#Title

த.வெ.க. ஆட்சியில் தொடரும் அவலம்! திருச்சியில் 14 வயது சிறுமிக்கு கூட்டு பாலியல் வன்கொடுமை! மது கொடுத்து சீரழிக்கப்பட்ட சிறுமி காரில் இருந்து தூக்கி வீசப்பட்ட கொடூரம்!

திருச்சி, ஜூன் 5 –

சிவகங்கையைச் சேர்ந்த மாரீசெல்வன் (43) என்பவர் கார் ஓட்டுநராகப் பணி புரிந்து வருகிறார். நேற்று மதியம் மாரி செல்வன் சிவகங்கையிலிருந்து திருச்சிகாந்தி மார்க்கெட் கல்மந்தைகாலனி குடியிருப்பில் வசிக்கும் ஆதிரா (எ) ஆதி தமிழன்என்கிற திருநங்கை மற்றும் அவரது நண்பர்களைபார்ப்பதற்காக வந்துள்ளார்.

அப்போது திருநங்கை ஆதிராவின் தங்கை கனிமொழியை (பெயரை மறைக்கவும்) (14 வயது) மாலை 5 மணி அளவில் கல்மந்தை காலனியிலிருந்து, மாரீசெல்வன் தனது காரில் சுற்றி காட்டுவதாக கூறி அழைத்து சென்றுள்ளார்.

மாரி செல்வன் அடிக்கடி அந்த பகுதிக்கு வருபவர் என்பதாலும் திருநங்கை யான அண்ணனின் தெரிந்த நபர் என்பதாலும் சிறுமி சென்றுள்ளார். அவரு உடனே திருநங்கையான சிறுமியின் சகோதரரும், சில திருநங்கைகளும் சென்றதாக கூறப்படுகிறது.

சிறுமியை சிறிது தூரம் காரில் அழைத்துச் சென்ற கும்பல் மது கலந்த ஜூஸ்வகைகளை கொடுத்துள்ளது. இதனால் மயக்கமடைந்த சிறுமி ஒரு கட்டத்தில் வீட்டுக்கு செல்ல வேண்டும் என்று கூறியுள்ளார்.

அப்போது வேறொரு பகுதியில் மாரி செல்வராஜ் உடன் வந்த மேலும் மூன்று இளைஞர்கள் காரில் ஏறி உள்ளனர். அவர்கள் கூட்டாக சேர்ந்து சிறுமியை பாலியல் வன்கொடுமை செய்ததாக கூறப்படுகிறது. மேலும் அடித்து துன்புறுத்தியதாகவும் தெரிகிறது. சுயநினைவு இழந்த சிறுமியை ஒரு கட்டத்தில் மக்கள் கூட்டம் அதிகம் நிறைந்த மார்க்கெட் பகுதியில் வீசி சென்றுள்ளது அந்தக் கொடூர கும்பல்.

அப்போது சிறுமி கனிமொழி போதை தலைக்கேறிய நிலையில் சுயநினை வின்றி கீழே விழுந்து கிடந்துள்ளார். இதனைப் பார்த்த பொதுமக்களும் அப்பகுதி காவலர்களும் உடனடியாக அவரை மீட்டு, திருச்சி அரசு பொது மருத்துவ மனைக்குச் சிகிச்சைக்காக அனுப்பி வைத்தனர்.

தொடர்ந்து கார் ஓட்டுநர் மாரீசெல்வனைத் தேடி வந்த பொதுமக்கள், இரவு 7.30 மணி அளவில் மீண்டும் கல்மந்தை காலனிக்கு வந்த அவரைப் பிடித்துத் சரமாரியாகத் தாக்கினர். இதில் மாரீசெல்வனுக்கு மண்டை உடைந்து பலத்த காயம் ஏற்பட்டது. பின்னர் 108 ஆம்புலன்ஸ் மூலம் அவரை மீட்டு சிகிச்சைக்காக அரசு மருத்துவமனைக்கு அனுப்பி வைத்தனர்.

தற்போது சிறுமி கனிமொழி திருச்சி அரசு மருத்துவமனையில் சுயநினை வின்றி தொடர்ந்து தீவிர சிகிச்சையில் இருந்து வருகிறார். இதுக்குறித்து காந்தி மார்க்கெட் காவல் நிலையப் போலீசார் வழக்குப்பதிவு செய்து தீவிர விசாரணை மேற்கொண்டு வரு கின்றனர்.

இந்நிலையில் இது குறித்து தகவல் அறிந்த சிறுமியின் பெற்றோர் மற்றும் உறவினர்கள் அரசு மருத்துவமனை முன்பு திரண்டனர். தொடர்ந்து சிறுமியை பார்க்க அனுமதிக்க வேண்டும், குற்றவாளிக்குஉரிய தண்டனை வழங்க வேண்டும் என சாலை மறியல் போராட்டத்தில் ஈடுபட்டனர்.

இந்நிலையில் செய்தியாளர்களை சந்தித்த பாதிக்கப்பட்ட சிறுமியின் உறவினர் வீரசெல்வி - கூறியதாவது: –

திருச்சி அரசு மருத்துவ மனையில் தீவிர சிகிச்சை பிரிவில் சிகிச்சை பெற்று வரும் சிறுமியை நேரில் சந்தித்து பார்த்த போது, எனக்கு குளிர்பானத்தில் ஏதோ கலந்து கொடுத்தார்கள். சிறிது நேரத்தில் எனக்கு மயக்கம் வந்துவிட்டது. என்னை வீட்டில் கொண்டு போய் விடுமாறு ஓட்டுனரிடம் கேட்டேன். அப்போது அவர் என்னை காரில் வைத்து வெகு தூரம் சுற்றிக் கொண்டே இருந்தார். பின்பு நான் முழுமையாக மயங்கிய நிலையில் இருந்தேன். அப்போது பலர் என்னிடம் வந்து சென்றதாக கூறினார். என்னால் முடியவில்லை. என்னை காப்பாற்றுங்கள் என்று சிறுமி கதறி அழுததாக தெரிவித்தார்.

மேலும் சிறுமிக்கு போதைமருந்து கொடுத்து உள்ளார்கள். தற்போது கூட சுய நினைவு இல்லாமல் தான் இருக்கிறார். எங்களையே யார் என்று தெரியவில்லை என்று கூறினார். சிறுமி முழுமையாக குணமடைந்தால் என்ன நடந்தது என்பதை தெளிவாக கூறுவார். இந்தப் புகாரில் யார் உடந்தையாக இருந்தாலும் அவர்களை உடனடியாக கைது செய்து நடவடிக்கை எடுக்க வேண்டும் என கேட்டுக்கொண்டார்.