சென்னை, ஜூன் 5–
சென்னையின் பல்வேறு பகுதிகளில் அறிவிக்கப்படாத மின்வெட்டு காரணமாக பொதுமக்கள் கடும் சிரமத்திற்கு ஆளாகினர். பல்வேறு இடங்களில் மின்வாரிய அலுவலகங்களை முற்றுகையிட்டு போராட்டம் நடத்தினர். காஞ்சிபுரம், திருவள்ளூர், செங்கல்பட்டுஉள்ளிட்ட மாவட்டங்களில் இதேநிலை உள்ளது.
த.வெ.க. ஆட்சி பொறுப்பேற்றதில் இருந்துதமிழ்நாடு முழுவதும்அறிவிக்கப்படாத மின்வெட்டு நிலவி வருகிறது. தலைநகர் சென்னையிலும் தொடரும் மின்வெட்டால் மக்கள் பரிதவித்து வருகின்றனர். கொளத்தூர் தொகுதிக்குட்பட்ட ஜமாலியா ஹவுசிங் போர்டு,மதுரைசாமி மடம் தெரு, சபாபதி தெரு உள்ளிட்ட பகுதிகளில் பலமணி நேரமாக மின்தடை நீடிக்கிறது.பகல் மட்டுமல்ல இரவு நேரத்திலும் மின்வெட்டு தொடருவ தால், குழந்தைகள் முதல் முதியவர்கள் வரை மிகுந்த சிரமத்திற்கு உள்ளாகி வருகின்றனர்.
ஏற்கனவே கோடை காலம் ஒருபுறம், மறுபுறம் த.வெ.க. அரசின் அறிவிக்கப்படாத மின்வெட்டால் தமிழ்நாட்டு மக்களை இருளில் தள்ளியதோடு, இரவு நேரத்தில்தூங்க முடியாமலும் தவித்து வருகின்றனர்.
காஞ்சிபுரம் மாவட்டம் திருப்பெரும்புதூர் நகராட்சிக்கு உட்பட்ட 13-வது வார்டு பகுதியில் அமைக்கப்பட்டுள்ள மின்மாற்றி அடிக்கடி பழுதடைவதால், தொடர் மின்வெட்டுக்கு முக்கிய காரணமாக கூறப்படுகிறது.
கடந்த ஞாயிற்றுக்கிழமை முதல் இரவு நேரங்களில் மின்சாரம் முற்றிலும் துண்டிக்கப்பட்டு வருவதால், பொதுமக்கள் இரவில் தூக்கத்தை இழந்து தவிப்பதுடன், கொசுக்கடியில் வீட்டிற்குவெளியே தெருவில் தூங்கும் அவலநிலை ஏற்பட்டுள்ளது. மின்துண் டிப்பை சரி செய்யுமாறு புகார் அளித்தால், மின்வாரிய அதிகாரிகள் அலட்சியம் காட்டுவதாக குற்றம்சாட்டியுள்ள பொதுமக்கள், அடிக்கடி பழுதாகும் பழைய மின்மாற்றியை மாற்றி, புதிய உயர்தர மின்மாற்றியை அமைக்க வேண்டும் எனவும் கோரிக்கை விடுத்துள் ளனர்.
மணலி, - திருவொற்றியூர்
மணலி,திருவொற்றியூர் பகுதிகளில் அடிக்கடி மின்வெட்டு நிகழ்வதால் மக்கள் தவித்து வருகின்றனர்.
இதேபோல், சென்னை மணலி மற்றும் திருவொற்றியூர் பகுதிகளில் அடிக்கடி மின்வெட்டு நிகழ்வதால் மக்கள் செய்வதறியாமல் தவித்து வருகின்றனர். மணலியில் டிரான்ஸ்பார்மரில் இருந்து செல்லக்கூடிய ஒயர் எரிந்து மின்சாரம் துண்டித்ததால் சம்பவ இடத்துக்கு வந்து மின்வாரிய அதிகாரிகள் சரி செய்யும்பணியில் ஈடுபட்ட போது த.வெ.க. நிர்வாகி கள் அவர்களுடன் வாக்குவாதம் செய்தனர். மின்வாரிய ஊழியர்களை பணி செய்யவிடாமல் தடுத்த த.வெ.க.வினருக்குபொதுமக்கள் கடும் கண்டனம் தெரிவித்துள்ளனர்.
முடிச்சூர்- – செங்கல்பட்டு
மின்வாரிய அலுவலகத்தை முற்றுகையிட்ட பொதுமக்கள் இதேபோல், சென்னை தாம்பரம் அடுத்த பழைய பெருங்களத்தூர், பார்வதி நகர்,முடிச்சூர், வரதராஜபுரம்,அதன் சுற்று வட்டார பகுதிகளில் கடந்த சில நாட்களாக அடிக்கடிமின்தடை ஏற்பட்டு வருகிறது.
சுமார் 3 மணி நேரத்திற்கும் மேலாக மின்தடை நீடிப்பதாகவும் இதன் காரணமாக குடிநீர் விநியோகம் உள்ளிட்ட அடிப்படைத் தேவைகள்பாதிக்கப்பட்டதாகவும் பொது மக்கள் குற்றம் சாட்டுகின்றனர். இந்நிலையில், நேற்றிரவும் அப்பகுதியில் நான்கு மணி நேரத்திற்கு மேலாக மின்வெட்டு நீடித்தது. இதனால் ஆத்திரமடைந்த பொதுமக்கள் முடிச்சூர் மின்வாரிய அலுவலகத்தை முற்றுகையிட்டுஊழியர்களிடம்
வாக்குவாதத்தில் ஈடுபட்டனர்.
இதுதவிர பல்வேறு இடங்களில்குறிப்பாக திருவள்ளூர் உள்ளிட்ட மாவட்டங்களில் மணிக் கணக்கில் அறிவிக்கப்படாத மின்வெட்டுஇருப்பதால் மக்கள் சொல்லொணா துயருக்கு ஆளாகி வருகின்றனர். ஆங்காங்கு மழைப் பெய்வதாலும் மின்வெட்டால்மக்கள் அவதிக்கு உள்ளாகின்றனர்.