#Title

த.வெ.க. ஆட்சியில் தொடரும் கொலைச் சம்பவங்கள்! கோவையில் மாயமான பைனான்சியர் எரித்து கொடூரக் கொலை! கத்திக்குத்து காயத்துடன் சாக்கடையில் உடல் மீட்பு!

கோவை, ஜூன் 4 –

கோவையில் மாயமான பைனான்சியர் எரித்து கொடூரமாக கொலை செய்யப்பட்டார். கத்திக்குத்து காயத்துடன் நேற்று முன்தினம் காலை சாக்கடையில் உடலை மீட்டு காவல்துறையினர் விசாரணை நடத்தி வருகின்றனர்.

கோவை ஆர்.எஸ்.புரம், பட்டு நூல்கார சந்து பகுதியைச் சேர்ந்தவர் அபு தாகிர் பாஷா (27). இவர், ஆக்டிங் டிரைவராக வேலை பார்த்து வந்தார். மேலும், தனது நண்பருடன் சேர்ந்து பைனான்ஸ் தொழிலும் செய்து வந்தார். கடந்த 29ம் தேதி மாலை அபுதாகிர் பாஷா வழக்கம்போல வீட்டை விட்டு வெளியே சென்றார். அதன்பின், இரவு 8 மணியளவில் அவர் வீடு திரும்பி உள்ளார். ஆனால் வீட்டிற்குள் வராமல் அபு தாகிர் பாஷா வீட்டின் அருகே நின்று போனில் பேசி கொண்டு இருந்தார்.

அதனை அவரது தாய் பாத்திமா (45) பார்த்துள்ளார். அதன்பின், நீண்ட நேரமாகியும் அவர் வீட்டிற்கு வரவில்லை. இதனால், பதற்றமடைந்த குடும்பத்தினர், அவரது அலைபேசி எண்ணிற்கு தொடர்பு கொண்டனர். ஆனால், அவரது அலைபேசி சுவிட்ச் ஆப் செய்யப்பட்டு இருந்தது. இதனால், அதிர்ச்சியடைந்த தாய் பாத்திமா தனது மகனை பல இடங்களில் தேடிப் பார்த்தார்.

எந்தத் தகவலும் கிடைக்காததால் அவர் ஆர்.எஸ்.புரம் காவல் நிலையத்தில் புகார் அளித்தார். அதன்பேரில், காவல்துறையினர் வழக்கு பதிவு செய்து, மாயமான அபு தாகிர் பாஷாவை தீவிரமாக தேடி வந்தனர். இந்த நிலையில், நேற்று முன்தினம் அதிகாலை சிரியன் சர்ச் ரோடு பகுதியில் உள்ள சாக்கடையில் ஆண் சடலம் ஒன்று பாதி எரிந்த நிலையில் கிடந்தது.

இதைக்கண்டு அதிர்ச்சி அடைந்த பொதுமக்கள் இதுகுறித்து காவல்துறையினருக்கு தகவல் தெரிவித்தனர். ஆர்.எஸ்.புரம் காவல்துறையினர் சம்பவ இடத் திற்கு விரைந்து சென்று உடலை கைப்பற்றி விசாரணை நடத்தினர். இதில், அது மாயமான அபு தாகிர் பாஷா என்பது தெரிவந்தது.

மேலும், அவரது வயிற்றில் கத்திக்குத்து காயமும்

இருந்தது. முதற்கட்ட விசாரணையில், அபு தாகிர் பாஷாவை கத்தியால் குத்தி கொலை செய்து, எரித்தது தெரியவந்தது. இதையடுத்து காவல்துறையினர் அபு தாகிர் பாஷா உடலை மீட்டு பிரேத பரிசோதனைக்கு கோவை அரசு மருத்துவமனைக்கு அனுப்பி வைத்தனர்.

இதைத்தொடர்ந்து மாயம் என பதிவு செய்திருந்த வழக்கை காவல்துறையினர் கொலை வழக்காக மாற்றி அபு தாகிர் பாஷாவை கொலை செய்தது யார்? பணம் கொடுக்கல், வாங்கல் பிரச்சினை யில் கொலை செய்யப்பட்டாரா? அல்லது வேறு ஏதாவது காரணமா? என பல்வேறு கோணங்களில் விசா ரணை நடத்தி கொலை யாளிகளை தேடி வருகின்றனர். புதிதாக அரசு அமைந்த 15 நாட்களுக்குள் கோவையில் அடுத்தடுத்து கொலைகள் அரங்கேறி வருவதால் பொது மக்களிடையே அதிர்ச்சியையும், பரபரப்பையும் ஏற்படுத்தி உள்ளது.