழகச் செயலாளர் ஆர்.கார்த்திகேயன் மாவட்ட சுற்றுச்சூழல் அணி அமைப்பாளர் எஸ்.எஸ்.ஏ.வல்லபாய், பேரூராட்சி மன்றத் தலைவர் திருமதி கோகிலா ராணி நாராயணன், துணைத் தலைவர் கான் முகமது, ஒன்றிய துணைச் செயலாளர் எஸ். முத்துக்குமார் மற்றும் நிர்வாகிகள் உடன் இருந்தார்கள்.